හම්බන්තොට වරායට සමාන වරාය හතරක් සෑදීමට වැයවන මුදලට සමාන මුදලක් ශ්‍රී ලංකන් ගුවන් සේවය පාඩු ලබන බවත් එය තවත් විදියකින් කියනවානම් දක්ෂිණ අධිවේගී මාර්ගය මෙන් අධිවේග මාර්ග දෙකක් සෑදීමට වැයවන මුදලට සමාන මුදලක් එසේ පාඩු ලබන බවත් නියෝජ්‍ය ඇමැති අජිත් පී.පෙරේරා මහතා පවසයි.
රුපියල් බිලියන 461ක ණය බරක් සහිතව මෙය කළමනාකරණය අසීරු බවත් ණය වෙනවා කියලා මෙහෙම ණය වීමකට කිසිවකු කර ගැසීමට නොපැමිණෙන බවත් ඔහු කීවේය.
ශ්‍රී ලංකා ගුවන් සේවයේ කළමනාකාරීත්වය පෞද්ගලික අංශයේ ව්‍යවසායකයකු සමග කරගෙන යාමට අමාත්‍ය මණ්ඩලය හා අගමැතිතුමන් තීරණය කළ අයුරින් කටයුතු කිරීමට සූදානම් බවත් අද (27) සිරිකොත පැවති මාධ්‍ය හමුවකදී ඔහු සඳහන් කළේය.
