යාපනය විශ්ව විද්‍යාලයයේ ඇති වූ ගැටුම අන්තවාදී ක්‍රියාවක් නොව බහුවාදයට එල්ල වූ ප්‍රහාරයක් යැයි ජාතික සංවාද පිළිබඳ අමාත්‍ය මනෝ ගනේෂන් මහතා පැවසීය.
ශ්‍රී ලංකාව යනු විවිධ ජාතීන්, ආගම්, සංස්කෘතීන් ඇතුළු විවිධාංග රැසකින් සමන්විත රටක් බව ද ඔහු කීවේය. උතුරේ අන්තවාදී ක්‍රියා නිසා දකුණේ අන්තවාදීන්ට ලකුණු ලැබෙන බවත් දකුණේ අන්තවාදී ක්‍රියා නිසා උතුරේ අන්තවාදීන්ට තම පටු අරමුණු ඉටු කරගැනීමට අවස්ථා ලැබෙන බවත් ඔහු පැවැසීය.
'මේ රට ගොඩනැගිය හැකි එකම පදනම බහුවාදයයි. යාපනයේ සිදුවීම බහුවාදයට එල්ල වූ ප්‍රහාරයක්. ජාතිවාදීන්ට ඉඩ දුන්නොත් අපට රටක් නැති වේවී. දකුණේ සිංහල විතරක් කියනකොට උතුරේ දෙමළ විතරයි කියනවා.'
