(නිමල කොඩිතුවක්කු)
ආණ්ඩුවට එරෙහිව ජනතා විමුක්ති පෙරමුණ ඉදිරිපත් කරන බව විශ්වාසභංග යෝජනාවට කොන්දේසි විරහිතව සහය පළ කළ යුතු බව පාර්ලිමේන්තු මන්ත්රී ඩිලාන් පෙරේරා මහතා කොළඹදී පැවසීය.
ජනතා විමුක්ති පෙරමුණ මෙම විශ්වාසභංග යෝජනාව මොන පරමාර්ථයෙන් ඉදිරිපත් කළද එය ආණ්ඩුවට විරුද්ධව ඉදිරිපත් කිරීම නිසා එයට පක්ෂව ඡන්දය දිය යුතු බවද මන්ත‍්‍රීවරයා මහතා කියා සිටියේය.
පුංචි බොරැල්ලේ පිහිටි පාර්ලිමේන්තු මන්ත්රී තිලංග සුමතිපාල මහතාගේ නිවසේ පැවැති මාධ්‍ය හමුවකට එක් වෙමින් මන්ත‍්‍රීවරයා මේ බව පැවසීය.
රිෂාද් බදියුදින් ඇමැතිතුමාට විරුද්ධව ගෙන එන විශ්වාසභංග යෝජනාවේදී ජනතා විමුක්ති පෙරමුණේ හැසිරීම බලා තීන්දු ගැනීම අවශ්‍ය නොවන බවත් සඳහන් කළ මන්ත‍්‍රීවරයා ජනතා විමුක්ති පෙරමුණේ හැසිරිම අනුව තීන්දුව ජනතාව විසින් ගනු ඇති බවද සඳහන් කළේය.
එමෙන්ම පාස්කු ඉරිදා ප‍්‍රහාරය සම්බන්ධයෙන් සොයා බැලීමට පත් කළ පාර්ලිමේන්තු තේරීම් කාරක සභාවේ අරමුණ රිෂාද් බදියුදින් ඇතුළු පිරිස් ශුද්ධ පවිත‍්‍ර කිරීම බවද ඔහු සඳහන් කළේය.
මේ හේතුවෙන් මෙම ඊනියා තේරීම් කාරක සභාව වර්ජනය කරන ලෙසට විපක්ෂනායක, ජනාධිපති සහ ඒකාබද්ධ විපක්ෂයේ සියලුම නායකයින්ගෙන් තමන් ඉල්ලීමක් කරන බවද ඩිලාන් පෙරේරා මහතා වැඩිදුරටත් පැවසීය.
