ශ්‍රී ලංකා නිදහස් පක්ෂයේ නායකයන් සිරිකොත මැණික රකින නාගයන් නොවිය යුතු බව ඒකාබද්ධ විපක්ෂයේ ජාතික සංවිධායක පාර්ලිමේන්තු මන්ත්‍රී ඩලස් අලහප්පෙරුම මහතා අද (3) බොරැල්ලේ පැවැති මාධ්‍ය හමුවකදී කීවේය.
ශ්‍රී ලංකා නිදහස් පක්ෂයේ මව වන සිරිමාවෝ මැතිනියගේ සොහොන ළඟදී ඊට ගෞරව දැක්වූ පිරිසෙන් යමකු පක්ෂ කාර්යාලයට හූ කීවා නම් ඒ සම්බන්ධයෙන් පක්ෂයේ නායකයන් අභ්‍යන්තර සාකච්ඡාවක් කළ යුතු බව ද ඔහු කීය.
මෛත්‍රීපාල සිරිසේන මහතාට අපහාස කිරීම සම්බන්ධයෙන් කනගාටුව ප්‍රකාශ කරන බව කී අලහප්පෙරුම මහතා ශ්‍රී ලංකා නිදහස් පක්ෂයට එක්සත් ජාතික පක්ෂය සමඟ දීග කෑමට සදාචාරාත්මක අයිතියක් නැතැයි ද කීය.
