අප රට බතබුලතින්, යසඉසුරින්, මනුසත් බවින්, ආදරයෙන් පරිපූර්ණ නොවූව ද මත්ද්රව්යවලින්, මිනීමැරුම්වලින්, සාහසික අපරාධවලින් හා නොයෙක් ආකාරයේ අවර ගණයේ ක්රියාකාරකම්වලින් පරිපූර්ණය. දිනපතා එකක් පසුපස එකක් වාර්තා වන සිදුවීම්වලින් ද එය මනාව ඔප්පු වේ.
මැතිවරණයකට ඉදිරිපත් වන කවර වර්ණයකට අයිති අපේක්ෂකයකු වුව ද ඔහුගේ පරම අභිලාසය විය යුත්තේ ගරු කටයුතු මහජන නියෝජිතයකු වීමය. එනම්, මහජනයාගේ ප්රශ්න අභියෝගවලදී පසුපසට නොයා ඉදිරිපත්ව ඒවා විසඳීමය. මහජනයාගේ සුවසෙත සැලසීමය. කරුණු කාරණා එපරිදි වුව ද මෙවර පළාත් පාලන මැතිවරණයට ඉදිරිපත්ව සිටින අපූරු අපේක්ෂකයකු සම්බන්ධ ප්රවෘත්තියක් අප පුවත්පත ඉකුත්දා වාර්තා කළේය.
මෙම අපේක්ෂකයා තිස්පස් හැවිරිදිය. බියගම ප්රාදේශීය සභාවට නාම යෝජනා ඉදිරිපත් කර තිබෙන්නේ ශ්රී ලංකා නිදහස් පක්ෂයෙනි. එහෙත්, ඔහු ඉකුත්දා පොලිස් අත්අඩංගුවට පත්විය. ඒ, පසුගස්කන්ද පොලිස් ස්ථානයේ දූෂණ මර්දන ඒකකයේ ස්ථානාධිපතිවරයාට ලැබුණු ඔත්තුවක් අනුවය. ඔත්තුවෙන් කියැවුණේ, මෙම ගරුකටයුතු මහජන අපේක්ෂකයා අයිස් මත්ද්රව්ය ජාවාරම්කරුවකු බවය. අප පුවත්පත වාර්තා කළ ප්රවෘත්තියෙහි සඳහන් වන්නේ අත්අඩංගුවට ගන්නා විට මෙම අපේක්ෂකයා සතුව අයිස් මත්ද්රව්ය මිලිග්රෑම් 5500 ක් තිබූ බවය. එමෙන්ම මෙම අපේක්ෂකයා අයිස් මත්ද්රව්යවලට තදින්ම ඇබ්බැහිවූවකු ද යන්න පොලිස් නිලධාරීන් විසින් විශේෂ පරීක්ෂණයකට ලක්කරන බව ද අප ප්රවෘත්තියෙහි සඳහන්ය.
හොඳ මිනිසුන් පමණක් මහජන නියෝජිත ආයතනවලට තෝරා පත් කර එවන මෙන් සමාජයේ පොදු ඉල්ලීමක් පවතී. මෙම ඉල්ලීමට ජනතාවගේ ක්ෂණික ප්රතිචාරයක් වන්නේ ‘අපට තෝරා ගැනීමට සිදුවන්නේ පක්ෂයෙන් නම් කරන අපේක්ෂකයන් බැවින් හොඳ මිනිසුන්ට අපේක්ෂකත්වය ලබාදීම පක්ෂයේ වගකීමක් බවය.’ පක්ෂයේ නායකයා එයට ප්රතිචාර දක්වනුයේ ‘අපේක්ෂකයන් සම්මුඛ පරීක්ෂණයකට ලක්කර ඔහු සම්බන්ධයෙන් විශේෂ පරීක්ෂණයකට ලක්කිරීමෙන් පසුව අපේක්ෂක ලැයිස්තුවට නම් කරන’ බවය.
මේවා ‘පට්ට කෙබර’ බව පැහැදිලි වන්නේ පළාත් පාලන මැතිවරණය සඳහා නාමයෝජනා බාර ගැනීමෙන් පසු ඇතැම් අපේක්ෂකයන් සම්බන්ධයෙන් පළවන වාර්තා අනුවය. මෙහි විශේෂත්වය වන්නේ, ඉතිහාසයේ අන් කවරදාටත් වඩා වැඩියෙන් සෑම වර්ණයකටම අයත් අපේක්ෂකයන් සම්බන්ධයෙන් විවිධ මාදිලියේ චෝදනා එල්ල වීමය.
මන්ද මානසික තරුණියකට අතවර කිරීමේ චෝදනාවක් එක් අපේක්ෂකයකුට එල්ල වී ඇති අතර, මිනිස් ජාවාරම්හි නිරත පුද්ගලයකුට නාමයෝජනා දී ඇති බවට චෝදනාවකි. තවත් චෝදනා බොහෝය. බියගම ප්රාදේශීය සභාවට ශ්රී ලංකා නිදහස් පක්ෂයෙන් ඉදිරිපත් වී ඇති අපේක්ෂකයකුට එල්ල වී ඇති චෝදනාව වන්නේ, අයිස් මත්ද්රව්ය මිලිග්රෑම් 5,500ක් ළඟ තබා ගැනීම සම්බන්ධයෙනි.
මෙරට ජාතික ප්රශ්න කුමක්දැයි විමසුවහොත්, පැකිලීමකින් තොරව දිය හැකි පිළිතුර වන්නේ මත්ද්රව්ය යන්නය. එපමණටම මෙම මත්ද්රව්ය නැමැති රකුසා ජාතික දේහය ගිලගෙන අවසන්ය. රටේ හෙට දවස සම්බන්ධයෙන් සුබ සිහින දල්වාගත නොහැකි තරමට මත්ද්රව්යයේ අණසකට රට යටත් වී තිබේ. මෙහි ඇති ඛේදවාචකය වන්නේ, ප්රජාතන්ත්රවාදය රැක ගැනීමට, ජනතාවගේ ඡන්ද අයිතිය රැක දීමට දේශපාලන පක්ෂවලට ඇති උනන්දුව මත් රකුසාගෙන් රට බේරා ගැනීමට නොමැති වීමය.
පසුගිය ජනාධිපතිවරණ සමයේදී ඉදිරිපත් වූ ඉතාමත් ප්රබල තර්කය වූයේ 2019 ජනාධිපතිවරණයේ දී සියට 3.16ක ඡන්ද සංඛ්යාවක් ලැබූ ජාතික ජනබලවේගයේ නායක අනුර කුමාර දිස
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
හාරඹ වලව්ව බලපිටියේ පිහිටි වලව් අතරින් පැරැණිතම වලව්වකි. සිංහල, පාළි, සංස්කෘත, ඉංග්රීසී හා ලතින් භාෂා මැනැවින් දැන සිටි ලුවී ද සොයිසා විජයසේකර ජයතිල
මෙවර ජනාධිපතිවරණය මෙරට මැතිවරණ ඉතිහාසයෙහි පැවැති ඉතාම සාමකාමී මැතිවරණයකි. ඒ නිසාම එම සාමකාමී පරිසරය ජාත්යන්තර මැතිවරණ නිරීක්ෂකයන්ගේ ප්රසාදයට ලක්
විචිත්ර ධර්ම දේශකයාණන් වහන්සේ නමක වන තලල්ලේ චන්දකිත්ති හිමියන්ගේ පැවිදි දිවියට අදට (25) වසර 36ක් සම්පූර්ණ වේ. මේ ලිපිය ඒ නිමිත්තෙනි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
කුඩුකාරයකුට ජනතා නියෝජිතයකු වියහැකිද?
fairoos Sunday, 12 March 2023 02:23 PM
ලංකාවේ පුළුවන්...