කොළඹ කැප්පෙටිපොළ මාවතේ පිහිටි ‘සමිට්‘ මහල් නිවාස සංකීර්ණය වෙනුවට එම ස්ථානයේ නව මහල් නිවාස සංකීර්ණයක් ඉදි කිරීමට සැලසුම් කර ඇතැයි රාජ්‍ය පරිපාලන අමාත්‍ය රංජිත් මද්දුමබණ්ඩාර මහතා පවසයි.
රාජ්‍ය හා පෞද්ගලික අංශයේ සේවකයන්ට කුලී පදනම මත නිවාස ලබාදීම සඳහා මෙම මහල් නිවාස සංකීර්ණය අලුතින් ඉදිකරන බව ඇමැතිවරයා කීය.
මේ සම්බන්ධයෙන් මූලික සාකච්ඡාවක් ආරම්භ කර ඇතැයිද රජයේ හා පෞද්ගලික අංශයේ ඒකාබද්ධ ව්‍යාපෘතියක් ලෙස එය සිදුකිරීමට නියමිත බවද මද්දුමබණ්ඩාර මහතා සඳහන් කළේය.
