‘මාදුළුවාවේ සෝභිත හාමුදුරුවන්ගේ මරණය සම්බන්ධයෙන් මම ඉතිහාසයේ තුන් හතර වතාවක් කතා කළා. මම ආයිත් කියන්නම් ඉතාම වගකීමෙන්ම අලි හොරකමට සම්බන්ධ කරුණු කාරණා උඩුවේ ධම්මාලෝක හාමුදුරුවන් වහන්සේ විසින් ඉදිරිපත් කරන්න ගත්තේ දූෂණ විරෝධි පෙරමුණ සාක්කි සහිතව අපි කියන අලි 28 කගේ නාම ලේඛනය ඉදිරිපත් කළාට පස්සේ. ඒ පිළිබඳ පරීක්ෂණ පවත්වලා මේ නායක හාමුදුරුවෝ ඇතුළු පිරිස අත්අඩංගුවට ගන්නට පටන් ගත්තට පස්සේ මේ මාතෘකාව යට ගහන්න යම් සූක්ෂම වැඩපිළිවෙළක් ඒකාබද්ධ විපක්ෂයේ කණ්ඩායම් ක්‍රියාත්මක කර තිබෙනවා‘ යැයි දූෂණ විරෝධී පෙරමුණේ උපදේශක රජිත් කීර්ති තෙන්නකෝන් අද(5) පැවැති මාධ්‍ය හමුවකදී පැවසීය.

‘සෝභිත හාමුදුරුවෝ ඝාතනය කළා නම් එකේ පාඩුව තියෙන්නේ මේ රටේ සිවිල් සමාජයට, යහපාලනයක් යැයි විශ්වාසය තැබු පුද්ගලයන්ට, මේ රටේ සිංහල, දෙමළ, මුස්ලිම් ජාතීන් එකට ජීවත් වනවාට කැමැත්තෙන් හිටපු අතිබහුතර ජනතාවට. සෝභිත හාමුදුරුවෝ ඝාතනය කරන්න හැදුවේ අද ඊයේ නෙමේ. අලි ගැන හොයන කොට, පළවෙනියා අත්අඩංගුවට ගන්න කොට මේ මාතෘකාව වෙනස් කරන්න සෝභිත හාමුදුරුවන්ගේ මරණය ඝාතනයක් බව කියමින් සමාජ ගත කරන්නට මේ කණ්ඩායම් උත්සහ ගන්නවා‘ යැයිද ඔහු කීවේය.