(අමිල චින්තක ගමගේ)
ඉදිරි දේශපාලනය පිළිබඳ අනාවැකියක් කියන බවත් 2025 වන විට රාජ්‍ය බලයෙන් වාමාංශික මතවාදය ගැලවී නැවත වරක් දක්ෂිණාංශික අලුත් කණ්ඩායමකට බලය හුවමාරු වන බවත් ජාතික ජනතා පක්ෂයේ නායක මංජු නිශ්ශංක මහතා සදහන් කළේය.
ඊට නායකත්වය ලබාදීම සඳහා ජාතික ජනතා පක්ෂය සූදානම් බවත් ඔහු සඳහන් කළේය.රට තිරසාර ගමනකට ගෙන යාම තම පක්ෂයේ අරමුණ බවත් මේ රට ගොඩනැගිය හැක්කේ පිරිසුදු දක්ෂිණාංශික කණ්ඩායමකට පමණක් බවද ඔහු පවසයි.
පසුගියදා පැවති ඇල්පිටිය ප්‍රාදේශීය සභා මැතිවරණයේදී තම පක්ෂයට මන්ත්‍රී ආසනයක් ලබා දෙමින් උඩුගං බලා පීනන ගමනට ජනතාව ශක්තියක් වී තිබෙන බවද ඔහු කීය.මේ රටට අවශ්‍ය දේශපාලන වෙනස ඇති කිරීම සඳහා සාම්ප්‍රදායික පවුල් දේශපාලනයෙන් පිට නව කණ්ඩායමක් ජනතාව සොයමින් සිටින බවද ඔහු සඳහන් කළේය.තම පක්ෂයට ආසනයක් දිනා දුන් ඇල්පිටියේ ජනතාවට ස්තුති කරන බවට ඔහු සදහන් කළේය.
මේ අදහස් ඔහු පළ කළේ අද පැවැති මාධ්‍ය හමුවකට එක්වෙමිනි.
