තම කාරිය නිමවා වේලාසන ඔහු පිටත්ව ගියේය. ඒ පසුගිය වසරේ පෙබරවාරි විසිහතර වැනිදාය. තම කාරිය නිමවා, මතකය රඳවා යන්නම යන්න ගිය මාධ්ය සගයන් අතරට ඔහු ද එක් විය.
ඒ බන්දුල පද්ම කුමාරය...!
බන්දුල මල් පත්තරකාරයකු ලෙසින් හැඳින්වූවෝ ඔහු මාධ්ය තුළ කළ නිහඬ පෙරළි දැක නිහඬ වූහ. මේ මල් පත්තරකාරයා ලේක් හවුසියේ මුල් පුටුවට ගියේය. වැඩ දන්නා අයගෙන් වැඩ ගැනීමේ හිතාදර උපාය මාර්ග ඔහු ළඟ තිබිණි. සිනාවකින් සියල්ල බාරගත් බන්දුල විද්යුත් මාධ්යයක, මාධ්ය ප්රකාශකයකු වූයේ දවසේ පත්තර පළ කළ විස්තර රටට කියන්නටය. මුල් පිටුවට ඇස ගියේ හිත ගියේ දේශපාලකයන්, වෘත්තිකයන්, කලාකරුවන්ගේ පමණක් නොව සාමාන්ය ජනයාද බන්දුල ‘මුල් පුටුවෙන්’ කළ මෙහෙවර සමග එක්විය.
පාසල් වියේදීම සිනමාව ගැන ඇල්මක් උනන්දුවක් ඇතිව සිටි බන්දුල සිනමාව, වේදිකාව නළු නිළියන්, ගායක ගායිකාවන් වෙනුවෙන්ම පුවත්පතක් සැකසුවේය. සිනමාවට ගීතයට ආදරය කළ බන්දුල පද්ම කුමාර ඒ ක්ෂේත්රවල ආරක්ෂකයකු ලෙසත් පෙනී සිටියේය.
මාධ්යකරුවන්ගේ අයිතිවාසිකම් වෙනුවෙන් කිසියම් දෙයක් කිරීමේ ඕනෑකම ඔහුට තිබිණි. මාධ්යකරුවන්ගේ එකමුතුවක් ගොඩනගා එහි ක්රියාකාරි සාමාජිකයෙක්ද වූයේය. විශේෂයෙන්ම ශ්රී ලංකා කර්තෘ සංසදය පිහිටුවීමේලා පුරෝගාමියෙක් වූයේය.
සිනමාවට ගීතයට ආදරය කළ බන්දුල පද්මකුමාර එම ක්ෂේත්රවල ආරක්ෂකයකු ලෙසින් පෙනී සිටියා පමණක් නොව එම ක්ෂේත්රවල නියැළුණු කලාකරුවන්ගේ ගැටලු ගැනද අවධානය යොමු කළේය. ප්රධාන ධාරාවේ මාධ්යවලින් ඈත් වූ බන්දුල දේශපාලන පුවත්පතකට ද අත ගැසුවේය.
වැඩකිරීමෙන් වෙහෙසට පත් නොවන හේතුව බන්දුල තුළ තිබූ ඕනෑකමයි. ඒ ඕනෑකම ඔහුගේ පවුලේ කටයුතු අතපසු කිරීමට අවසර දුන්නේ නැත. බිරිඳ සමන්මලී ඔහුගේ පිළිවෙත් හොඳින් දැන සිටියාය. ඔවුනගේ මුතු දියණියත් හිරු පුතණුවනුත් ඔහුගේ මව මෙන්ම තම පියා හොඳින් හඳුනාගෙන සිටියහ.
පාන්දර තුනේ සිට අලුත් දවසේ වැඩ ආරම්භ කරන බන්දුල ශාරීරික වෙහෙසක් සමග ඇයි හොඳයියක් පැවැත්වූයේ නැත. වැඩ කිරීමම ඔහුගේ ජීවිතය විය. ජීවිතයේ සතුට විය. සියල්ල අතහැර නිදහස් මිනිසකු ලෙස පිටත්ව යාමට ඔහුට ශක්තිය දුන්නේ වැඩෙහි යෙදීමෙන් ඔහු ලැබූ සතුටයි.... තෘප්තියයි.
ඔහුගේ ඇසුරෙන්, ඔහුගේ සේවයෙන් ආස්වාදයක් ලැබූ හදවත්වල ඔහු පිළිබඳ මතකය ඔහු නික්ම ගොස් වසරක් පිරෙන දා යළි අලුත් වනු ඇත ! අපිත් ඔබ සිටින තැනට කවදා හෝ එන්නෙමු. නැත්නම් අපි ඔබ එන තෙක් බලා සිටින්නෙමු.
කරුණා පෙරේරා
පසුගිය ජනාධිපතිවරණ සමයේදී ඉදිරිපත් වූ ඉතාමත් ප්රබල තර්කය වූයේ 2019 ජනාධිපතිවරණයේ දී සියට 3.16ක ඡන්ද සංඛ්යාවක් ලැබූ ජාතික ජනබලවේගයේ නායක අනුර කුමාර දිස
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
හාරඹ වලව්ව බලපිටියේ පිහිටි වලව් අතරින් පැරැණිතම වලව්වකි. සිංහල, පාළි, සංස්කෘත, ඉංග්රීසී හා ලතින් භාෂා මැනැවින් දැන සිටි ලුවී ද සොයිසා විජයසේකර ජයතිල
මෙවර ජනාධිපතිවරණය මෙරට මැතිවරණ ඉතිහාසයෙහි පැවැති ඉතාම සාමකාමී මැතිවරණයකි. ඒ නිසාම එම සාමකාමී පරිසරය ජාත්යන්තර මැතිවරණ නිරීක්ෂකයන්ගේ ප්රසාදයට ලක්
විචිත්ර ධර්ම දේශකයාණන් වහන්සේ නමක වන තලල්ලේ චන්දකිත්ති හිමියන්ගේ පැවිදි දිවියට අදට (25) වසර 36ක් සම්පූර්ණ වේ. මේ ලිපිය ඒ නිමිත්තෙනි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ඔහු නික්ම ගොස් වසරයි
Senaka Saturday, 25 February 2023 04:38 PM
ශ්රේෂ්ඨ මාධ්ය වේදියෙක්... ඒ කාලේ අපි ස්වර්ණවාහිනියේ මුල්පිටුව පටන් ගන්න වෙලාවේ ඉඳන් ඉවර වෙනකන්ම බලනවා. එතුමා තමන්ගේ වැඩසටහන ස්වාධීනව සමබරව පවත්වාගෙන ගියා. ඒකෙන් සමහර පක්ෂවලට රිදුණා. ඔවුන් සංවිධානාත්මකව එතුමාට මඩගහලා බිම වට්ටන්න නොයෙක් උත්සාහ ගත්තා. ඒත් එතුමාව වට්ටන්න බැරි වුණා. දැන් හැමෝම එතුමගේ වැඩසටහන කොපි කරලා. ඒ කියන්නේ එතුමා මාධ්ය කලාවේ දාර්ශනිකයෙක්... ඒ වගේ හිත හොඳ මාධ්යවේදීන් මේ ලෝකෙ හරි අඩුයි. එතුමාට සොඳුරු නිවන් සුව අත්වේවා...!
HARAMANIS Sunday, 05 March 2023 02:58 PM
ඔහුට නිවන් සුව පතමු...