(විනීතා එම් ගමගේ)
අභාවප්රාප්ත ඞී සෙනෙවි එපිටවත්ත මහතා ශ්රී ජයවර්ධනපුර විශ්වවිද්යාලයේ හිටපු උප කුලපතිවරයා මෙන්ම භූගෝල විද්යාව පිළිබඳ මහාචාර්යවරයකුද විය.
මහාචාර්ය එපිටවත්ත මහතා 2002 ඔක්තෝබර් සිට 2003 දෙසැම්බර් දක්වා ශ්රී ජයවර්ධනපුර විශ්ව විද්යාලයේ උප කුලපති වශයෙන් කටයුතු කළ අතර එම විශ්වවිද්යාලයේ කලා පිඨයේ පිඨාධිපති සහ භුගෝල විද්යා අංශ ප්රධානී වශයෙන්ද සේවය කළේය.
එම විශ්ව විද්යාලයේම උපාධිදාරියකු වන ඒ මහතා පළමු උපාධිය ශ්රී ජයවර්ධනපුර විශ්ව විද්යාලයෙන් ලැබූ අතර අනතුරුව මොරටුව විශ්ව විද්යාලයේ නගර හා ග්රාම නිර්මාණ අංශයෙන් විද්යාපති උපාධියක් ද ලබා ගත්තේය.
අනතුරුව එංගලන්තයේ ෂෙෆිල්ඞ් විශ්ව විද්යාලයෙන් ආචාර්ය උපාධිය ලබා ඇති එපිටවත්ත මහතා ජෛව භුගෝල විද්යාව පිළිබදව පර්යේෂණ රැසක් සිදු කළේය.
ඔහු දක්ෂ දේශකයෙකු සහ කථිකයෙකු වශයෙන් ප්රසිද්ධියට පත්විය. පාරිසරික සංරක්ෂණය පිළිබදව මහජනතාව සහ සිසු දරුවන් අතර දැනුම බෙදාහැරිමේ අදහසින් රුපවාහිනි වැඩසටහන් පැවැත්වීමටද හෙතෙම කටයුතු කළේය.
ඒ අනුව සිංහරාජ වනාන්තරය පිළිබඳව සකස් කළ වාර්තාමය වැඩසටහනක් ජාතික රුපවාහිනියේ විකාශනය විය.
ඒ මහතා උසස් පෙළ හදාරන සිසු දරුවන් සඳහාත් විශ්ව විද්යාල ශිෂ්ය ශිෂ්යාවන්ගේ ප්රයෝජනය සඳහාත් පොත්පත් සහ ප්රකාශන රැසක් එළිදැක්වූවේය.
සරල හා චාම් දිවිපෙවෙතක් ගත කළ එපිටවත්ත මහාචාර්යවරයා පිළිවෙල හා ක්රමාණුකූල බව නිතර අගය කළ අයෙකි. බොරලැස්ගමුවේ තම නිවසේ සිට විශ්ව විද්යාලය වෙත ඔහු පැමිණියේ පාපැදියෙනි.
එමෙන්ම යුද හමුදා ස්වේච්ඡා සේවයටද එක්ව සිටි එපිටවත්ත මහතා කොතලාවල ආරක්ෂක සේවා විශ්ව විද්යාලයට ද සංස්කෘතික අරමුදලට සහ පුරාවිද්යා පශ්චාත් උපාධි ආයතනය වෙත ද තම සේවය සැපයීය.
මහාචාර්ය එපිටවත්ත මහතා දියණියන් දෙදෙනකුගේ පියෙකි.ඒ මහතාගේ බිරිඳ වන මල්සිරි ජේ සෙනෙවිරත්න මහත්මිය පරිපාලන සේවයේ නිලධාරිනියක වන අතර බස්නාහිර පළාත් සෞඛ්ය අමාත්යංශයේ සේවය කරන්නීය.
ඉකුත් 2 වැනිදා අභාවප්රාප්ත එපිටවත්ත මහතාගේ අවසන් කටයුතු හෙට (04) සවස 4 ට බොරලැස්ගමුව පොදු සුසාන භූමියේ දී සිදුකිරීමට නියමිත ය. දේහය බොරලැස්ගමුව සරණපාල පෙරේරා මාවතේ පිහිටි ඒ මහතා ගේ නිවසේ තැන්පත් කර ඇත.
ඉරානය ඊශ්රායලයට පහර දුන්නේය. ලොව විශාලතම ෂියා මුස්ලිම් රාජ්යය වන ඉරානයත්, ලොව එකම යුදෙව් රාජ්යය වන ඊශ්රායලයත් පිහිටා ඇත්තේ කිලෝ මීටර් 1,700 ක පමණ දුරක
ජන්දදායකයා මැතිවරණ ක්රියාවලියට සම්බන්ධ වීම ප්රජාතන්ත්රවාදයේ ඉතාමත්ම උසස් ගුණාංගයකි. එය නියෝජන ප්රජාතන්ත්රවාදය ක්රියාත්මක වීමට අත්යවශ්ය ක
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
ශ්රී ලංකාව මෙවර ළමා දිනය සමරන්නේ, රට තීරණාත්මක සන්ධිස්ථානයකට එළඹ සිටියදීයි. 9 වැනි විධායක ජනාධිපතිවරයා පත්කර ගත් ජනාධිපතිවරණය සහ පාර් ලිමේන්තුව තෝරා
2024 ජනාධිපතිවරණය සැමගේම අවධානයට ලක්වීමට හේතු ගණනාවක් තිබුණි. රට බංකොලොත් වීමෙන් පසු පැවැත්වූ ප්රථම ජනාධිපතිවරණය වීම ඉන් එක් හේතුවකි. නව ජනාධිපතිවරයක
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මහැදුරු එපිටවත්තගේ චාම් දිවිගමන
Tilak Sunday, 03 September 2017 01:02 PM
ඉතා කණගාටුයි. හොඳ මනුස්සයෙක්... නිවන් සුව පතමි...