උතුරු කළුතරට නුදුරු තැනකට එන්නට අතුල කතා කරයි. කවුරුත් දන්නා කවුරුත් හඳුනන ලංකාවේ ප්‍රසිද්ධම වැටකේ අඩවියකි. කලින් කල සිදුවූ අපචාර සිදුවීම් ඝාතන ස්ත්‍රී දූෂණ නිසා මේ වැටකේ ගාලට නිතරම හානි සිදුවේ. කිලෝමීටර් ගාණක් එක දිගට විහිද පවතින මේ වැටකේ ගාලට ලංකාවේ සතර දිග් භාගයෙන් එන පෙම්වත්තු රිංගති. එක අන්තයකින් මහා මුහුදත්, අනෙක් පසින් කළුතර මහ සෑයත් මනරම්ව දිස්වේ.

කළුතර වඳින්නට කියා එන පෙම්වතුන් කළුතරත් වැඳගෙන මේ වැටකේ ගාලටද රිංගන්නේ එයටද වැඳ වැටෙමිනි. පෙම්වත්තු කළුතර යාම හරියට ‘දඹුලු ගොස් තලගොයින් මරාගෙන එනවා’ යන පරණ කියමනට සමාන වේ.

විවාහය බලාපොරොත්තුවෙන් සිටින අයත්, විවාහය ළඟ පාතකවත් නැති අයත්, අනියම් ප්‍රේමවන්තයෝත් මහ මුහුද මෙන් පරක් තෙරක් නොපෙනෙන  මේ වැටකේ අසපුවට ඇතුළු වන්නෝය.

යම් තැනකින් කැලේට රිංගූ යුවළ ඒ කැලෑවේ කොයිබට ගියා දැයි සෙවීම උගහටය. ඒ තරමට කැලේ මැදින් හිතෙන හිතෙන දිශාවකට අඩිපාරවල් දිගේ යා හැකිය. ඒ හැම තැනම ප්‍රේමවන්තයන් අපූරුවට පෙම් කෙළ ඇති බවට ලකුණු ඕනෑ තරම් තිබේ.

ඇතැම් වැටකේ පඳුරු යට වැටුණු සමහර දෑ දෙස බලද්දී එළිමහන් කාමුක රංග භූමියක් ලෙස දෙවරක් නොසිතා නිගමනය කළ හැකිය. ඒ වාගේම සිගරට් කොට, අරක්කු බෝතල් දිහා බලද්දී මේ වැටකේ ගාල යම් යම් කල්ලිවල රජ දහනක් හැටියටද අපට හැඟේ. අතුලත් මමත් ඇවිද යන්නේ ඒ සා විවිධ-විසම හැසිරුමැති හැංගුණු ලොවක් අස්සේය.

‘මහත්තයෝ... මේ වැටකේ ගාල කළුතරට සම්පතක්. ඒත් මේකේ සිද්ධ වුණ දේවල් එක්ක මේ සම්පත වැරදි විදිහටයි සමාජ ගත වුණේ.’ 

​

අතුල කතා අරඹයි.

‘ඉස්කෝලේ යන වයසෙ පිරිමි ළමයි-ගැහැනු ළමයි මේ කැලේට රිගනවා. අවුරුදු 18ට අඩු ළමයින්ට හෝටල් දෙන තැන් ටිකක් අඩුයිනේ. දැන් හෝටලයකට ගියාම සමහරු අයිඩෙන්ටි එක ඉල්ලනවා. ඒවා නැති ළමයින්ගෙ කාමර තමයි මේ කැලේ... පන්ති යනවා කියලා එන හුඟක් දරු පැටවු මේ වගේ කැලෑවලට රිංගනවා. 

‘ඔය ඉන්නේ එහෙම දෙන්නෙක්.’

අපේ කතා බහේ සත්‍ය උදාහරණය අප ඉදිරිපිටම ගාලක් අස්සේ සැඟවී සිටියි.

ඔවුන් කැලේ ගහ කොළ අස්සට වී කෙළින පෙම් කෙළිය ගැන ලියන්නට ගියොත් මේක ‘කුනු හරුප’ කතාවකි. ඒ තරම් අශිෂ්ට රංගනයක මේ දෙපළ යෙදී සිටිති. කැලේ අස්සේ සිටින අපි දෙන්නා ඔවුන්ට පේන්නේම නැත. 

මේවා නවත්වන්න පුළුවන් සෙල්ලම් නෙමෙයි. සමහරු නම් කැලේවුණත් අශිෂ්ටව හැසිරෙන්න අකමැතියි. ඒ අය වැටකේ ගාලකින් මෙහා තියෙන රු.500-600 කාමරේකට ගිහින් ආපු සැප විඳගෙනම යනවා.’ අතුල කියයි.

‘අද මේ වැටකේ ගාලට ආවේ ඉඳහිට සිද්ධ වෙන අලුත් කතාවක් කියන්න’ අතුල මා තැනකට කැඳවාගෙන යයි. තරමක් නුදුරින් කිසියම් හෝටලයක වැනි ලකුණු පෙනෙයි.

‘සාමාන්‍යයෙන් පාක් එකකට ජෝඩුවක් ගියත්, මුහුදු වෙරළෙ වාඩිවෙලා හිටියත් ඒ දිහා බලාගෙන ඉන්න ‘බැල්මට්ලා’ අහලා ඇතිනේ. මේක මානසික ලෙඩක්... ඇතැම් විට ජීවිතේ මේ වගේ කෙල්ලක් එක්ක කවදාවත් ඇවිදපු නැති අය. ඒ අය තරුණ කෙල්ලෝ කොල්ලෝ හැසිරෙන දිහාව බලලා තැන නොතැන නැතුව තමන්ගේ ආශාව තමන්ම විඳ ගන්නවා. ඔය බැල්මට්ලගේ නියම රංගන බලාගන්න පුළුවන් මේ කැලෑවලදී’
අතුල එවැනි තැනකට මා කැඳවා ඇති සෙයකි. ජෝඩු කීපයක් පෙම් රංගන වල උච්චතම අවස්ථාවේ සිටිති. 

‘අන්න බලන්න...’

අතුල මට පෙන්වන්නේ බැල්මට් කෙනෙකි. දැක බලා සතුටු වෙන්නෙකි.

පාක් එකක, මේ දසුන අපට ඇස නොගැටෙන්නකි.

සමහර ජෝඩු ඉස්සරහටම ඇවිත් මේ බැල්මට්ලා බය නැතිව මෙයාලට ලොකුකම් දානවා. ඔය ජෝඩු පිටින් එන අය. ඒ අය එළියට ගිහින් කාට කියන්නද? සමහරු කියන්නේ ග්‍රීස් යක්කු කියලා. ඒ අයත් හිටපු ගමන් මේ කැලේ ජෝඩු අතරින් ඇවිදිනවා. ගෑනු ළමයින්ගේ දත කට පූට්ටු වෙනවා. ඒත් ඒ අයගේ පෙම්වතුන්ට උනත් කරන්න දෙයක් නෑ. මොකද මේ කැලේ අයිති කරගත්තු අයිති කාරයෝ අතර මේ බැල්මට්ලාත් එක පිරිසක්. ළාබාල අය ආවම මේ අයගේ සෙල්ලම් වැඩියි.

හොඳට මතක තියා ගන්න... අපි කියන මේ තැන බැල්මට්ලා නිරුවතින් රඟපාන එළිමහන් රංග පිටියක්.

කතාව ඒක නෙවෙයි...

‘මේ කැලේ ඉඳහිට වෙන ලොකු සීන් එකක් කියන්නම්. ජෝඩු එකතු වෙන තැන් කීපයක් මේ බැල්මට්ලා දන්නවා. ඒ අය මේවා හොඳ අත්දැකීමෙන් දන්න දේවල්. 

මේ බැල්මට්ලාගෙන් දෙතුන් දෙනෙක් කැලේ ගස් උඩ, අතුවල වීඩියෝ කැමරා සෙට් කරලා තියෙනවා.’

ඒ කතාවට මම පුදුම වීමි.

ජෝඩුවලට කුලී පදනම මත දෙන කාමරවල මෙවැනි වීඩියෝ පටිගත කිරීම් සිදුවන බව අප දැක ඇත. ජෝඩුව කාමරයට යන විටම කාමරයේ වීඩියෝ කැමරාව ක්‍රියාත්මක වේ. ඉන් පසු එහි වන සියලු දේ එක්කෝ කොම්පියුටරයක පටිගත වේ. නැත්නම් හෝටලයේ කීප දෙනෙකු විසින් රහසේ නරඹනු ලැබේ. සමහර ජෝඩු මේ වීඩියෝ හරහා ‘බ්ලැක් මේල්’ වන බවද අපට වාර්තා වී ඇත. එහෙත් කැලේක වීඩියෝ කැමරා ක්‍රමයක් අප අසා නැත.

තාක්ෂණය සමග පැමිණි ක්‍ක්‍ඔඪ කැමරා ක්‍රමය එළිමහන් පටිගත වීම් සාර්ථකව සිදුවන වීඩියෝ ක්‍රමවේදයකි. එම තාක්ෂණයට වැටකේ ගාලක් යට පෙම් කෙළින දසුන් දැන් වීඩියෝ පටිගත වීමක්...

‘කැලේට ආවම ඔය නංගිලා මල්ලිලා හිතන්නේ ලෝකෙටම වසං වුණා කියලා. ඒක වැරදියිනේ. දැන් රටේ තියෙන තාක්ෂණයත්, කාමුක ලෝලීන් වැඩිවීමත් එක්ක අද කාලේ එළියක තියා කාමරේකවත් ජෝඩුවකට තනි වෙන්න බෑ.

‘මේ බැල්මට්ලා උදේ ගස් උඩ තියෙන වීඩියෝ කැමරා ‘ඕන්’ කරනවා. කැලේට එන මොන මල්ලිද හිතන්නේ ගස් උඩ වීඩියෝ වෙනවා කියලා. හැබැයි මල්ලිලා නංගිලා ඇවිත් තුරුළුවෙලා, කරන හැම සෙල්ලමක්ම හරි ලස්සනට රෙකෝඞ් වෙනවා.  මේ කාලය තුළ බැල්මට්ලා ඈත ඉඳන් ඒ දිහා බලනවා මිස ඒ පළාතකටවත් එන්නේ නෑ. 

ඊට පස්සේ මොකද වෙන්නේ...?

‘මහත්තයෝ... මේක බිස්නස් එකක්. මේ අය පටිගත කළේ නියම නැචුරල් දර්ශන පෙළක්. මේ දර්ශනවලට ලෝභ බැන්ද ලොකු ලොකු මහත්තුරු ඉන්නවා. එයාලා දේශීය-විදේශීය සංදර්ශනාත්මක බ්ලූ බලලා තිත්ත වෙච්ච අය. පුදුම විදිහට ‘නිල්’ චිත්‍රපටිවලට ඇලුණු අය. ඒ අයගේ ඩීලර්ස්ලා මාර්ගයෙන් මේ කැලේ සිද්ධ වන පටිගත කිරීම් ‘බ්ලූ සීඩී’ විදිහට පැය භාගෙට, පැයට සංස්කරණය වෙලා විකිණෙනවා. බැල්මට්ලා මේ සී.ඩී. එකක් විකුණන්නේ රුපියල් තුන් හාරදාහට. දවසට එකක් දෙකක් කරගත්තොත් ඇති. හැබැයි මේ ‘සීන්’ එක හැමෝටම රහසක්... එකාට එකා දන්නේ නෑ. ලොකු මහත්වරුන් අතරට මේ සීඩී ගෙනියන අයත් ඉන්නවා. ඒ සී.ඩී. වලින් බ්ලැක් මේල් වෙච්ච නංගිලා මල්ලිලාත් ඉන්නවා. ඒ නිසා අපිනම් කියන්නේ කැලේට යන එක පරිස්සමින් කියලයි. උඩින් විතරක් නෙවෙයි හතර වටින්ම ඔයාලා වීඩියෝ රෙකෝඞ් වෙනවා.

ඒ නිසා කෝකටත් පරිස්සම හොඳයිනේ.

අනවශ්‍ය දේකින් ඔබ බ්ලැක් මේල් වුණොත් ඒක මුළු ජීවිතේටම ප්‍රශ්නයක්.. ඒ වගේම මේ නිල් චිත්‍රපට විදේශිකයන්ට විශාල මුදල් වලට විකුණනවා. 
ගණිකාවන් සැපයීමට පෙර පළමු උපක්‍රමය තමයි ලංකාවේ මෙවැනි රහස් චිත්‍රපට විදේශිකයන්ට විකිණීම. 

අපි දන්න මේ වගේ බ්ලැක් මේල් සිද්ධි ගොඩක් තියෙනවා. කැලේට-කාමරේට යන නංගිලා මල්ලිලා දන්නේ නෑ එයාලගේ ෆොටෝ, වීඩියෝ එළියට ඇවිත්... ඒ නිසා පරිස්සමින් ආදරේ කරමු.

අතුල මහතා අනතුරක ලකුණක් දෙයි.