අන්තර්ජාතික හෙද දිනය සැමරීමට රාජ්‍ය සේවා එක්සත් හෙද සංගමයේ සභාපති මුරුත්තෙට්ටුවේ ආනන්ද හිමියන්ගේ සංවිධානයෙන් අද (10) බණ්ඩාරනායක ජාත්‍යන්තර සම්මන්ත්‍රණ ශාලාවේදී සමුළුවක් පැවැත්විණි.
රේගු අධ්‍යක්ෂ ජනරාල් චූලානන්ද පෙරේරා මහතා ධනාත්මක චින්තනය ගැන දේශනයක් පැවැත්වීය. වෙනස් වූ පාෂාණවලට මිනිසුන් වැඳුම් පිඳුම් කරන බවත් වෙනස් නොවූ ගල්වලට පොල් ගසන බවත් ඔහු කීවේය. වෙනස් වූ ගල් වශයෙන් ඔහු හැඳින්වූයේ ගලින් නෙළූ පිළිම ගැනයි. ඔහුගේ කථාවට සභාවේ සිටි පිරිස ප්‍රීති ඝෝෂා පවත්වා අවසන් වෙද්දීම වාගේ හිටපු ජනපති මහින්ද රාජපක්ෂ මහතා එහි පැමිණියේය.
මෛත්‍රිපාල සිරිසේන ජනපති හා සෞඛ්‍ය ඇමැති රාජිත සේනාරත්න උත්සවයට එන බව සංවිධායකයන් පැවසුවද ඔවුන් පැමිණියේ නැත.
