වසර 12ක් නොසපුරා වෛද්‍ය හේතු මත විශ්‍රාම ගිය රණවිරුවන්ට යෝජිත විශ්‍රාම වැටුප පිළිබඳ ගැටලුව මාස තුනක දී විසඳීමට ජනපති මෛත්‍රිපාල සිරිසේන තීරණය කළ බව කෘෂිකර්ම අමාත්‍ය දුමින්ද දිසානායක කොළඹ කොටුවේ දී අද (26) පැවසීය.
විශ්‍රාම වැටුප් ඉල්ලා කොළඹ කොටුව දුම්රියපොළ ඉදිරිපිට විරෝධතාවේ යෙදී සිටින ත්‍රිවිධ හමුදාවේ සහ පොලිසියේ ආබාධිත රණවිරුවන් හමුවීමට ඇමැති එහි ගියේය.
ආබාධිත රණවිරුවන්ගේ එකමුතුවේ නියෝජිත යූ.ඩී. වසන්ත මසහතා ප්‍රකාශ කළේ ජනපති දුන් බව කියන පොරොන්දු තම සාමාජිකයන් පිළිගන්නා බවයි. මාස තුනකින් තම ප්‍රශ්නය නොවිසඳුනහොත් අඹුදරුවන් ද සමග පාරට බසින බවද ඔහු කීය.
