‘ශ්‍රීලනිපය දෙකඩ කිරීමේ එජාප කොන්ත්‍රාත්තුවක් මමයි විමලුයි ඉටු කරමින් ඉන්නවා කියලා සමහරු චෝදනා කරනවා. අපිට එහෙම උවමනාවක් නැහැ‘ යැයි පිවිතුරු හෙළ උරුමයේ ලේකම් උදය ගම්මන්පිල මහතා අද (25) කෝට්ටේ පැවැති මාධ්‍ය හමුවකදී පැවසීය.
‘ආණ්ඩුවක් හදන්න ශක්තියක් නොතිබුණු එජාපයට ශ්‍රීලනිප මන්ත්‍රීවරු පිරිසක් එක් කරගෙන ශ්‍රීලනිපය එජාපයේ වලිගයක් බවට පත් කළේ කව්ද කියා රටම දන්නවා. ජනපති තමයි ශ්‍රීලනිපය දෙකඩ කළේ කියලත් අපි කියනවා.‘ යැයි ද ගම්මන්පිල මහතා කීවේය.
