( +++ අංජුල මහික වීරරත්න)
ජනාධිපතිවරණයේදී දුන් පොරොන්දු ඉටුකිරීමට අසමත් වී ඇති හෙයින් ආණ්ඩුව අද විපක්ෂයේ මන්ත්‍රීවරුන් දඩයම් කරමින් සිටින බව එක්සත් ජාතික පක්ෂ පාර්ලිමේන්තු මන්ත්‍රී මුජිබර් රහුමාන් මහතා මාධ්‍ය හමුවේදී ඊයේ (5) පැවැසීය.
ජනාධිපතිවරණයේදී පොරොන්දු දී ජනතා විශ්වාසය ගොඩනගාගත් නමුත් දැන් දුන් පොරොන්දු ඉටු කිරීමට නොහැකි බව ආණ්ඩුව තේරුම් ගෙන ඇතැයි කී මන්ත්‍රීවරයා, ශීඝ්‍රයෙන් ඉහළ යන බඩු මිල ඇතුළු ජනතා ප්‍රශ්න අමතක කිරීම සඳහා විපක්ෂයේ මන්ත්‍රීවරුන් අත්අඩංගුවට ගනිමින් සිටින්නේ යයිද සඳහන් කළේය.
අත්අඩංගුවට ගැනීමෙන් පසු කුමක් හෝ වරදක් සෙවීමෙන්ම මෙහි විහිළු ස්වරූපය මැනවින් පෙනෙන්න පටන්ගෙන තිබෙන බව මුජිබුර් රහුමාන් මහතා, ඉදිරියේදී ආණ්ඩුවට විරුද්ධව එල්ලවිය හැකි දරුණු විවේචන කල්තියා මැඩපැවැත්වීමේ ක්‍රමයක් ලෙස අත්අඩංගුවට ගැනීම් සිදුකරන බවද පැවසීය.
පිටකෝට්ටේ සිරිකොත එක්සත් ජාතික පක්ෂ මූලස්ථානයේදී මාධ්‍ය හමුව පැවැත්විණි.
