‘ජීවිත වනසන - අධ්‍යාපන අයිතිය අහෝසි කරන - ආණ්ඩුවේ ප්‍රතිපත්තිය පරදවමු‘ මැයෙන් ‘සයිටම් එපා‘ විරෝධතා රැළිය අද (12) හයිඩ් පිටියේ දී ඇරැඹිණි.
සමස්ත ලංකා වෛද්‍ය නිලධාරීන්ගේ සංගමය රැලිය සංවිධානය කර ඇත. ජවිපෙ නායක අනුර කුමාර දිසානායක, වෛද්‍ය පීඨ ශිෂ්‍ය ක්‍රියාකාරී කමිටුව, දේශීය වෛද්‍ය ශිෂ්‍ය කමිටුව, ලංකා ගුරු සංගමයේ ලේකම් මහින්ද ජයසිංහ ඇතුළු දේශපාලන නායකයෝ, සංගම් හා වෘත්තීය සමිති නායකයෝ ද රැලියට එක්ව සිටිති.
මාස හැටක උපාධියකට ලක්ෂ 120ක් දැරිය හැක්කේ මේ රටේ සිටින අයථා ලෙස මුදල් උපයන පිරිසට පමණක් යැයි එහිදී ජනතා විමුක්ති පෙරමුණේ නායක අනුර කුමාර දිසානායක මහතා රැලිය අමතමින් කීවේය.
මේ රටේ සිටින සාමාන්‍ය ජනතාවට තමාගේ එක් දරුවකුගේ උසස් අධ්‍යාපනය වෙනුවෙන් මසකට ලක්ෂ දෙකක වියදමක් දැරිය හැක්කේ කාටදැයි ඔහු ප්‍රශ්න කළේය.
