(චමිල් රුපසිංහ)
නායකයාට වඩා ඉහළින් පක්ෂයේ අනිකුත් අය වැඩ කටයුතු කරන්නට යෑමෙන් පක්ෂය පිරිහෙන බවත් වත්මන් ආණ්ඩුවේ ද එවැනි අය සිටින නිසා රජය පිරිහෙමින් පවතින බව ගැටඹේ රාඡෝපවනාරාම විහාරාධිපති කැප්පෙටියාගොඩ සිරිවිමල හිමියෝ පවසති.
පක්ෂයේ නායකයා මහින්ද රාජපක්ෂ මහතා නම් ඊට ඉහළින් තවත් කෙනෙකු කටයුතු කරන්නට යන අය පෙනෙන්නට ඇති බවත් එවැනි අඩුපාඩු හදාගෙන රටේ ජනතාවට යහපතක් වන සේ ඔබලාගේ පක්ෂයේ ද අඩුපාඩු නිවැරදිව සකසා ගත යුතු බව නාහිමියන් නාමල් රාජපක්ෂ මහතා ඇතුළු පිරිසට පැවැසුහ.
ගැටඹේ රාඡෝපවනාරාම විහාරාධිපති කැප්පෙටියාගොඩ සිරිවිමල හිමියන් මෙසේ පැවැසුයේ ඒකාබද්ධ විපක්ෂයේ තරුණ පාර්ලිමේන්තු මන්ත්‍රී කණ්ඩායමක් අද (31) ගැටඹේ රාඡෝපවනාරාම විහාරාධිපති කැප්පෙටියාගොඩ සිරිවිමල හිමියන් බැහැ දැකීමට පැමිණි අවස්ථාවේ දීය.
එහිදී ගැටඹේ රාඡෝපවනාරාම විහාරාධිපති කැප්පෙටියාගොඩ සිරිවිමල හිමියෝ මෙසේ පැවැසුහ.
දැන් මුළු රටම භෝඨාභය ඕනෑ කියල කියනවා. ඒකට විරුද්ධව තව දෙන්නෙක් කතා කරනවා. එතකොට මහජනතාව හිතන්නේ. මේ අයගේ කිසි සංවිධානයක් නෑ. සමගියක් නෑ කියල ඒ නිසා මේ අයට ඡන්දය දෙන්න හොද නෑ කියල ජනතාව හිතනවා. එතකොට ජනතාව මොකා ආවත් කමක් නෑ කියල කාට හරි ඡන්දය දෙනවා. අපිට අවශ්‍ය දේශපාලන පක්ෂ නෙමේ අපිට අවශ්‍ය රටයි රටේ ජනතාවයි ජනතාව නැත්තම් රටක් නෑ. රටේ ජනතාවට යහපතක් වෙන රජයක් තමා දැන් ජනතාවගේ කැමැත්ත ඒ නිසා තමන්ගේ පක්ෂයේ අඩුපාඩු සාදා ගැනීමට එක් නායකයකු වටා එක්විය යුතු බවද නාහිමියෝ මන්ත්‍රිවරුන් හමුවේ පැවසුහ.
මේ අවස්ථාව සඳහා ගැටබේ රාඡෝපවනාරාම විහාරවාසී ශාස්ත්‍රාචාර්‍ය ගල්කැටිවෙල රතනවංස හිමියන්, පේරාදෙණිය විශ්ව විද්‍යාලයේ දේශපාලන විද්‍යා අධ්‍යයන අංශයේ හිටපු මහාචාර්ය ආර්.ඩබ්ලිව්.රණසිංහ, පාර්ලිමේන්තු මන්ත්‍රීන් වන දිලුම් අමුණුගම, කණක හේරත්, තාරක බාලසූරිය, අධ්‍යාපනවේදී ඩබ්ලිව් රත්නායක යන මහත්වරු සහභාගී වුහ.
