මෙරට වයඹ දිග මුහුදු තීරයේ කල්පිටිය අර්ධද්වීපයට මුහුදු සැතපුම් විසිපහක් පමණ ඈතින් පිහිටි බත්තලංගුණ්ඩුව කල්පිටිය සංචාරක පුරවරයේ අපූරු දූපතකි.
ඒ ආසන්නයේ පිහිටි විවිධාකාර හැඩයේ දූපත් සමූහයද සොඳුරු ඉසව්වකි. සුන්දරත්වය එසේ වුවද එහි වෙසෙන මිනිසුන් දුෂ්කරතා රැසක් මධ්යයේ මහ මුහුදේ ගැටෙමින් ධීවර වෘත්තියේ නියැළෙති.
උපතින්ම ධීවර වෘත්තිය දායාද කොටගෙන උපන් ප්රජාවක් මෙහි ජීවත් වෙති. හුදෙකලාව ජීවත් වෙන ඔවුනට ලංකාවේ එක බිම් අඟලක හෝ හිමිකමක් නැතැයි කියති. දූපතේ වපසරිය හෙක්ටයාර 145.53 ක් වන අතර එහි දිගින් කිලෝමීටර් අටක්ද පළලින් කිලෝ මීටරයක් ද වේ. මෙහි පදිංචි සියලු දෙනා මීට වසර හැත්තෑවකට පමණ ඉහතදී වෙන්නප්පුව, මීගමුව සහ හලාවත ප්රදේශවල සිට ධීවර රැකියාව සඳහා සංක්රමණය වූවෝ වෙති.
මොවුන්ගෙන් පැවත එන පිරිස 750ක් පමණ දූපතේ ජීවත්වන අතර ඔවුන් පවුල් ඒකක 350ට අයත්වූවෝ වෙති. මේ සියලු දෙනා ලාංකික සිංහල සම්භවයකින් පැවතෙන්නෝ වුවද ඔවුන් බහුතරය භාවිත කරන්නේ ද්රවිඩ භාෂාවයි.
වත්මන් සමාජ රටාවත් ආර්ථිකයත් දූපත් වාසීන්ට එල්ල කර ඇත්තේ මහත් පීඩනයකි. ඔවුන්ගේ ප්රවාහන අවශ්යතා සඳහා කල්පිටිය ජැටියේ සිට මගී ප්රවාහන බෝට්ටු සේවාවක් ක්රියාත්මකය. එසේ යාත්රා කරන බෝට්ටුව පැය තුන හමාරකින් පමණ බත්තලංගුණ්ඩුව දූපතට ළඟාවෙයි. මෙමගින් එදිනෙදා අවශ්යතා රැසක් සපුරා ගන්නා අතර පානීය ජලය ආහාර මාළු කල් තබා ගැනීම සඳහා අයිස් සහ කරවල වියළීම සඳහා අවශ්ය ලුණු ද ඒ අතර වේ.
දූපතේ ප්රවාහානය සඳහා පා පැදියක් හෝ නැත. ඇත්තේ ධීවර ආම්පන්න රැගෙන යාමට ඇති අත් කරත්තයක් පමණි. දූපත් වාසීන්ගේ නිවාස සියල්ල තාවකාලික පැල්පත්ය. දූපතේ උළු සෙවිලි කර ඇති එකම ස්ථිර ගොඩනැගිල්ල බත්තලංගුණ්ඩුව සිරිකුරුස දේවස්ථානයයි. අනෙක් ගොඩනැගිල්ල වන්නේ පසුගියදා නාවික හමුදාව විසින් ප්රතිසංස්කරණය කරන ලද සිරිකුරුස විද්යාලයයි. දූපතේ කුඩු වෙළඳසලක් දෙකක් පිහිටා තිබුණද එහි අලෙවි වන භාණ්ඩයක මිල සාමාන්ය මිලට වඩා ඉහළ අගයක් ගනී.
පුංචි දරුවන්, ගැබිණියන් ඇතුළු බොහෝ පිරිසක් දූපතේ සිටියද ඔවුනට කිසිදු සෞඛ්ය පහසුකමක් හෝ නැත. අසනීපයකදී හෝ හදිසි අනතුරකදී පැය ගණනාවක් මුහුද තරණය කරමින් කල්පිටිය රෝහලට පැමිණිය යුතුය.
කල්පිටිය විජය නාවික හමුදා කඳවුරේ අනුඛණ්ඩය රැඳි කඳවුර සහ බත්තලංගුණ්ඩුව පොලිස් මුරපොළ හැරෙන්නට වෙනත් රාජ්ය ආයතනයක් දූපතේ නැත. දූපත් වාසීන්ගේ චර්යාවන් හේතුවෙන් දූපත දිනෙන් දින මුහුදු රකුසාට බිලිවෙමින් තිබේ. ඊට ප්රධාන හේතුව ස්වභාවික කඩොලාන පද්ධතිය විනාශ කිරීමයි. නාවික හමුදාවේ මැදිහත්වීමෙන් සිදුකරන කඩොලාන ශාඛ වගාව බත්තලංගුණ්ඩුවේ හෙට දවසට කදිම ආයෝජනයකි.
ජෝන් මේරි බවින්සා කියන්නේ එල්ටී.ටී.ඊ. සංවිධානයේ නායකයාව සිටි වේළුපිල්ලේ ප්රභාකරන් දරුකමට හදාගත් දරුවාය. ප්රභාකරන් දරුකමට දරුවකු හදා වඩාගත් බව දැනග
අලුත් ආණ්ඩුවේ ක්රියාකාරිත්වයෙන් පැහැදිලි වන්නේ, ඔවුන් ද 2015 වසරේ යහපාලන ආණ්ඩුව සිය කැමැත්තෙන්ම වැටුණු වළට වැටීම තෝරාගෙන සිටින බවයි. ජනාධිපතිවරයාගේ
ඉරානය ඊශ්රායලයට පහර දුන්නේය. ලොව විශාලතම ෂියා මුස්ලිම් රාජ්යය වන ඉරානයත්, ලොව එකම යුදෙව් රාජ්යය වන ඊශ්රායලයත් පිහිටා ඇත්තේ කිලෝ මීටර් 1,700 ක පමණ දුරක
ජන්දදායකයා මැතිවරණ ක්රියාවලියට සම්බන්ධ වීම ප්රජාතන්ත්රවාදයේ ඉතාමත්ම උසස් ගුණාංගයකි. එය නියෝජන ප්රජාතන්ත්රවාදය ක්රියාත්මක වීමට අත්යවශ්ය ක
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මුහුදට සේදෙන බත්තලංගුණ්ඩුව සුන්දරත්වය
චන්න බුවනක Sunday, 17 July 2016 09:38 AM
එහෙ ජීවත්වන අයගේ ජීවිත නම් සුන්දර නැතුව ඇති. (නි)
ඩිලාන් Saturday, 23 July 2016 03:43 AM
හොඳ ලිපියක් (නි)
නිම්සර Tuesday, 12 July 2016 06:30 PM
ලක්දිව සුන්දරත්වය! (නි)
ශාන් Thursday, 21 July 2016 12:18 PM
කොච්චර සුන්දර පරිසරයක්ද?(හේ)
ප්රභාත් Friday, 22 July 2016 07:27 AM
රජයට මැදිහත්වෙලා මේ ලස්සන දූපත සංරක්ෂණය කරන්න බැරි ඇයි. (බ)
මංජුල Tuesday, 12 July 2016 01:35 PM
කොච්චර සුන්දර තැනක්ද?(හේ)