2025 මාර්තු මස 02 වන ඉරිදා
2025 මාර්තු මස 02 වන ඉරිදා
(හර්ෂණ තුෂාර සිල්වා / ඡායාරූප - ඉෂාන් සංජීව)
අද ලෝක සාමයට තර්ජනයක් වී ඇති බොහෝ ගැටලු, බොහෝ ප්‍රශ්න විසඳීමට බෞද්ධ දර්ශනය තුළින් විසඳුම් පෙන්වා දී ඇතැයි ජනාධිපති මෛත්‍රීපාල සිරිසේන මහතා අද (2) ප්‍රකාශ කළේය.
විද්‍යාත්මක හා තාක්ෂණික වශයෙන් කොතෙක් දියුණුව ලැබුවත් බෞද්ධ දර්ශනය තුළ බුදුන් වහන්සේ දේශනා කළ බොහෝ දේවල් තවමත් පැහැදිලි කිරීමට, හඳුන්වාදීමට නව තාක්ෂණික ලෝකයට පුළුවන්කමක් ශක්තියක් ලැබි නැති බැවින් බුදු දහම ලෝකය තුළ තව තවත් ප්‍රචාරය විය යුතුව තිබෙන්නේ යැයි ද ජනපති කීය.
හත්වැනි ලෝක බෞද්ධ සමුළුවේ ප්‍රධාන ආරාධිත අමුත්තා ලෙසින් සහභාගි වෙමින් ජනපති එම කරුණු පැවැසීය.
“ අපි ඉතිහාසයේ එක් එක් යුග තුළ අපේ බෞද්ධාගමික පරිසරය, ඒ වගේම බෞද්ධ දර්ශනය තුළින් ගොඩනැගුණු ප්‍රබුද්ධ සමාජය පිළිබඳව සතුටු වෙනවා. අදත් ලෝකය පුරා ප්‍රචලිතව පවතින්නේ බුදුන් වහන්සේ වසර 2600 කට පෙර දේශනා කළ ධර්මය තුළ යහපත් සමාජයකට උතුම් වූ මගපෙන්වන ඉතාමත් ශ්‍රේෂ්ඨ වූ ගමන් මාර්ගයක් විදියටයි. අද භෞතික වශයෙන් ලෝකය විශාල දියුණුවක් ලබා තිබෙනවා. තාක්ෂණික වශයෙන් ඉහළම දියුණුවක් ලෝකයේ තිබෙනවා. එහෙත් තාක්ෂණික දියුණුව සහ භෞතික දියුණුව තුළ මිනිසුන්ගේ ආධ්‍යාත්මික දියුණුව ඇති නොවන නිසා සමාජය තුළ බොහෝ පිරිහීම් තිබෙන බව අපි දන්නවා සහ දකිනවා.
අද මුළු ලෝකය පුරා පවතින කාලගුණික, දේශගුණික විපර්යාස, ගෝලීය උණුසුම සමග ඇති වී තිබෙන ස්වභාවධර්මයාගේ වෙනස්කම් ඒ තුළ මිනිසුන්ට, මානව සමාජයට, මෙන්ම සියලු සත්ත්වයාටත්, ගහ කොළ, ඇළ දොළ ස්වාභාවික සම්පත්වලටත් අත්විඳින්නට සිදුවී ඇති බරපතල හිරිහැර, තර්ජන, ව්‍යවසන පිළිබඳව බුදුන් වහන්සේ දේශනා කර තිබෙන්නේ මීට වසර 2600 කට පෙරයි. අපට විද්‍යාත්මක හා තාක්ෂණික වශයෙන් කොතෙක් දියුණුව ලැබුවත් බෞද්ධ දර්ශනය තුළ බුදුන් වහන්සේ දේශනා කළ බොහෝ දේවල් තවමත් පැහැදිලි කිරීමට, හඳුන්වාදීමට නව තාක්ෂණික ලෝකයට පුළුවන්කමක් ශක්තියක් ලැබිලා නැහැ. ඒ නිසා බුදු දහම ලෝකය තුළ තව තවත් ප්‍රචාරය විය යුතුව තිබෙනවා‘‘ යැයි ද ජනපති කියා සිටියේය.
පසුගිය 19 වැනිදා අලුත් කඩේ අධිකරණ සංකීර්ණයේ මහේස්ත්‍රාත් අධිකරණ ශාලාවක් තුළ දී පාතාල නායකයෙකැයි සැලකෙන ගනේමුල්ලේ සංජීව වෙඩි තබා ඝාතනය කිරීම ඒ ආකාරයට ම
සම්මානනීය ප්‍රවීණ අංග රචනා ශිල්පියකු මෙන්ම රංගන ශිල්පියකු ද වූ වසන්ත විට්ටච්චි මහතාගේ අවසන් කටයුතු අද (මාර්තු 01) පස්වරු 4.00 ට බොරැල්ල සුසාන භූමියේ දී සිද
’ග්ලෝබල් සවුත්’ හෙවත් අඩු සංවර්ධනයක් පෙන්නුම් කරන සහ සංවර්ධනය නොවූ සහ සංවර්ධනය වෙමින් පවතින රටවල් සම්බන්ධයෙන් චීනයේ මැදිහත් වීම පිළිබඳ විශේෂ කථිකාව
ඇස් දෙක පියාගත්තාම මට මනෝරාණිව මැවිලා පේනවා. ඇය කොණ්ඩේ පිච්ච මල් ගැහුවා. මනෝරාණි කොයි වේලාවකවත් ඉන්දියානු සාරි ඇන්දේ නැහැ. ඇය ඇන්දේ ඒ කාලේ ලංකාවේ හැමෝම
වත්මන් ආණ්ඩුව සහ ජනාධිපතිවරයාගේ රට කරවීමේ ක්‍රියා කලාපය පිළිබඳව මූලික විමර්ශනයක් කිරීමට තරම් කාලයක් මේ වනවිට ගතවී ඇත. වසර 05ක ආණ්ඩු කාලයක් ඔවුන්ට තිබෙ
විදේශ තානාපති සේවය දේශපාලනීකරණය කිරීම නවත්වා ඒ උදෙසා වෘත්තිය ප්‍රවීණත්වයත්, කුසලතාවත් පිළිගැනීම වෙනුවෙන් පෙනී සිටිමින් ශ්‍රී ලංකා විදේශ සේවා සංගමය
2025 පෙබරවාරි මස 27
73
0
ශ්‍රී ලාංකික රසවතුන්ගේ විශ්වාසය දිනූ “ස්කෑන් ජම්බෝ පීනට්ස්”සිය පාරිභෝගික භවතුන් වෙත හරසර දක්වමින් 8 වැනි වරටත් සංවිධානය කළ “ස්කෑන් ජම්බෝ බොනැන්සා”ස
2025 පෙබරවාරි මස 19
371
0
නව කිලෝ ග්රෑම් 12 ධා රිතා වය සහිත විශා ල සේදුම් ප්‍රමා ණයන් සඳහා සුදුසු වන, පාරිභෝගිකයන්ට දිනපතා ම රෙදි සේදුම් කා ර්යය පහසුකරමින්, කා ලය ඉතිරි කිරීමට ස
2025 පෙබරවාරි මස 07
490
1
ශ්‍රී ලංකාවේ අංක එකේ පාරිභෝගික ඉලෙක්ට්‍රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්‍රී ලංකාවට හදුන්වාදෙන ලදි.
‘ලෝක සාමයට පදනම බුදු දහමේ තිබෙනවා‘ - ජනපති
kumar (galf) Thursday, 02 November 2017 11:07 AM
මියන්මාරය දිහා බැලුවාම හොඳට පේනවා බුද්ධාගමට පුළුවන් මුළු ලෝකෙටම සාමය දෙන්න කියාලා.
emerson Thursday, 02 November 2017 07:35 PM
කුමාර්ට අද ලෝකේ ඉන්න හුගක් බෞද්ධ කියල කියන කට්ටිය ඔයාවගේ අය. එකයි මෙතන තියෙන ප්‍රශ්නේ. මමනම් බෞද්ධ නෙමෙයි. ඒ වුනාට දන්නැති දේවල් කතා නොකර ඉන්නවනම් හොදයි
Dasa Thursday, 02 November 2017 08:36 PM
බුද්ධාගමට පුළුවන් මුළු ලෝකෙටම සාමය දෙන්න. එත් ඉතින් .. මිනිස්සු තමා ප්‍රශ්නේ
dingirala Friday, 03 November 2017 02:24 AM
කුමාර් බුදු දහම වග කිව යුතු නැහැ මියන්මාරේ සිදුවන දේවල් වලට. එහි සිදුවන දේවල් වලට වගකිව යුතු භෞතික සාමාජික දේශපාලනික සහ ආර්ථික හේතු රැසක් තියනවා. අනික ලෝකයේ ප්‍රශ්න වලට බුදු දහමේ විසදුම් කොපමන තිබෙනවා කියා කීවත් කව්ද එම විසඳුම් ප්‍රශ්න විසඳීමට යොදා ගන්නේ? අද ලෝකයේ, ශ්‍රී ලංකාවෙත් ඇතුළුව හැම දෙයක්ම තීරණය කරන්නේ දේශපාලකයෝ. ඔවුන් බුදු දහම හෝ වෙනත් ආගමක දහම් පණිවිඩ යොදා ගන්නේ ජනතාව ගොනාට අන්දවා නොමග යැවීමට සහ තමන්ගේ වාසියට මිස දහමට ඇති හැබෑ කැමැත්තකින් නෙවෙයි.
GihanFriday, 03 November 2017 01:40 PM
මියන්මාරේ ගැන කතාකරන උන්දැලා ඕක සසඳල බලන්න ඕනේ මෙහෙම වෙන ආගමක් ප්‍රධාන වෙන රටක තවත් ආගමක් අදහන අය ගම්මානවලට පැනල මිනිස්සුන්ව කපන්න, ප්‍රධාන ආගමේ පූජකවරුන් මරන්න ගත්තා නම් මොකද වෙන්නේ කියලා හිතලා බලන්න ඕනේ. යුරෝපා රටක හරි, මැද පෙරදිග රටක හරි ගම්මාන පිටින් නෙමේ, දෙතුන් දෙනෙක්ට හරි ප්‍රශ්නයක් ඇති කළොත් යුද්ධයක් ඇති වන්නේ රටවල් රටවල් අතර. අවුරුදු 10ක් හාමුදුරුවරුන්ට කඩු ප්‍රහාර, බෞද්ධ ගම්මාන වලට රෑට පැනලා ගම් පිටින් මරනකොට ඒවා කමක් නෑ. ඒත් ඒ පාහරයො මරන්නේ නැතිව එළවපු එක තමයි ප්‍රශ්නේ. ගල්ෆ් කුමාරට ඕවා තේරෙනවා ඇතිනේ....
SAMAN Friday, 03 November 2017 09:40 AM
ඩිංගිරාළ කියන්නකෝ තියන විසඳුම්, මම නම් හිතන්නේ නැහැ බුදුදහම මේ ලෝක ජීවිතේ ගැන උනන්දුයි කියලා, බුදුදහමේ තියෙන්නේ මේ ලෝකේ ඇල්මෙන් මිදුණු දෙයක්... ඒ හින්දා දන්නේ නැතිව දොඩවන්න එපා ඩිංගි...
bamunuarachchi.Saturday, 04 November 2017 04:52 AM
සමන් ඔබ බුදුදහම ගැන දන්නා දෙයක් නැත. බුදුදහම මේ ලෝක ජීවිතේ ගැන හොඳින් පැහැදිලි කරපු දේශනා බොහොමයක්ම තිබෙනවා. ඔබ ඔය ජීවිත කාලයටම නොදන්නා දේවල් අපිට වැකි කීපයකින් කියලා දෙන්න බැරිය කියා දෙන්න වුවමනාවකුත් නැත. නමුත් ඔබේ නොදන්නා කම ලෝකෙට පෙන්වන්න එපා.
asvar mohideen beg Sunday, 05 November 2017 03:08 AM
සමන් අපාගත වෙන්නද හදන්නේ
emerson Saturday, 04 November 2017 06:31 PM
ලෝකේ තියන ආගම් වලින් වඩාත්ම අවිහිංසාවාදී ආගම බුද්ධාගම.
kumar (galf) Sunday, 05 November 2017 07:02 AM
අවිහිංසාව කොහොම වෙතත්, "චේතනාහමි භික්ඛාවේ කම්මන් වදාමී" කියාලා මිනිස්සු පණපිටින් පුච්චනවා මියන්මාරයේ, ලංකාවෙත් එහෙම කළා කළු ජූලියේදී.
janatha anura Sunday, 05 November 2017 03:05 AM
මියන් මරයේ පවතින්නේ ආගමික යුද්දයක් නොවේ සංක්‍රමික වෙනත් ජාතියක් නිසා මෙම සංක්‍රමිකයන් හා අට වැනි ශත වර්ෂයට පෙර බෞද්දයන් ආසියාවේ පැවතුනේ බුදු දහම සහ හින්දු දහම ඇෆ්ග්නිස්ථානයේ සිට චීනය, ජපානය, කොරියාව, කාම්බෝජය, ඉන්දුනීසියාවේ නටබුන් නිදසුන් හැටියට ගත හැක. මෙම දහම ලොවේ අතුගා දැමුවේ මුගල් ආක්‍රමණිකයන් සහ කොමියුනිස්ට් වාදය මිනිසුන්ගේ ගෙලි කපන්නේ ආගමට අනුව නොවේ තම විශ්වාසයන්ට මුල් තැන දීම නිසා. සිරියාව, ආර්යන්ගේ වාස භූමිය ඉරාකය, මියන් මාරය නිදසුන්
Senarath Sunday, 05 November 2017 08:34 AM
"ලෝක සාමයට පදනම බුදුදහමේ තියෙනවා " අපේ ජනාධිපතිතුමාත් ලොකුකතා කියනවා. ඒ වුණාට පක්ෂේ ඇතුලේ සාමේ තියාගන්න බැහැ. බුදුහාමුදුරුවෝ ඉන්න කාලේ ලෝකේ සාමේ ඇතිවෙන්න ඕනේ එහෙම නම්. අඩුම තරමේ බුදුහාමුදුරුවන්ගේ ධර්මය පිළිගත්තද මුළු ලෝකෙම? එහෙම වුණේ නැහැනේ. අඩුම තරමේ ඉන්දියාවේ සියලුම දෙනා පිළිගත්තද? නැහැනේ . තව කොතරම් දේශකයෝ එදා හිටියද? ඒක ලෝකේ ස්වභාවය. විවධ ගති තියෙන මිනිස්සු ඉන්නවා. අපි කොතරම් සාමයට කැමති වුණත් අල්ලපු වත්තේ ඉන්න මිනිහා සාමයට කැමති නැත්නම් ප්‍රශ්න නැතිව ඉන්න පුළුවන්ද? ඒ වගේම තමයි, ඕනෑවට වඩා අහිංසක කමට ඉන්න හැදුවම හැමෝම එනවා බය කර ගන්න. ඒක තමයි අපේ රටට වෙලා තියෙන්නේ. අපි බුද්ධාගම් කාරයෝ කියලා සියල්ල දන්දීලා ඉන්න පුළුවන්ද?
vipula Monday, 06 November 2017 03:23 AM
එහෙම නම් ලංකාවේ අවුකන බුදු පිළිමේ බේරලා දෙන්න
bamunuarachchi Friday, 10 November 2017 12:01 PM
"අද ලෝක සාමයට තර්ජනයක් වී ඇති බොහෝ ගැටළු, බොහෝ ප්‍රශ්න විසඳීමට බෞද්ධ දර්ශනය තුළින් විසඳුම් පෙන්වා දී ඇතැයි ජනාධිපති මෛත්‍රීපාල සිරිසේන මහතා අද (2) ප්‍රකාශ කළේය." අනේ අම්මපා සිරිසේන උන්නැහේ කියනකම් අපි ඕක දැනගෙන සිටියේ නැහැනේ. ඉතින් ඇයි ඕක ක්‍රියාත්මක කරන්න බැරි.