(හිරාන් ප්රියංකර ජයසිංහ)
පාස්කු ඉරිදා සිදුවු අවාසනාවන්ත සිදුවීම මැකි යන්නට පෙර නැවත රටපුරා සිදුවු අවාසනාවන්ත සිදුවිම් මාලාව අමතක කළ නොහැකිය. ඒ සිදුවිම් මාලාව අතර තුම්මෝදර මැල්ලකැලේ ජනපදයේ පදිංචි සුජීවනී චන්දිමා තම අසල්වාසි මුස්ලිම් හිතවතුන්ගේ ජීවිත බේරා ගෙන නිවාස ද ආරක්ෂා කර දුන්නේ ලෝකයටම අලුත් පණිවිඩයක් දෙමිනි.
ගෙවී ගිය 13 දින ප්රචණ්ඩකාරී හා කලහාකාරී ලෙස කල්ලි ගැසී ජනතාවගේ දෙපළ වනසමින් සැරිසැරු 500 කට ආසන්න තරුණයින් පිරිස සවස 6 පමණ විට නාත්තන්ඩිය නගරය මැදින් බටහිර තුම්මෝදර මැල්ලකැලේ ජනපදයට කඩා වැදෙද්දී ගම්මානයේ සියලුම දෙනා සිදුවන්නේ කුමක් දැයි බලා සිටියා මිස එයට එරෙහිව හඬක් නගන්නට ඉදිරිපත් නොවූහ.
නමුත් තම නිවස ඉදිරිපිට සහෝදර මුස්ලිම් හිතවතුන්ගේ නිවාස වනසන්නට ඉඩ නොදුන් සුජීවනී එම පිරිස් තම නිවෙස්වලට දමා ආරක්ෂා කර ගත්තාය.
තමන් ඉදිරිපිටම තවත් නිවාස වනසා දැමු ප්රචණ්ඩ තරුණයින් අත පොලු මුගුරු සේම යකඩ බටද අමතරව ඇතැම් පිරිස් අත කඩුද තිබෙනු දුටු සුජීවනී සිත දැඩිකර ගනිමින් “මේ අපේ අයගේ ගෙවල් එවා කඩා බිදින්න එපා" යැයි පවසන්නට තරම් එඩිතර විය.
පැයකට අඩු කාලයක් මැල්ලකැලේ ජනපදයේ සැරිසැරූ ප්රචණ්ඩකාරී පිරිස් නිවාස, වෙළදසැල් වනසා දමා යන විට සුජීවනී නිවාස තුනක් හා එම නිවෙස්වල පදිංචි සිටි සාමාජීකයින් 14 දෙනෙකුගේ දිවි බේරා ගැනීම වීර කතාවකී.
එදින සිද්ධිය පිළිබඳව අදහස් දැක්වූ සුජීවනී චන්දීමා මහත්මිය මෙසේ කීවේය.
“13 වැනිදා මම කොට්ටරාන්මුල්ල නගරයට ගොස් එද්දී එකපාරම විශාල පිරිසක් කඩා වදිනවා දැක්කා මම හොදටම බය වුණා. මොකද මේ පිරිස නගරයේ මුස්ලිම් අයගේ දෙපොල් වනසමින් තමා ආවේ. මට පුදුම බයක් දැනුනා. මොකද මගේ ගේ වටේටම ඉන්නේ මුස්ලිම් අය. ඒ අය උදේ හවස එකට කාලා බීලා අපිත් එක්ක හොදින් ඉන්න අය. ඒ නිසා ඒ ආපු පිරිස අපේ මැල්ලකැලේ ජනපදයටත් කඩා වදියි කියලා. මම ඉක්මනට ආවා. ඇවිත් හැම කෙනාටම කිව්වා තියෙන වටිනා දේවල් අරගෙන ගිහින් හැංගෙන්න කියලා සමහරු පිළිගත්තා සමහරු නිවෙස් වලම හිටියා විනාඩි කිපයක් යද්දි අර ආපු පිරිස ගමම වට කරලා මුස්ලිම් අයගේ ගෙවල් එක දිගට විනාශ කළා.
මම ඒ පිරිස එන්න කලින්ම නිවාස තුනක හිටිය පිරිස මගේ නිවස ඇතුළට අරන් හංගාගත්තා. ඒ වාගේම එයාලගේ ගෙවල් තුනටත් කිසිම හානියක් නොවන ලෙසට කටයුතු කළා.
ආපු තරුණයින් සේරම ගියාට පස්සේ අපේ නිවස ඇතුලේ හිටපු අයට පුදුමයි එයාලාගේ ගෙවල් බේරිච්ච එක ගැන. මම පුතාල දෙන්නායි මහත්තයායි ලොකු සටනක් කරලා මේ මිනිස්සුන්ගේ දේපල බේරලා දුන්නා.මට දරා ගන්න බැරි සතුටක් ඇති වුණා."
මේ අමිහිරි අත්දැකිමට මුහුණ පෑ ඒ.කේ. හලිමා බිබි ( 64) මහත්මිය මෙසේ කීවාය.
“සුජීවනී දුව ඉන්නේ මගේ ගේ ඉස්සරහ. එයා එකපාමර පාර පැත්තේ ඉදන් දුවගෙන ඇවිත් අපිට කෑ ගහලා කිව්වා හලිමා නැන්දේ ඉක්මනට හැංගෙන්න කට්ටියම අපේ ගෙදරට එන්නෙ කියාලා. මට හිතා ගන්න බැරි වුණා.
විනාඩි කිපයක් යද්දි 500 ක් විතර ඇවිත් ගම වට කරලා. වෙන දේ හිතා ගන්න බැරි වුනා. අපි සුජිවනී දුවගේ ගෙදරට දුවලා ගිහින් හැංගුණා. ඒ වෙද්දි ඒ ගේ ඇතුලේ මොහොමඩ් රිස්විලාගේ කට්ටියත් අනිත් ගෙදර අයත් හැංගිලා. අපිත් එයාලත් එක්ක හැංගුණා.
ගෙවල් දොරවල් මොනවා වුණත් ජීවිතේ බේරගන්න ඕන නිසා. ඒ වන විට සවස හයට විතර ඇති. අපි නොම්බි පවා ඇරලා තිබුණේ නැහැ. අර ආපු පිරිස ගම වටේම ගිහින් සේරම ගෙවල් වලට හානි කළා. අපි සුජිවනීගේ ගේ ඇතුලේ ඉදලා අපේ ගෙවලුත් විනාශ වෙලා සියලුම දේ ගිනි බත් වෙලා ඇති කියලා. හිත හදා ගත්තේ ජීවිතයට හානියක් වුණේ නැති නිසා. රෑ නවයට විතර තමා අපි එලියට ආවේ ඒ ඇවිත් ගෙවල් දිහා බලද්දි අපේ ගෙවල් තුනටම කිසිම හානියක් කරලා නැහැ පුදුමයි. ඒ තරමට පුදුමයක් ඇති වුණා.
මේ සියල්ල වෙද්දි දෙවියන් පවා සිහියට ආවේ නැති අපිට දෙවියන් ලෙස සුජීවනී දුවයි එයාගේ මහත්තයායි පුතාල දෙන්නයි තමා පෙනුනේ. එයාල නැත්නම් අපිට අද සියල්ලම නැතිව යනවා."
රටට හෙට දවසේද තවත් සුජීවනිලා වැනි පිරිස් අවැසි වන්නේ එහෙයිනි.
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
ශ්රී ලංකාව මෙවර ළමා දිනය සමරන්නේ, රට තීරණාත්මක සන්ධිස්ථානයකට එළඹ සිටියදීයි. 9 වැනි විධායක ජනාධිපතිවරයා පත්කර ගත් ජනාධිපතිවරණය සහ පාර් ලිමේන්තුව තෝරා
2024 ජනාධිපතිවරණය සැමගේම අවධානයට ලක්වීමට හේතු ගණනාවක් තිබුණි. රට බංකොලොත් වීමෙන් පසු පැවැත්වූ ප්රථම ජනාධිපතිවරණය වීම ඉන් එක් හේතුවකි. නව ජනාධිපතිවරයක
ලෙබනනයේ ෂියා මුස්ලිම් හිස්බුල්ලා සංවිධානයේ මහ ලේකම්වරයා, එසේත් නැතිනම් නායකයා ෂෙයික් හසන් නසරැල්ලා ඝාතනය කිරීමට ඊශ්රායලය සමත් විය. 64 හැවිරිදි නසරැල
හිටපු අමාත්යවරයකු අභාවප්රාප්ත කුමාර වෙල්ගම මහතාගේ අවසන් කටයුතු අද (30) සවස මතුගම ආදාහනාගාරයේ දී සිදු කෙරේ මේ ලිපිය ඒ නිමිත්තෙනි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
භීෂණය මැද ජීවිත 14 ක් බේරාගත් සුජීවනීගේ කතාව
Siri Tuesday, 21 May 2019 04:08 PM
දෙවි පිහිටයි!
විජිත් Tuesday, 21 May 2019 05:23 PM
ඔබ සැබෑම වීර මාතාවක්.සුබ පැතුම්.
Upul Tuesday, 21 May 2019 10:15 PM
මෙවැනි වීර කාන්තාවකගේ ශ්රේෂ්ට ගතිගුණ ගැන අතිශයින්ම ප්රශංසා කලයුතුය. ඔබට කලාවූ පින් කන්දරාවට ජීවිත ගණනාවක්ම වාසනාව උදාවීම නියතමයි.
sandy123 Tuesday, 21 May 2019 11:57 PM
ඉතා වටිනා නිර්භීත මනුෂ්යත්වයේ ක්රියාවක්. ඔබට ජය.
nazar Wednesday, 22 May 2019 03:56 AM
මේ වගේ හොද මිනිස්සුත් ඉන්නවා. අහල පහල කට්ටිය ගැන හැමෝම මෙහෙම හිතනවානම් , කාටත් මුකුත් කරන්න බැහැ.
sandy123 Wednesday, 22 May 2019 06:57 AM
එඩිතර, දිරිය කතට ජය වේවා.
sunil Wednesday, 22 May 2019 09:56 AM
වර්ගවාදය සහ ජාතිවාදය නුගත්කමේ ලක්ෂණයක්.
chathuri Wednesday, 22 May 2019 11:32 AM
චිත්රපටියක් වගේ කතාව. මල්වට්ටි අතේ තියන් ප්රසිද්ධියේ වන්දනා මාන කරන අයට මේක හොඳ පාඩමක්... සේරම කරලා. අද පල්ලි, පන්සල් යන්න කිසිම කරදරයක් නැහැ. කියන්නේ මොන කටින්ද? පොඩි මිනිහා ළඟ තියෙන මනුස්සකම... මහා එවුන් ළඟ නැහැ... උදේට අතට අත දීලා හවසට ඒ අතින්ම බෙල්ල කපන කට්ටියක්...
සමරසිත් පරකුම් Wednesday, 22 May 2019 03:10 PM
ජයවේවා සොහොයුරිය- සදා සමරමි ඔබේ දිරිය !
marikkar Thursday, 23 May 2019 02:43 AM
ඔය ගමට මුස්ලිම් අය ගහන්න අවනම් ඉතින් සුජීවනීගේ කතාව ඔතනින් ඉවර වෙන්න තිබුනා ....
සිසිර Thursday, 23 May 2019 03:01 AM
ඔබ ඇතුළු පවුලේ සැමට බුදු සරණයි. අපේ රටට ඔබවැනි අය අවශ්යයි. අපි ශ්රීලාංකිකයින් බවත්, එකමවකගේ දරුවන් බවත් ලොවට පෙන්වමු.
OZ Lankan Thursday, 23 May 2019 07:15 AM
මතක තියා ගන්න. කවුරු උනත් තමන්ගේ අහල පහල අයට නරකක් වෙන්න දෙන්නේ නැහැ . අපි 83 කලබල කාලෙත් දෙමල අයට උදවූ කරා. පිට එවුන්ට ඕවා ගානක් නැහැ . ලෝකේ මිනිසා විසින්ම මිනිසා නැති කරගන්නවා. හැම ආගමකම කියන මනුස්ස කම නැහැ . මේ ගැහැණිය සැබෑ වීරවරියක්.
SISIL Thursday, 23 May 2019 03:58 PM
මට නම් තේරෙන්නේ නැහැ මේ විකාර.
chinthaka Friday, 24 May 2019 04:48 AM
සැබවින්ම වීර කාන්තාවක්.
wasantha Sunday, 26 May 2019 05:18 PM
හොද දෙයක්, සන්තෝසයි. සුබ පැතුම් හැමෝටම.