ඉඩමක් මිලදී ගැනීමේදී ලක්ෂ 20ක මුදල් වංචාවක් සිදුවූ බව කියන නඩුවක පැමිණිලි කාරිය ලෙස උසාවියට ආ පාර්ලිමේන්තු මන්ත්‍රී නීතීවේදී පවිත්‍රා වන්නිආරච්චිට කොළඹ අතිරේක මහේස්ත්‍රාත් අරුණි ආටිගල මහත්මිය තරයේ අවවාද කළාය.
අධිකරණ කටයුතු යන අවස්ථාවේ මන්ත්‍රීවරිය ඇගේ නීතීඥයාට විටින් විට උපදෙස් දීමට වීම නිසා මහේස්ත්‍රාත්වරිය එලෙස අවවාද කළාය.
මෙය තවත් එක් නඩුවක් පමණක් බවත්, කිසිදු විශේෂත්වයක් නැති බවත්, නීතීඥවරුන්ට උපදෙස් දීමට අවශ්‍ය නම් අධිකරණයෙන් පිටතදී සිදු කළ යුතු බවත්, අධිකරණ කටයුතුවලට බාධා වන ලෙස හැසිරීම සුසුදු නැති බවත් මහේස්ත්‍රාත්වරිය කීවාය.
