පශ්චාත් සීමාවාසික වෛද්‍ය පත්වීම් ගැටලුව ඇතැමුන් සාලාව කඳවුරේ පිපිරුම මෙන් පත් කිරීමට උත්සාහ කළ බව සෞඛ්‍ය ඇමැති රාජිත සේනාරත්න මහතා අද (7) බණ්ඩානාරයක සම්මන්ත්‍රණ ශාලාවේ පැවැති වෛද්‍ය පත්වීම් ලබාදීමේ උත්සවයට එක්වෙමින් පැවසීය.
‘රජයේ වෛද්‍ය නිලධාරීන්ගේ සංගමය ඇතුළු වෘත්තීය සංගම් සමග අවබෝධයෙන් තමයි මම කටයුතු කරන්නේ. එම සංගමය හා අපි අතර පශ්චාත් සීමාවාසික වෛද්‍ය පත්වීම් ලේඛනය ගැන ප්‍රශ්නයක් තිබුණා. දැන් ඒක ඉවරයි. එකම මතයකයි අපි කටයුතු කරන්නේ. මේ සියලු සටන්වල ඉන්නේ එකම පිරිසක්. ඇමැතිත්, පරිපාලන නිලධාරීනුත් වෛද්‍යවරු වීම ඊට හේතුවයි. මේක යුද්ධයක් බවට පත් කරන්න ඇතැමුන් උත්සාහ කළා. එය කවදාවත් සිදු වන්නේ නෑ. අවසානයේ රතිඤ්ඤා කරලක් වෙලා පුපුරා ගියා.‘ යැයි ඇමැතිවරයා කීය.
