මෙම වසරේ පළමු මාස තුනේදී ශ්‍රී ලංකාවෙන් එච්.අයි.වී ඒඩ්ස් ආසාදිතයින් 70 ක් පමණ හඳුනාගෙන ඇතැයි ඒඞ්ස් මර්දන ව්‍යාපාරයේ අධ්‍යක්‍ෂ වෛද්‍ය සිසිර ලියනගේ පැවසීය.
මෙම රෝගීන්ගෙන් වැඩිදෙනකු පිරිමි සමලිංගිකයින් බවද වෛද්‍ය ලියනගේ සඳහන් කළේය.
එමෙන්ම රෝගීන්ගෙන් වැඩි ප‍්‍රමාණයක් වාර්තා වී ඇත්තේ බස්නාහිර පළාතේ කොළඹ දිස්ත‍්‍රික්කයෙන් බව ද අධ්‍යක්‍ෂවරයා ප‍්‍රකාශ කළේය.
එමෙන්ම මෙම රෝගීන්ගෙන් 65%කට වැඩි පිරිසක් පිරිමින් බව ද කී ඒඩ්ස් මර්දන ව්‍යාපාරයේ අධ්‍යක්‍ෂවරයා ඔවුන්ගෙන් බහුතරය වයස අවුරුදු 25ත් 49ත් අතර වයස්වල පසුවන්නන් බව ද කීවේය.
වැඩබිම් ආශ්රිතව එච්.අයි.වී ඒඞ්ස් ආසාදනය වීමේ වැඩි ප‍්‍රවණතාවක් මේ වන විට දක්නට ලැබෙන බැවින් වැඩබිම් ආශ්රිතව ඒ පිළිබඳව දැනුම්වත් කිරීමේ වැඩසටහන් ක‍්‍රියාත්මක කිරීමට සැලසුම් කර තිබෙන බව ද වෛද්‍ය ලියනගේ කියා සිටියේය.
