‘ශ්‍රී ලංකා නිදහස් පක්ෂයේ මහ ලේකම්ට හෝ සන්ධානයේ මහලේකම්ට සංවිධානාත්මකව හූ කිව්වා කියලා සමහරු හිතන් ඇති පක්ෂය මානසිකව වට්ටන්න. ඒත් මම කියන්න කැමැතියි මෛත්‍රිපාල සිරිසේන ජනපති තරම් නිහතමානී ප්‍රජාතන්ත්‍රවාදී රාජ්‍ය නායකයෙක් තවත් මේ රටේ ඉඳලා නෑ‘ යැයි පළාත් පාලන අමාත්‍ය ෆයිසර් මුස්තෆා මහතා අද (28) කොළඹ පැවැති මාධ්‍ය හමුවකදී පැවසීය.
‘ශ්‍රී ලංකා නිදහස් පක්ෂය මහින්ද රාජපක්ෂටවත්, මෛත්‍රිපාල සිරිසේනටවත්, චන්ද්‍රිකා කුමාරතුංගටවත් අයිති දෙයක් නෙමෙයි. මේක අයිති පාක්ෂිකයන්ට. ඒක නිසා සියලු නායකයෝ එකතු වෙලා මේ පක්ෂය රැකගන්න ඕනෑ‘ යැයිද ඇමැතිවරයා කීය.
