තමා අනවසරයෙන් කිලිනොච්චියේ හමුදා කඳවුරකට ඇතුළු වූ බවට පතුරුවන කතාවේ සත්‍යතාවක් නැතැයි විපක්ෂ නායක ආර් සම්බන්දන් මහතා කියයි.
තමන් අත්අඩංගුවට ගත යුතු බවට ඇතැම් පාර්ශ්ව කරන චෝදනා ප්‍රතික්ෂේප කරන බව ද විපක්ෂ නායක පවසයි.
57වැනි බළ සේනාංකයට අත්පත් කරගෙන ඇති උතුරේ ජනතාවට අයත් ඉඩම් නිරීක්ෂණය කිරීම සදහා ගිය බවත්, එහිදී බලසේනාංකයේ ප්‍රධාන දොරටුව විවෘත වූ බවත්, ඒ අනුව තමා බළසේනාංකයට ගිය බවත් සම්බන්ධන් මහතා සදහන් කරයි
යුද හමුදා කඳවුරකට ඇතුළු වීමට අවශ්‍ය නම් මින් පසු අවසර ගෙන ඇතුළු වන ලෙස යුද හමුදා ප්‍රධානින් සම්බන්දන් මහතාට දැනුම් දී තිබේ.
මේ අතර ජාතික ආරක්ෂාවට තර්ජනය කිරීමට කිසිවකුටත් ඉඩ දිය නොහැකි බවත්, සම්බන්දන් මහතා එම ක්‍රියාව කළේ නම් එය පිළි ගත නොහැකි බවත් ඉන්දියාවේ දී හිටපු හමුදා නිලධාරියෙක් පැවසීය.
