තොප්පියක් පැළද රත්නපුර මහ දිසාපති කාර්යාලයට ඇතුළු වුණැයි කියමින් මාධ්යවේදියකුට පහරදීමේ සිද්ධිය සම්බන්ධයෙන් රත්නපුර හිටපු මහ දිසාපති මාලනී ලොකුපෝතාගම මහත්මිය සහ රත්නපුර පොලිසියේ හිටපු ස්ථානාධිපතිවරයා ඇතුළු පිරිසක් ශ්රේෂ්ඨාධිකරණයේදී එම මාධ්යවේදියාට වැඳ සමාව ගැනීමේ පුවත අද අප පුවත්පතේ ප්රධාන ප්රවෘත්තිය ලෙස වාර්තා කර තිබේ.
දෙපාර්ශවයේම එකඟත්වය මත සිද්ධිය සමථයට පත් වූ බවත් මාධවේදී සරත් විමලරත්න මහතාට එරෙහිව කිසිදු ඉදිරි පියවරක් නොගැනීමටද ඔහුට එරෙහිව මහේස්ත්රාත් අධිකරණයේදි ගොනුකර ඇති නඩුව ඉල්ලා අස් කර ගැනීමටද වග උත්තකරුවන් ශ්රේෂ්ඨාධිකරණයේදි පොරොන්දු වූ බවත් අප ප්රධාන ප්රවෘත්තියෙහි සඳහන්ය.
ප්රධාන ප්රවෘත්තියෙහි සියල්ල සවිස්තරව ඇත. එහෙයින් මෙතැන් සිට මෙම අධිකරණ තීන්දුවෙන් ලබාදෙන පණිවිඩය සම්බන්ධයෙන් අවධානය යොමු කිරීම වැදගත්ය.
ශ්රේෂ්ඨාධිකරණ විනිසුරුවරුන් වන මුර්දු ප්රනාන්දු සහ මහින්ද සමයවර්ධන යන මහත්ම මහත්මීන්ගෙන් සැදුම්ලත් ශ්රේෂ්ඨාධිකරණ විනිසුරු මඩුල්ලක් හමුවේ මාධ්යවේදි සරත් විමලරත්න මහතා ඔහුගේ මූලික අයිතිවාසිකම් කඩ කළැයි සඳහන් කරමින් පවරා තිබූ පෙත්සම කැඳවූ අවස්ථාවේ දුන් විනිශ්චය ඓතිහාසික තීන්දුවකි.
ජනමාධ්යයට අදාළව ඇති ප්රකට කියමනක් වන්නේ ‘දෙවියන් වහන්සේ යමකු සමග තදබල ලෙස උරණ වුවහොත් ඔහුට දඬුවමක් වශයෙන් දෙන්නේ තුන්වැනි ලෝකයේ රටක මාධ්යවේදියකු කිරීම’ බවය. තුන්වැනි ලෝකය යන්නෙන් මෙහි අරුත් ගැන්වෙන්නේ නොදියුණ රටක් බවය. එය භෞතික වශයෙන් මෙන්ම සමාජයීය වශයෙන්ද නොදියුණු බව අර්ථ ගැන්වේ. එවැනි සමාජයක මාධ්යවේදියකුවීම අතිශයින්ම දුෂ්කර වූත් අභියෝගාත්මක වූත් අත්දැකීමකි.
රිචඩ් ද සොයිසා මාධ්යවේදියෙකි. මහ රෑ ඔහුගේ නිවසට කඩා පැන ආරක්ෂක අංශ සාමාජිකයෝ පිරිසක් ඔහු කුදලාගෙන ගියහ. ඔහුගේ මළ සිරුර හමු වුයේ එගොඩ උයන මුහුදු වෙරළෙන්ය. සන්ඩේ ලීඩර් පුවත්පතේ ප්රධාන කර්තෘ ලසන්ත වික්රමතුංග මහතා මරා දමුණේ මහ මග මහ දවාලේය. ඇතැම් මාධ්යවේදීන් පැහැර ගෙන ගොස් වධ බන්ධනයට ලක්කිරීමේ සහමහ මඟ දමා යාමේ සිද්ධීන්ද ඉතිහාසය පුරාවට ඇත. බොහෝ මාධ්යවේදීහු විදෙස් රටවලට පැනගොස් ජීවිත ආරක්ෂාව සලසා ගත්හ.
මාධ්යවේදියාගේ වගකීම හඳුනා නොගන්නා පිරිස් හි ප්රතිචාරය එබඳුය. අප රටද නොදියුණු රටක් ලෙස සැලකීමට සිදුවන්නේ සංස්කෘතික අතින් අප රට බොහෝ පහළම තැනක තිබෙන හෙයිනි.
මාධ්යවේදී සරත් විමලරත්න මහතා සම්බන්ධයෙන් ශ්රේෂ්ඨාධිකරණය ලබාදුන් නඩු තීන්දුව වඩාත් වැදගත් වන්නේ මාධ්යවේදියාගේ කාර්යභාරය සම්බන්ධයෙන් වෙනත් මානයකින් බැලීමට එම නඩු තීන්දුවෙන් පෙළඹවීමක් ඇති කරවන බැවිනි.
බලය යනු පීඩාකාරී මෙවලමකි. එහෙයින් එය බොහෝ වගකිමෙන් පරිහරණය කළ යුතුය. ඇතැම්හු බලයෙන් මත් වෙති. එය ධන බලය, දේශපාලන බලය, නිල බලය විය හැකිය. එසේ බලයෙන් මත් වුවෝ ‘සියල්ල තමනට අවැසි ලෙස සිදුවිය යුතු යැයි සිතති. එසේ නොවන විට තමා සතු බලය ඉතා තුච්ඡ ලෙස මුදාහරිති. මෙම නඩු තීන්දුව එබන්දන්ට යමක් කිරීමට පෙර දෙවරක් නොව සිද දහස් වාරයක් විමසා බැලීමට පෙළඹවනු නියතය. එය එසේ වන්නේ නම්‘ වැඳ’ සමාව ගැනීමේ ඉරණමට යටත්වීමට සිදු නොවනු ඇත.
(***)
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
හාරඹ වලව්ව බලපිටියේ පිහිටි වලව් අතරින් පැරැණිතම වලව්වකි. සිංහල, පාළි, සංස්කෘත, ඉංග්රීසී හා ලතින් භාෂා මැනැවින් දැන සිටි ලුවී ද සොයිසා විජයසේකර ජයතිල
මෙවර ජනාධිපතිවරණය මෙරට මැතිවරණ ඉතිහාසයෙහි පැවැති ඉතාම සාමකාමී මැතිවරණයකි. ඒ නිසාම එම සාමකාමී පරිසරය ජාත්යන්තර මැතිවරණ නිරීක්ෂකයන්ගේ ප්රසාදයට ලක්
විචිත්ර ධර්ම දේශකයාණන් වහන්සේ නමක වන තලල්ලේ චන්දකිත්ති හිමියන්ගේ පැවිදි දිවියට අදට (25) වසර 36ක් සම්පූර්ණ වේ. මේ ලිපිය ඒ නිමිත්තෙනි.
ජගත් නර්තන කලාව හා සමසුන් ගත හැකි විශිෂ්ට නර්තන කලාවක් බිහිකළ අසහාය බැලරිනාව - වජිරා චිත්රසේන අද (25) ජාතියෙන් සමුගෙන යන්නීය. ඇය පුරා වසර හැටකට අධික කාලය
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මාධ්ය නිදහස වෙනුවෙන් දුන් ඓතිහාසික නඩු තීන්දුවක්
සත්යපාල Wednesday, 12 June 2024 03:01 PM
එය ඉතිහාසගත වන නඩු තීන්දුවකි. ඒ සම්බන්ධයෙන් අධිකරණයට ද හිස නමා ආචාර කළ යුතුයි. එසේම, "මාධ්යවේදී" ලේබලයට මුවා වී රටට එරෙහිව කටයුතු කරන්නන්ද ඕනෑතරම් සිටිති. බටහිර රටක පුරවැසිකම ලබා ගැනීම වැනි කටයුත්තක් කර ගැනීමට දත කන අය කොපමණ වේද?