සුජිත් හේවාජුලිගේ
දේශීය ආදායම් දෙපාර්තමේන්තුව ඇතුළු රාජ්‍ය ආයතන විස්සක පමණ රුපියල් කෝටි ගණනක වියදමින් ස්ථාපනය කරනු ලැබ ඇති දත්ත පද්ධති මේ වනවිට ආකර්මණ්‍ය තත්ත්වයේ පවතින බව විගණන වාර්තාවලින් හෙළිවී ඇත.
මේ සම්බන්ධයෙන් අදහස් දක්වන රජයේ ගිණුම් පිළිබඳ පාර්ලිමේන්තු කාරක සභාවේ (කෝපා කමිටුව) සභාපති රාජ්‍ය අමාත්‍ය ලසන්ත අගියවන්න මහතා පවසන්නේ රුපියල් කෝටි 1700 කින් ස්ථාපනය කරන ලද දේශීය ආදායම් දෙපාර්තමේන්තුවේ දත්ත පද්ධතියද මේ ෙවනවිට ක්‍රියාත්මක නොවන බවයි.
බොහෝ රාජ්‍ය ආයතනවල දත්ත පද්ධතිවලින් වැඩක් වී නැතැයි ද ඔහු සඳහන් කළේය. රාජ්‍ය ආයතන කාර්යක්ෂම කිරීම සහ ආදායම් වැඩිකර ගැනීම සඳහා ඩිජිටල්කරණය ඉතා වැදගත් වුවත් ඒවා විධිමත් ආකාරයට ක්‍රියාත්මක කළ යුතු බව ද අලගියවන්න මහතා පෙන්වා දුන්නේය. බොහෝ ආයතනවල දත්ත පද්ධති අකර්මණ්‍ය වීමෙන් ජනතා සේවාවලට බාධා මතුව ඇති බව විගණන වාර්තා පෙන්වා දෙයි.
