ජනතාව පාරට බැස ආණ්ඩුවට ගෙදර යන්න කියනවා නම් ඒ සඳහා සූදානම් බවත් හොරා කෑමට බලයට එන්න හදන අය පාරට බැස ආණ්ඩුවට කෑ ගැසුවට ආණ්ඩුව ගෙදර යන්න සූදානම් නැති බවත් අග්‍රාමාත්‍ය රනිල් වික්‍රමසිංහ මහතා අද (23) “ඉදිරියට යන්න හිතන අය එන්න“ තේමාව යටතේ එක්සත් ජාතික පක්ෂ සාමාජික ප්‍රවර්ධන වැඩසටහනේ මහනුවර සමුළුව අමතමින් මහනුවර දී පැවසුවේය.
මෙහිදී නව සාමාජිකයන් හට ඉලෙක්ට්‍රෝනික පක්ෂ සාමාජිකත්ව කාඩ්පත අගමැති අතින් පිරිනැමුණු අතර මහනුවර නගරයේ කඩ සාප්පු වලට ගොස් අගමැතිවරයා සාමාජික කාඩ්පත් අලෙවි කිරීමද සිදු කළේය.
ලක්ෂ්මන් කිරිඇල්ල හා කබීර් හෂීම් යන අමාත්‍යවරුන්ද මේ අවස්ථාවට සහභාගී වූහ.
