IMG-LOGO

2025 අප්‍රේල් මස 25 වන සිකුරාදා


ජංගම දුරකතනයෙන් දෙවියෝ වඩිති

බණ්ඩාරනායක ජාත්‍යන්තර ගුවන්තොටුපළ ආගමන පරිශ්‍රයේ වියට්නාම් ජාතික කාන්තාවක් හඬමින් සිටියාය. වියට්නාම භාෂාව හැර වෙනත් භාෂාවක් නොදන්නා ඇයට උදව් කිරීමට හැකි කිසිවෙක් නො විය. ඇය වියට්නාම් ජාතික කාන්තාවක් බව හඳුනාගත හැකි වූයේද ඇයගේ ගමන් බලපත්‍රය අත තිබූ බැවිනි. 

ප්‍රධාන ආගමන විගමන නිලධාරි  යාපා මහතාත් තවත් නිලධාරියකුත් දන්නා තරම් භාෂාවලින් කථා කළද පලක් නො විය. ඇයට ඒ කිසිවක් නොවැටහිණ. අවසානයේ එක් විසඳුමක් ලැබුණි. ඒ ඇය සතුව තිබූ ජංගම දුරකථනයයි. 


ශ්‍රී ලාංකික නිලධාරියා දුරකථනයේ ගුගල් ට්‍රාන්සලේටර් හරහා වියට් භාෂාවට පරිවර්තනය කර කළ යුතු දේ පෙන්වූයේය. ඇයද වහා ක්‍රියාත්මක වී ඇයට අවශ්‍ය දේ වියට් භාෂාවෙන් ලියා එය ඉංග්‍රිසියට පරිවර්තනය කර පෙන්විමට සමත් වූවාය.  

ඒඅනුව දින දෙකක් කෑමක් නැතිව වතුර පමණක් පානය කරමින් සිටින බවත් මිළඟ ගුවන් යානයෙන් වියට්නාමයට යාමට ක්‍රියා පිළිවෙළ නො දන්නා බවත් උදව් කරන ලෙසත් ඇය ඉල්ලා සිටියාය. 

ඇයට කෑමට යමක් සපයා දීමට ප්‍රධාන ආගමන විගමන නිලධාරි මහතා වහාම ක්‍රියා කළ අතර අදාළ ගුවන් සමාගම් වලටද කථාකර සියල්ල විසඳීමට හා ගූගල් පරිවර්තකය මඟින් සියලු ක්‍රමවේදයන් ඇයට දැන්විමටත් ශ්‍රී ලංකා නිලධාරීන්ට හැකිවිය. 

එය අහඹු හුදකලා සිදුවිමක්වුවත් අවසානයේ ඇය ශ්‍රී ලාංකිය නිලධාරීන්ට ස්තුති කරමින් 
සිය දුරකතනයේ සටහනක් තැබුවාය. වියට්නාම් බසින් තැබු සටහන ඉංග්‍රිසියට පර්වර්තනය වූ ආකාරය මෙසේ විය. 

"Thank you. Finally god led me to the humans."
‘‘ ඔබට ස්තුතියි, දෙවියන් අවසානයේදී මා මිනිසුන් අතරට යැව්වා‘‘ යයි එයින් කියැවිණි.



අදහස් (15)

ජංගම දුරකතනයෙන් දෙවියෝ වඩිති

sachith Tuesday, 22 August 2017 06:46 AM

මෙන්න මේවගේ දේවල් වලට තමා තාක්ෂනය යොදා ගන්න ඕනි,

:       0       190

mahinda italy Tuesday, 22 August 2017 10:03 AM

එකෙන් පෙනෙන්නේ ලංකාවේ මිනිස්සුන්ගේ නොසැලකිලිමත්කම. නැතිනම් පර්යන්තයට එන විජාතිකකයෙක් රස්තියාදු වෙන්නේ කොහොමද ? දවස් දෙකක් එකතැන ඉන්නකොට එයාගේන් ඇහුවේ නැත්තේ මොකද වෙලා තියේන්නේ කියලා නිලදාරීන් මොකද කරන්නේ?

:       67       598

GuneTuesday, 22 August 2017 02:05 PM

කොහේද කියලා තියෙන්නේ මේ එක තැන ඉඳලා කියලා. කොච්චරනම් මිනිස්සු ඉන්න තැනක්ද.... මොනවා හරි හොඳ දෙයක් කළාම වැරැද්දක්මත් හොයන්න එපා...

:       0       0

බණ්ඩාර -කැකිරාව Tuesday, 22 August 2017 10:53 AM

ගුගල් වොයිස් සර්ච්, ගුගල් මැප් සහ ගුගල් ට්‍රාන්සලේටර් වල වැදගත්කම අපේ හොදට තේරුම් ගියොත් යාතන් ඇති ,එහෙත් අපේ කට්ටිය ස්මාර්ට් ෆොනේ බවිතා කරන්නේ වෙන දෙවල්වලටයි.

:       0       81

mahinda italy Tuesday, 22 August 2017 01:47 PM

බණ්ඩාර මහත්මයා,මම ඔයත් එක්ක 100% එකග වෙනවා නමුත් අපේ ඉහල නිලතල දරන මහත්වරු ඒ දේවල් පාවිච්චි කරන්නේ ගුගල් වොයිස් සර්ච්, ගුගල් මැප් සහ ගුගල් ට්‍රාන්සලේටර් වල වෙන වෙන දේවල් වලටටනේ එකනේ වෙලා තියෙන්නේ. සමහරු ලග ලොකු ෆෝන් තියනවා අනුන්ට පෙන්න නමුත් ඒක පාවිච්චි කරන හැටි දන්නේ නැහැ,,.

:       0       0

Lal Tuesday, 22 August 2017 02:26 PM

කොහොමද? ගෝඩ්ගේ තාක්ෂණය නිසා යන්තම් ගොඩගියා.

:       0       0

Achini samanmali Tuesday, 22 August 2017 03:00 PM

දවස් දෙකක් වෙනකං කාගේත් අවධානයට යොමු නොවීම තුළින් පැහැදිලි වෙන්නේ ගුවන් තොටුපලේ ඇති අනාරක්ෂිත බව.

:       0       0

srimala Tuesday, 22 August 2017 09:30 PM

දින දෙකක් ගුවන් තොටේ රැඳී සිටින විදේශික කාන්තාවක් අපගේ ගුවන් තොටුපලේ ආරක්ෂක අංශ වලට නොදැනීම සහ ඇසනොගැටීම ඉතා කණගාටුදායකයි... සහ අනතුරුදායකයි.

:       0       1

janatha anura U A E Wednesday, 23 August 2017 11:20 AM

අප රටේ කිසිවෙකුත් අතරමන් වන්නේ නැහැ අපි එසේ පතමු ,10වසරක් කටුනායක ගුවන් තොටේ වැඩ කලා එකල සබාපති අර්ටිගල සහ ජෙනරාල් රණතුංග ගුවන් හමුදාවේ මහත්වරු අපි බොහොම විනීතව කඩිසරව අපේ රාජකාරිය කලා ගුවන් ධාවන පථය , ගුවන් පාලක මැදිරි ගොඩනැගිල්ල ඉංජිනේරු අංශයේ වැඩ කලා කිසිම විටෙක අතපසු වීම් බැහැ, දැඩි පාලනයක් තිබුනත් අද එහි වටිනාකම තේරෙනවා ගෙදර යන දවසට

:       0       0

lalith Wednesday, 23 August 2017 02:30 PM

අපරාදේ අර ප්‍රධාන ආගමන, විගමන නිලධාරිතුමයි, අනික් නිලධාරියයි මහන්සිවෙලා තමයි ෂට් භාෂා පරමේෂ්වර විභාගේ ගත්තේ...

:       0       0

Shana Wednesday, 23 August 2017 05:17 PM

දවස් දෙකක් තිස්සේ මේ නිලධාරින් මොනවා කළාද.. කෑමක් නැතුව වතුර ටිකක් නැතුව මේ වියට්නාම් ජාතික කාන්තාව අපේ ගුවන්තොටුපලේ නිලධාරින්ගේ අැස ගැටෙන්නේ නැතුව ඉඳීම පිළිබඳව පරීක්ෂණයක් පවත්වන්න. ගූගල් ට්‍රාන්ස්ලේට් කියන්නේ අපි කවුරුත් දන්නා භාෂා පරිවර්තක ඇප් එකක්... ඉතින් ඒක විශේෂයෙන් මේ ගුවන් තොටුපොළවල ඉන්න නිලධාරීන් දැනගෙන සිටිය යුතුමයි. දවස් දෙකක් ගතවීම මහා විහිළුවක් ඇයට උදව්වීමට ගතවීම. පැසෙන්ජර්ස්ලා ගැන මීට වඩා සැලකිලිමත් වීම රටක් හැටියට මේ සිද්දිය පාඩමක් හැටියට ගත යුතුය. හැමෝම ස්මාර්ට් ෆෝන් පාවිච්චි කරාට එ්කෙන් ස්මාර්ට් විදියට වැඩ ගන්න ගොඩක් දෙනෙක් දන්නේ නෑ.

:       0       0

අබරන් Wednesday, 23 August 2017 11:02 PM

මෙයා වියට්නාමයේ ඉඳල කටුනායක ගුවන්තොටුපොළ බලන්ට ඇවිත්ද...නැත්නම් ලංකාවේ ඇවිදපු කෙනෙක්නම් කොහොමද දන්නේ නැහැ බාසාව නොදැන ඒවා කරගත්තේ...කියපුගමන් කොහොමද ගුවන්යානයකට පටවල ඇරියේ...විමසා බැලිය යුතු දෙයක්...

:       0       0

Gunasekara Thursday, 24 August 2017 10:17 AM

අදාළ වියට්නාම් ජාතික මැය පැමිණ තිබෙන්නේ සෞදි අරාබියේ සිට ඩුබායි, ශ්‍රී ලංකාව, මැලේසියා හරහා වියට්නාමයට යාමටයි. ඇය සෞදියේ ගෘහ සේවිකාවක්. ඇයට එහිදී ඇතිවූ යම් ප්‍රශ්ණයක් මත නැවත සිය රටට යාමට පැමිණි ගමනේ එක් ට්‍රාන්සිට් පොයින්ට් එකක් තමයි කටුනායක... ඇයට කටුනායක සිට මැලේසියාවට ගුවන් යානය තිබී ඇත්තේ මෙරටට ගොඩ බැස පැය දෙකකින් වගේ. ඇය ඩුබායි සිට පැමිණ ඇත්තේ එමිරේට්ස් සමාගමට අයත් යානයකින්. කෙසේ හෝ ඒ පැය දෙකක කාළය තුළ ඇයට මැලේසියාවට යාමට නියමිතව තිබූ ගුවන් යානය මගහැරී තිබෙනවා. පසුව තමයි ඇය හඬමින් සිටිනාවිට අදාල නිළධාරීන් ඇයගේ ප්‍රශ්නයට විසඳුමක් දී ඇත්තේ. එහිදී ආගමන, විගමන නිලධාරින් ඇගේ කුසගිනි නිවා ගුවන් සමාගමට ඇයව බාර දී තිබෙනවා. ඇයට වියට්නාමයට යාමට අවශ්‍ය කටයුතු සම්පාදනය කිරීම සඳහා. අදාල ගුවන් සමාගමේ නිලධාරිනුත් මේ ගැටලුවට ඉතා ඕනෑකමින් විසඳුම් ලබාදීමට ඉදිරිපත් වී තිබෙනවා. (කොහොමටත් එය ඔවුන්ගේ වගකීම). ඇය දින දෙකක් ලංකාවේ එයාර්පෝට් එකේ සිටි බවක් සිතන්න එපා. ඇය ලංකාවට එන ගමන දින දෙකක් තිස්සේ සිදුවෙලා. සෞදි අරාබියේ ආගමන විගමන ගැටළු තියෙන්න ඇති. ඒ නිසා ඇයට ලංකාවට එන ගමන සඳහා දින දෙකක් ගතවෙන්න ඇති...

:       0       778

SiriPerera Saturday, 26 August 2017 09:37 PM

ගුණසේකර මහත්මයා හරියටම කතාව කිව්වා. හැමෝම හදන්නේ මේ වගේ දෙයක් අපේ නිලධාරීන් පිටින් යවා දොස් කියන්න. ඒක වැරදියි. හරියට කාරණා නිරීක්ෂණය කරලා ප්‍රකාශ නිකුත් කරන්න. ආගමන නිලධාරින්ගේ ක්‍රියාව අගය කරමි.

:       0       48

sirisena mudiyannegama Friday, 01 September 2017 10:22 AM

කවුරු මේ දිහා මොන විදියෙන් බැලුවත් තැනට ගැලපෙන නුවණ පාවිච්චි කරන තැනට අවශ්‍ය තාක්ෂනික ක්‍රමවේද හොයන මොන යම් ක්‍රමයකට හො උදව්වක් කරලා ප්‍රශ්නය නිරාකරණය කරන රාජකාරියක්ම කියල නොහිත බොක්කෙන්ම කල යුතු දේ කරන උතුම් මිනිස්සු අපි අතර ඉන්නවා කියන එක අමතක කරන්න නරකයි.

:       0       0

ඔබේ අදහස් එවන්න

 

 
 

විශේෂාංග

බියර් බොන්නේ බලාගෙනයි
2025 අප්‍රේල් මස 24 3127 0

සුරාබදු ආඥා පනත මෙරටට හඳුන්වා දෙන්නේ 1913 ජනවාරි 01 වැනිදාය. එහි සඳහන් වෙන්නේ “මෙය මත්පැන් සහ මත් ඖෂධ ආනයනය, අපනයනය, ප්‍රවාහනය, නිෂ්පාදනය, විකිණීම හා සන්තකය


නව ලිබරල් ආර්ථිකය මුළාවක්
2025 අප්‍රේල් මස 24 146 0

ඇමෙරිකානු ජනාධිපති ඩොනල්ඩ් ට්‍රම්ප් මහතා පසුගිය දින තීරු බදු යුද්ධයක් ආරම්භ කළේය. බැලූ බැල්මට මෙය සාමාන්‍ය තත්වයක් නොවේ. ට්‍රම්ප් මෙම තීරුබදු පැනවීම


කොළඹ සර්පයින්, කලවැද්දන් බෝවන්නේ මෙහෙමයි
2025 අප්‍රේල් මස 23 1156 0

කොළඹ මහ නගර සභාවේ පළිබෝධ පාලන ඒකකය ඉදිරිපස ඇති මෙම ස්ථානය නාගරික සංවර්ධන අධිකාරියට අයත් අතහැර දැමූ දේපළකි. එසේම මෙම ස්ථානය සර්පයන්ගේ සිට මීයන්, කලවැද්


ජනතාව වෙනුවෙන්ම කැපවූ ශුද්ධෝත්තමයාණෝ
2025 අප්‍රේල් මස 23 143 0

ශුද්ධෝත්තම ෆ්‍රැන්සිස් පාප්තුමන්ගේ ස්වර්ගස්ථ වීම සම්බන්ධයෙන්, ආගම් භේදයකින් තොරව මුළු ලොවම කම්පා වෙයි. ඊට හේතුව ෆ්‍රැන්සිස් පාප්තුමන්, අනෙකුත් පාප්


වර්තමාන ආර්ථිකය කොතැනද?
2025 අප්‍රේල් මස 23 267 0

ශ්‍රී ලංකා මහබැංකුව විසින් 2024 වසරට අදාළ ආර්ථික විවරණය ජනාධිපති සහ මුදල් අමාත්‍ය අනුර කුමාර දිසානායක මහතා වෙත පසුගියදා ඉදිරිපත් කරනු ලැබීය. සෑම වසරක්ම


උතුරු මුහුදේ මසුන් අල්ලන තමිල්නාඩු ධීවරයන්ගේ ඇත්ත කතාව
2025 අප්‍රේල් මස 22 479 1

මුද්‍රිත හා විද්‍යුත් මාධ්‍ය වාර්තා කරන ආකාරයට ඉන්දීය අග්‍රාමාත්‍ය නරේන්ද්‍ර මෝදිගේ ශ්‍රී ලංකා සංචාරය බෙහෙවින් සාර්ථක එකක් විය. අප්‍රේල් 4 වැනි සිකු


මේවාටත් කැමතිවනු ඇති

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 744 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

ශ්‍රී ලංකාවේ ඉංජිනේරු   සහ බලශක්ති සේවා  සඳහා Hayleys Fentons  සහ Hayleys Solar  ආයතනයේ  දායකත්වය 2025 අප්‍රේල් මස 11 363 0
ශ්‍රී ලංකාවේ ඉංජිනේරු සහ බලශක්ති සේවා සඳහා Hayleys Fentons සහ Hayleys Solar ආයතනයේ දායකත්වය

හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ

ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි. 2025 අප්‍රේල් මස 10 513 2
ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි.

අප්‍රේල් 01, 2025 කොළඹ දීග ශ‍්‍රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.

Our Group Site