තවුහිත් ජමාත් සංවිධානයේ ප්රධාන මෙහෙයුම් මූලස්ථානය ලෙස පවත්වාගෙන ගිය බවට සැලකෙන කාත්තන්කුඩි ඔල්ලිකුලම් ප්රදේශයේ පවත්වාගෙන ගිය විශාල ඉඩමක පිහිටි ගොඩනැගිල්ලක් වැටලූ පොලිසිය එම ස්ථානය බාරව සිටි පුද්ගලයා අත්අඩංගුවට ගත් බව අප පුවත්පත වාර්තා කළේය.
මෙම ස්ථානයේ බෝම්බ නිෂ්පාදනය කිරීම, ඒවා අත්හදා බැලීම, ඉලක්කයට වෙඩි තැබීම පුහුණු කිරීම ඇතුළු නීති විරෝධී කටයුතු රැසක් සිදු කර ඇති බව පරීක්ෂණවලදී අනාවරණය වූ බව උසස් පොලිස් නිලධාරියකු අප පුවත්පතට ප්රකාශ කළ බව ද එම ප්රවෘත්තියේ සඳහන්ය.
අප්රේල් 21 පාස්කු ප්රහාරයෙන් පසුව ආරක්ෂක අංශ සිදුකරන වික්රමාන්විත මෙහෙයුම් සම්බන්ධයෙන් මුළු මහත් ජාතියේම ප්රණාමය හිමි විය යුතුය. මරාගෙන මැරෙන බෝම්බකරුවන්ගේ දෙවැනි, තුන්වැනි සැලසුම් මුළුමනින්ම ව්යර්ථ කිරීමට ආරක්ෂක අංශවල එම මෙහෙයුම්වලට හැකි විය. ලැබෙන සෑම තොරතුරක්ම හඹා යමින් මෙම මෙහෙයුම් මෙසේ ක්රියාත්මක නොකළේ නම් රටේ අද තත්ත්වය බෙහෙවින්ම භයානක බව සත්යයකි.
අවශ්ය වන්නේ ජාතික ආරක්ෂාව සම්බන්ධ මෙම දැඩි අවධානය අඛණ්ඩව පවත්වාගෙන යාමය. තත්ත්වය යහපත් අතට පරිවර්තනය වූ පසු ග්රහණය ලිහිල් කිරීම යළිත් මෙබඳු ප්රහාරවලට පාවාඩ එළීමකි. ඒ බව සනාථ කරන තොරතුරක් කාත්තන්කුඩි ඔල්ලිකුලම් මෙහෙයුම් මූලස්ථානය වැටලූ බවට සඳහන් අප ප්රවෘත්තියෙහි තිබේ.
අප ප්රවෘත්තියට අදාළව මෙම මෙහෙයුම් මූලස්ථානයේදී සහරාන්ගේ සහෝදරයකු වන මොහොමඞ් රිල්වාන් නමැත්තා 2018 වසරේදී තවුහිත් ජමාත් සංවිධානයේ අනුගාමිකයන් පිරිසකට බෝම්බ සෑදීම පිළිබඳව පුහුණුවක් ලබා දී තිබේ. ඒ අවස්ථාවේදී බෝම්බයක් පුපුරා ගොස් රිල්වාන්ට බරපතළ තුවාල සිදු වී තිබේ. මෙම සිදුවීම එම ස්ථානයේ බාරකරු විසින් සහරාන්ට දැනුම් දුන් පසු ඔහුගේ උපදෙස් මත රිල්වාන් නමැත්තාව කඩිනමින් බස්නාහිර පළාතේ රෝහලකට හොර රහසේ ඇතුළු කර ඇත.
රිල්වාන් නමැත්තා මාස දෙකක පමණ කාලයක් එම රෝහලේ නේවාසිකව ප්රතිකාර ලබා ඇති බවත් ඔහුගේ සාත්තුවට ළඟ සිට ඇත්තේ සහරාන්ගේ රියැදුරා බවත් අප ප්රවෘත්තියෙහි සඳහන්ය. මෙම බෝම්බ පිපිරීමෙන් රිල්වාන්ගේ එක් ඇසක් අහිමි වී ඇති අතර ඇඟිලි ද අහිමිව ගොස් තිබේ.
මෙම සිදුවීම් මාලාවේ බරපතළකම වන්නේ බෝම්බයක් පුපුරා බරපතළ ලෙස තුවාල ලැබූ අයකු රෝහලට ඇතුළත් කළ බව පොලිසියට දැනුම් දීමට රෝහල් පාලනාධිකාරිය කටයුතු නොකිරීමය.
රෝහලක් තුළ එතරම්ම රහසිගත දේ සිදුවිය හැකි ද යන්න ද විමතිය දනවන සුළුය. ඇතැම් විට ලක්ෂ ගණනින් කෝටි ගණනින් මුදල් හුවමාරු වීම නිසා මෙබඳු වසන් කිරීම් සිදු විය හැකි බව අනුමාන කළ හැකිය.
අදාළ රෝහල් පාලනාධිකාරිය මෙම සිදුවීම ආරක්ෂක අංශවලට දැනුම් දුන්නේ නම් අප්රේල් 21 පාස්කු ඉරිදා ප්රහාරය ඒකාන්ත වශයෙන්ම වළක්වා ගත හැකිව තිබුණේ යැයි යන්න විශ්වාස කළ යුතුය. එසේ නම් තොරතුරු හඹා යා හැකිව තිබිණි. අන්තවාදීන් ප්රහාරයකට සැරසෙන බව අනාවරණය කර ගත හැකිව තිබිණි. අන්තවාදීන් අත්අඩංගුවට ගත හැකිව තිබිණි. එහෙත් ඒ සියල්ලම දේශද්රෝහී සුළු කල්ලියක් විසින් පාවා දී තිබේ.
මේවා සුළු කොට තැකිය යුතු කාරණා නොවේ. ජාතික ආරක්ෂාව සම්බන්ධයෙන් වගකීමක් සෑම පුරවැසියකුටම තිබේ. රෝහලකට රෝගියකු ඇතුළත් කරන විටදී එම රෝගියා සම්බන්ධයෙන් සම්පූර්ණ විස්තරයක් රෝහල ලබා ගනී. තුවාල වීමක් නම් එසේ තුවාල වූයේ කෙසේ දැයි වෙනම පරීක්ෂණයකි. මේ කටයුතුවලට සහාය වීම සඳහා බොහෝ රෝහල්වල පොලිසියක් ද පිහිටුවා තිබේ. බෝම්බ ප්රහාරයකින් හෝ පිපිරීමකින් තුවාල ලැබූවකු ඇතුළත් කළ පසු ඒ සම්බන්ධයෙන් විශේෂ පරීක්ෂණයක් කරනු ලැබේ. එහෙත් මේ කිසිවක් සිදු වී ඇති බවක් නොපෙනේ. මේ පාපතර ක්රියාදාමයට සම්බන්ධ වූ සියල්ලන්ට උපරිම දඬුවම් ලබා දිය යුතුය.
පාස්කු ඉරිදාව අහිමි වූ රටට වෙසක් අසිරිය ද අහිමි වී තිබේ. පාසල් විවෘත වූයේ දෙසතියකින් පසුවය. එය ද හය වසරෙන් ඉහළටය. සරසවි පද්ධතියම වැසී ගොස් තිබේ. රටේ ආර්ථිකය කඩා වැටුණි. සංචාරක ව්යාපාරය වළපල්ලට ගියේය. රටකට අත්වීමට මීටත් එහා ගිය විපතක් නැත. මෙම විපත ඉබේ වූවක් නොවේ. ඒ සඳහා නොයෙක් දෙනා නොයෙක් ආකාරයෙන් දැනුම්වත්ව හෝ එසේ නොමැතිව දායක වී තිබේ.
පාලක - පාලිත නොසලකා හැරීම් දායක වී තිබේ. එහෙයින් ඒ සියල්ලන්ම නීතිය ඉදිරියට රැගෙන යා යුතුය.
මීට පෙර ලිපියක අප සඳහන් කළ ආකාරයට අද පැවැත්වෙන ශ්රී ලංකාවේ නව වැනි ජනාධිපතිවරණය මෙතෙක් පැවැත්වුණු ජනාධිපතිවරණ අටටම වඩා කරුණු ගණනාවකින් වෙනස්ය.
මාතලේ, නාලන්ද ගෙඩිගේ යනු මෙරට මධ්ය කේන්ද්රය ලෙස සලකනු ලබන ස්ථානයේ පිහිටි පෞරාණික මෙන්ම සුන්දර පරිසර පද්ධතියකින් හෙබි හරි අපූර්වතම ස්ථානකි. නාලන්ද
අඹගහපිටිය වලව්ව හෙවත් සහබන්ධු වලව්ව බලපිටිය මුදලි පෙළපතේ පැරැණිම වලව්වකි. විහාරස්ථානයට පූජා කළ ලංකාවේ මුල්ම වලව්ව ලෙස මෙය සැලකේ. උපසම්පදාව ජනසතු කරම
නීතියේ ආධිපත්යය යනු සියලුම පුද්ගලයන්, ආයතන සහ සංවිධාන නීතියට යටත් බවත් එහි නිර්දේශවලට වගකිව යුතු බවත් සහතික කරන මූලික මූලධර්මයකි. එසේම රටක් පාලනය ව
නව වැනි විධායක ජනාධිපතිවරයා තෝරා පත්කර ගැනීම තව දින දෙකකින් සිදුවීමට නියමිත අතර පෙර පරිදිම මෙවර ජනාධිපතිවරණ තුළත් රටට ගැළපෙන ආණ්ඩුක්රම ව්යවස්ථාවක
වික්ටෝරියා රැජිනගේ ප්රියතම සංචාරක නිවහන වූ ඉතාලියේ ‘‘පල්මියෙරි විලා” ඇමෙරිකානු ඩොලර් මිලියන 55 (ශ්රී ලංකා රුපියල් කෝටි 1660 ක් පමණ) ක මුදලකට විකිණීමට තී
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
බෝම්බකරු පොලිසියේ ඇස් වසා රෝහලින් ප්රතිකාර ගත්තේ කෙසේද
adri Tuesday, 07 May 2019 06:37 AM
ඒ රෝහල ගැන හෙළි කරන්න ?? ඔවුන්ව ඇල්ලුවද ?
sandy123 Tuesday, 07 May 2019 07:37 AM
රෝහල පමණක් නොවෙයි. දොස්තරවරු, සාත්තු සේවිකාවන් ඇතුළු සියලුම දෙනා හෙළි කල යුතුයි. එය ජාතියේ වගකීමක්.
N.Cooray Wednesday, 08 May 2019 03:37 AM
මෙම වාර්තාව මගීන් රෝහල සහ එහි සියලු දෙනාගේම වගකිම ගෑන විශාල බන දේශනාවක් කලද රෝහලේ නම සදහන් නොකිරිමෙන් ඔවුන් මහජනයාට ඇති වගකිම ඔවුන් පෑහෑරහෑර ඇති බව තේරෙන්න්නෙ නෑද්ද?
Lit Wednesday, 08 May 2019 11:27 AM
ඕවා ඒ වෙලේ කිව්වා නම් කියයි ජාතිවාදය අවුස්සනවා කියලා...
ranjith Wednesday, 08 May 2019 03:48 PM
රටේ නීතිය සෑම දෙනාටම එක සමාන නැති බවයි පේන්නේ... දේශපාලනය ඔක්කොම අවුල් කරනවා. ආරක්ෂක හමුදාවලට ස්වාධීනව කටුතු කරන්න බැරිවෙලා තියෙනවා. දේශපාලනේ නැතුව හමුදාව රට පාලනය කළානම් හොඳ විනයක් තියේවි...
buwaneka Wednesday, 08 May 2019 09:24 PM
අනිවාර්යයෙන්ම මෙතන ඉන්න දොස්තරව අත්අඩංගුවට ගන්න.
G.K.Vithanage Thursday, 09 May 2019 07:14 AM
ඔබත් වරදක් කරලා තිබෙනවා ඔවූන්ගේ නම් හෙළි නොකිරීමෙන්.
NAMALI Thursday, 09 May 2019 09:57 AM
හරි විස්තර දෙන්න පුලුවන්නම් පමණක් නිව්ස් දාන්න. නැත්නම් මහජනතාව රෝහල් වල නම් සොයමින් වෙහෙසෙනවා. අනිත් හොස්පිටල් වල නමට හොඳ නැහැ. හොස්පිටල් නම දාන්න.
චමින්ද Friday, 10 May 2019 03:12 AM
මම රජයේ සේවයේ සිටි අයෙක්මි.විශ්රාම ගිය පසුව ආර්ථික අපහසුකම් ඇතිවිය හැකිනිසා බිරිඳගේ මවට හිමිකම තිබුන ඉඩමක් වගාකිරීමට සුදානම්ව එය එලිපෙහෙලි කිරීමට කෙනෙක් යොදවා හැකි අවස්ථාවල මමද එම කටයුතු කලෙමි.ඉඩම කලුගල් වැපුරුවා වැනි ඉඩමකි.වැඩකල තැනැත්තා ගසක් කපනවිට ඉහලින් තිබුන ගලක් පෙරලී නළලේ තරමක් විශාල තුවාලයක් ඇතිවිය.මම කඩිනමින් ඔහුව රෝහලට ගෙනගිය අතර තුවාලකරුට ප්රතිකාර කරනවාට වඩා එහි සිටියවුන් සියල්ලන්ම කලේ කවුද ගැහැව්වේ කුමකින්ද ගැහැව්වේ කවුද දැක්කේ වැනි මාව සිරගත කිරීමට මෙන් කටයුතු කරන ආකාරයේ වැඩ.ඉන් පසුව වගා කටයුතු අත්හල මම දැනට ලැබෙන සුලු විශ්රාම වැටුපෙන් බිරිඳ හා දියණිය සමග ජීවත්වෙමි.සුලු දෙයකටත් එසේ කරන රෝහල් මෙය සැඟවුවේ මුදල්වාසි බලාගෙන විය යුතුමය.වහාම එම අයගැන පරීක්ෂා කරන්න
Dissanayaka Friday, 10 May 2019 03:58 AM
ඒ වෙලාවේ ඕවා දොස්තරලා හොයන්න ගිය නම් ජාතිවාදය අවුස්සනවා කියලා, සහජීවනේ නැති වෙනවා කියල දොස්තරලට හිරේ යන්න වෙන්නේ
Rupawathie Saturday, 11 May 2019 09:56 AM
මේ දේපල ඒ අවස්ථාවේම හමුදාව පාලනයට අත්පත් කරගත යුතුයි.. මේ සියලුම අන්තවාදීන්ගේ දේපල රාජසන්තක කළ යුතුයි..
Ravinath Wijesekara Saturday, 11 May 2019 01:32 PM
මෙම පුවත මගින් ඉතාම වැදගත් තොරතුරවන ප්රතිකාර ලබා දුන් රෝහල කුමක්ද යන්න සඳහන් වී නැත. කරුණාකර එම තොරතුරත් මහජනතාවට විවෘත කරන්න...ස්තූතියි.