විපක්ෂ නායක ආර් සම්පන්දන් මහතා යුද හමුදා කඳවුරකට බලෙන් ඇතුළු වූ බවට යුද හමුදාවෙන් පොලිසියට පැමිණිල්ලක් කර නැතැයි හමුදා ප්‍රකාශක බ්‍රිගේඩියර් ජයනාත් ජයවීර මහතා අද (27) කැබිනට් තීරණ දැනුම් දීමේ මාධ්‍ය හමුවට එක්වෙමින් පැවසීය.
ඔහු කඳවුරට ගිය පසු හමුදා ප්‍රධානියෙක් ප්‍රදේශය බාර නියෝජ්‍ය පොලිස්පති සමග දුරකතනයෙන් සාකච්ඡා කර තිබූ බවත්, ප්‍රභූවරයා නොදන්වා පැමිණියහොත් ඇතැම් විට ඔහු යුද හමුදා ක්‍රියාවලියේදී ඔහු අපහසුතාවට පත් විය හැකි බවත් ජයවීර මහතා කීවේය.
සෞඛ්‍ය ඇමැති දොස්තර රාජිත සේනාරත්න මහතා කීවේ මෙය ප්‍රායෝගික ගැටළුවක් බවයි. සම්බන්දන් මහතා කඳවුරට යෑම ප්‍රභාකරන් කඳවුරට යෑම සේ නොලසකන ලෙස ද ඇමැතිවරයා කීවේය. යුද හමුදා කඳවුරුවලට ප්‍රභූවරුන් ගිය විට ඔවුනට හොඳට සලකන බවත්, හදිසියේ ගියහොත් එලෙස සැලකීමට නොහැකි වී ප්‍රභූවරයා අපහසුතාවට පත් වීමට ඉඩ ඇති බවත්, වෙන ගැටළුවක් ඇති වී නැති බවත් සේනාරත්න මහතා කීවේය.
