සාලාව යුද හමුදා කඳවුරේ අවි ගබඩාව පුපුරා යාමේ සිද්ධියෙන් මෙරට යුද හමුදා බලය දරුණු කඩා වැටීමකට ලක්වූයේ යැයි කොළඹ දිස්ත්‍රික් පාර්ලිමේන්තු මන්ත්‍රී දිනේෂ් ගුණවර්ධන මහතා අද පාර්ලිමේන්තුවේදී ප්‍රකාශ කළේය.
රටේ මෑත කාලයේ හමුදා කඳවුරක සිදුවූ දරුණුම පුපුරායාම පැය හතක් තිස්සේ පසුගියදා සාලාව කඳවුරේදී සිදුවූ බවත් මෙය යුද හමුදාවේ මූලස්ථානයක් බවත් ඔහු කීවේය.
මේ අතර ඇමැතිවරුන් රාජ්‍ය ඇමැතිවරුන් හා නියෝජ්‍ය ඇමැතිවරුන් තිස් දෙනකු සඳහා වාහන මිලට ගැනීමට රුපියල් එකසිය දහඅට කෝටි විසිපන් ලක්ෂයක අමතර මුදලක් ඉල්ලා පාර්ලිමේන්තුවට අද (7) පරිපූරක ඇස්තමේන්තුවක් ඉදිරිපත් කැරිණි.
එම පරිපූරක ඇස්තමේන්තුවට අනුව ඇතැම් ඇමැතිවරුන්ට වාහන දෙකක් මිලට ගැනීමට මුදල් ඉල්ලා ඇත.
