විදේශ ගමන් බලපත්‍රයක් හේතුවෙන් කුමාර් ගුණරත්නම් මහතා සිරගත වීමටත් විමල් වීරවංශ මහතා සිරගත නොවීමටත් හේතුව විමල් වීරවංශ මහතා රජයේ ප්‍රබලයකු සමඟ ඩීල් දමා තිබීම විය හැකි හැයි මහාමාර්ග රාජ්‍ය අමාත්‍ය ඩිලාන් පෙරේරා මහතා පැවසීය.
ඔහු එසේ කීවේ ශ්‍රී ලංකා නිදහස් පක්ෂ මූලස්ථානයේ පැවැති මාධ්‍ය හමුවකට සහභාගී වෙමිනි.
එක්සත් ජාතික පක්ෂය වැට් බදු සංශෝධන පනත් කෙටුම්පත කිසිදු සංශෝධනයකින් තොරව ගෙඩිය පිටින් සම්මත කිරීමට උත්සාහ කළහොත් එය පරාජය කිරීමට කටයුතු කරන බව ද පෙරේරා මහතා කීවේය.
වැට් බදු සංශෝධන පනත් කෙටුම්පත ගෙඩිය පිටින් ගෙන ඒමට එක්සත් ජාතික පක්ෂයට සිහිනයක් හෝ ඇති විය හොහැකි යැයිද රාජ්‍ය ඇමැති සඳහන් කළේය.
