ෆ්ලයි ඩුබායි උඩු ගුවනේ හුටපටය
මගීන් 150 දෙනකු රැගෙන ෆ්ලයිඩුබායි ගුවන් සේවයට අයත්, එෆ්.සෙඩ්.1073 ගුවන් යානය, ඉකුත් 30 වැනිදා එක්සත් අරාබි එමීර් රාජ්‍යයේ ඩුබායි ජාත්‍යන්තර ගුවන්තොටුපොළෙන් ගුවන්ගත වූයේ, ඊශ්‍රායලයේ බෙන් ගුරියන් ගුවන්තොටුපොළ බලා යෑමටය. යානය ඊශ්‍රායලයට ළං වෙද්දී, නොසිතූ දෙයක් සිදුවිය. යානයේ සහාය නියමුවා යානය පැහැර ගැනීමට තැත් කළේය. ඔහුගේ අරමුණ යහපත් එකක් නොවීය. ඔහුට අවශ්‍ය වූයේ යානය ඊශ්‍රායලයට කඩා වැටීමට සලස්වා මහා විනාශයක් සිදු කිරීමටය.
