‘‘පලනි දිගම්බරන් මහතා සුළු පක්ෂ නායකයකු වුවද තමන්ගේ පක්ෂයේ මැයි රැලිය තනිවම සමරනවා. එහෙත් විමල් වීරවංශලට, දිනේෂ් ගුණවර්ධනලාට එහෙම කරන්න බැහැ. විමල් වීරවංශලාට ජනපදනමක් නැතිනිසා මහින්ද රාජපක්ෂ ඉදිරියට දමාගෙන ඔවුන්ගේ ගොඩ වැඩි කර ගැනීමේ අසාර්ථක උත්සාහයක යෙදෙනවා. ඉතිහාසයේ වුණේ ඔය විදිහටමයි. සුළු පක්ෂ ප්‍රධාන පක්ෂ කඩන්න කුමන්ත්‍රනය කිරීමයි. අද වෙන්නෙත් ඒ දෙයමයි.‘‘ යැයි උතුරුමැද ප්‍රධාන අමාත්‍ය පේෂල ජයරත්න මහතා පැවසීය.
‘‘විමල් වීරවංශ ඇතුළු කණ්ඩායමේ දේශපාළන බංකලොත්භාවය තමයි මේ ප්‍රදර්ශනය කරන්නෙ. කන්න අවශ්‍ය වුනාම කබරගොයත් තලගොයා කරගන්න මේ අය දක්ෂයි. ඉස්සර නරක අය දැන් හොඳ වුණේ කොහොමද කියා මේ අය ජනතාව ඉදිරියට ඇවිත් ප්‍රකාශ කළ යුතුයි. හිටපු ජනාධිපතිවරයාගේ පරාජයට වගකිව යුතු බව කියූ බැසිල් රාජපක්ෂ මහතා අද ඒකාබද්ද විපක්ෂයේ කියාගන්නා පිරිස මෙහෙයවන ප්‍රධානියා ලෙස කටයුතු කරනවා. ඔය කණ්ඩායම ගිණිකන්දක් වගේ පුපුරන දවස වැඩි ඈතක නැහැ.
අපි කියන්නේ අපේ පක්ෂයේ වැඩ අපිට බලාගන්න දීල ඒගොල්ලන්ගේ පක්ෂෙ වැඩ බලාකියාගෙන ඉන්න කියලයි. මැයි පළමු වැනිදා කියන්නේ කම්කරුවාගේ දිනයයි. කම්කරු ජනතාව වෙනුවෙන් දැක්මක් සෑම දේශපාළන පක්ෂයකටම තිබෙනවා. ‘‘
