‘රජා කාපු විදියට මම කන්නේ නෑ. එදා කෑවෙත් කෙහෙල් කොළේ ඔතාගෙන ආ කෑමයි. අදත් එහෙමයි. රජා රජා විදියට කෑ යුතුයැයි හිමිනමක් එදා කියා තිබුණා. රජා ග්‍රාම සේවක විදියට නොකෑ යුතු බවත් ඒ හිමියන් කියා තිබුණා. ඒත් මම කන්නේ එදා විදියටමයි.‘ ශ්‍රී ලංකා පරිපාලන සේවා සංගමයේ 33 වැනි සංවත්සරය අමතමින් කොළඹ නෙළුම් පොකුණේදී ජනපති මෛත්‍රිපාල සිරිසේන මහතා එසේ කීවේය.

‘තම අතීතය සිහිපත් කළ ජනපති පැවසූයේ පරිපාලන සේවයේ පුංචිම තැනකින් ගමන අරඹා ළඟා විය හැකි ඉහළම තැනට පැමිණි බවයි. දවසක් මම වැඩට එන විට ‘ග්‍රාම සේවකයා ගෙදර පළ‘ කියා තිබුණා. මම යන්න ඕන තැනට දැන් ගිහින් ඉවරයි‘ යැයිද ජනපති පැවසීය.