ව්‍යවස්ථා අර්බුදය සෙමෙන් විසඳුමක් කරා...

ශ්‍රී ලංකාවේ ප්‍රජාතන්ත්‍රවාදය නැවත ස්ථාපිත කිරීමේ ප්‍රථම පියවර ලෙස මහින්ද රාජපක්ෂ මහතා ඉල්ලා අස්විය. එහෙත් ජනාධිපතිවරයා විසින් රනිල් වික්‍රමසිංහ මහතා නැවත අග්‍රාමාත්‍ය ධුරයට පත් කළ යුතුව තිබේ.

මහින්ද රාජපක්ෂ මහතා අග්‍රාමාත්‍ය ධුරයෙන් ඉල්ලා අස්වීමට තීරණය කිරීම ආණ්ඩුක්‍රම ව්‍යවස්ථා අර්බුදය සෙමෙන් විසඳුමක් කරා ගමන් කරන බවට ලැබුණු පළමු සංඥාවය.

මහින්ද රාජපක්ෂ මහතා අග්‍රාමාත්‍ය ධුරයට පත් කිරීම සම්බන්ධයෙන් විවිධ මතභේද පවතී. වත්මන් අර්බුදය ඇති වූයේ ජනාධිපති මෛත්‍රීපාල සිරිසේන මහතා විසින් මහින්ද රාජපක්ෂ මහතා අග්‍රාමාත්‍ය ධුරයට පත් කිරීමත් සමඟය. ජනාධිපති මෛත්‍රීපාල සිරිසේන මහතා විසින් ඇති කරන ලද අර්බුදයේදී මහින්ද රාජපක්ෂ මහතා ද යම් භූමිකාවක් රඟ දැක්වූයේය.

අනීතික උපදෙස් ගනිමින් ජනාධිපති මෛත්‍රීපාල සිරිසේන මහතා පසුගිය මාස එකහාමාරකට දෙකකට ආසන්න කාලයේදී අවස්ථා කිහිපයකදීම දේශපාලනිකවත් තම පක්ෂය තුළත් විධායක බලතල භාවිත කළේය. ඔහු විසින් ගන්නා ලද ඇතැම් තීරණ, ආණ්ඩුක්‍රම ව්‍යවස්ථාවට පටහැණි යැයි විවිධ පාර්ශවලින් දැඩි චෝදනා එල්ල විය.

ඔක්තෝබර් 26 වැනි දා, හිටිහැටියේම, රනිල් වික්‍රමසිංහ මහතා අග්‍රාමාත්‍ය ධුරයෙන් ඉවත් කිරීමත් සමඟ හිටපු අගමැති රනිල් වික්‍රමසිංහ මහතා ජනාධිපති මෛත්‍රීපාල සිරිසේන සහ මහින්ද රාජපක්ෂ යන නායකයන් දෙදෙනාගේම පොදු සතුරා බවට පත්විය.

කෙසේ නමුත් මෛත්‍රීපාල සිරිසේන මහතාටත් මහින්ද රාජපක්ෂ මහතාටත් සාර්ථක වීමට අවස්ථාවක් නොලැබුණු තරම්ය. ඔවුන් දෙදෙනාම පාර්ලිමේන්තුවේදී පරාජයට පත්වූහ. අධිකරණ තීන්දු ද ඔවුන්ට හිතකර නොවීය.

අවස්ථා කිහිපයකදීම පාර්ලිමේන්තුවේදී බහුතරය පෙන්වීමට අසමත් වුණු නමුදු මහින්ද රාජපක්ෂ මහතා අග්‍රාමාත්‍ය ධුරයේ රැඳී සිටියේය. විශ්වාසභංග යෝජනාව සම්මත වී තිබියදීත් අග්‍රාමාත්‍ය ධුරය නීත්‍යනුකූල නැතැයි ඇතැම් පාර්ශව චෝදනා කරන විටදීත් ජනාධිපති මෛත්‍රීපාල සිරිසේන මහතා පාර්ලිමේන්තුව විසුරුවා හරිමින් මහ මැතිවරණයක් කැඳවූයේය.

ජනාධිපති මෛත්‍රීපාල සිරිසේන මහතා විසින් මහින්ද රාජපක්ෂ මහතා අග්‍රාමාත්‍ය ධුරයට පත් කරනු ලැබීම නිසා ඇති වූ ආණ්ඩුක්‍රම ව්‍යවස්ථා අර්බුදයත් සමඟ රටේ දේශපාලනය පමණක් නොව ආර්ථිකය ද පසුබැසීමකට ලක්වූයේය. කෙසේ නමුත් මහින්ද රාජපක්ෂ මහතාට පාර්ලිමේන්තුවේදී බලය පෙන්වීමට නොහැකි විය. අකැමැත්තෙන් වුවත් කීමට ඇත්තේ මහින්ද රාජපක්ෂ මහතා එහිදි අසමත් විය වූ බවයි.

මහින්ද රාජපක්ෂ මහතා අග්‍රාමාත්‍ය ධුරයට පත් කිරීමෙන් අනතුරුව ජනාධිපති මෛත්‍රීපාල සිරිසේන මහතා එක් අවස්ථාවකදී පාර්ලිමේන්තු සැසිවාරය කල් තැබීය. ඉන් අනතුරුව පාර්ලිමේන්තුව විසුරුවා හරිමින් මහ මැතිවරණයක් කැඳවූයේය. කෙසේ නමුත් ශ්‍රේෂ්ඨාධිකරණය අතුරු නියෝගයක් නිකුත් කරමින් පාර්ලිමේන්තුව කැඳවීමට අවස්ථාව උදා කළේය. ඉන් අනතුරුව පාර්ලිමේන්තුවේදී අවස්ථා කිහිපයකදීම ඡන්දය විමසූ අතර මහින්ද රාජපක්ෂ මහතාට එරෙහිව අවස්ථාව කිහිපයකදීම විශ්වාසභංග යෝජනා සම්මත කර ගන්නා ලදි.

මහින්ද රාජපක්ෂ මහතා ධුරයෙන් ඉල්ලා අස්වෙන්නේ ඔහුට ප්‍රතිවිරුද්ධ පාර්ලිමේන්තු මන්ත්‍රීවරුන් කිහිපදෙනකු ‘ක්වෝ වොරොන්ටෝ රීට් ආඥාවක්’ නිකුත් කරමින් ඉල්ලමින් අභියාචානාධිකරණයේ පෙත්සම් ගොනු කර තිබියදීය යන්න රහසක් නොවේ. එබැවින් මහින්ද රාජපක්ෂ මහතාට අග්‍රාමාත්‍ය ධුරය දැරීමට නොහැකි බව සඳහන් කරමින් ශ්‍රේෂ්ඨාධිකරණය අතුරු තහනම් නියෝගයක් නිකුත් කළේය.

නීත්‍යනුකූල ආණ්ඩුවක් තිබේද නැද්ද යන්න සම්බන්ධයෙන් පැවැති පැහැදිලි අවිනිශ්චිත බව නිසා අනෙක් රටවල් සහ මූල්‍ය ආයතන කිහිපයක්ම කවුරුන් සමඟ ගනුදෙනු කරන්නේ ද යන අර්බුදයට මුහුණ පෑවේය. එම තත්ත්වය නිසාම රටවල් කිහිපයක් සහ මූල්‍ය ආයතන කිහිපයක් ශ්‍රී ලංකාවට ලබාදීමට පොරොන්දු වූ සහ ලැබීමට නියමිතව තිබූ විදේශ ආධාර සහ ණය තාවකාලිකව අත්හිටුවීමට පියවර ගත්හ.

මහින්ද රාජපක්ෂ මහතාගේ ඉල්ලා අස්වීම නිසා පාර්ලිමේන්තුවේ බහුතරය ඇති ආණ්ඩුවක් ස්ථාපිත කිරීමට දැන් අවස්ථාව උදා වී තිබේ.

මේ අතර නොවැම්බර් 9 වැනිදා පාර්ලිමේන්තුව විසුරුවා හැරීමට ගත් තීරණය නීතිවිරෝධී සහ ශූන්‍ය යැයි ශ්‍රේෂ්ඨාධිකරණය තීන්දු කිරීමත් සමඟ ජනාධිපති මෛත්‍රීපාල සිරිසේන මහතාගේ විශ්වාසනීයත්වය පිළිබඳ ප්‍රශ්නයක්ද උද් ගත වී තිබේ.

ආණ්ඩුක්‍රම ව්‍යවස්ථාවට අනුව ජනාධිපතිවරයාට පාර්ලිමේන්තුව විසුරුවා හැරිය හැක්කේ , නව පාර්ලිමේන්තුවක ආරම්භයේ සිට වසර හතර හමාරක් ගත වූ පසුවය. ඊට පෙර පාර්ලිමේන්තුව විසුරුවා හරින්නේ නම් පාර්ලිමේන්තුවේදී තුනෙන් දෙකක බහුතරයක් ඇතිව යෝජනාවක් සම්මත කරගත යුතුය.

ඕනෑම අවස්ථාවකදී පාර්ලිමේන්තුව විසුරුවා හැරිය නොහැකි බව ශ්‍රේෂ්ඨාධිකරණය දුන් තීන්දුවෙන් මනාව පැහැදිලි වේ.

ආණ්ඩුක්‍රම ව්‍යවස්ථාවේ වගන්ති තමන්ට වාසිදායක වන අයුරින් අර්ථනිරූපණය කරමින් තමන් කරන ලද ක්‍රියාවට ආණ්ඩුක්‍රම ව්‍යවස්ථාවට අනුකූල යැයි ප්‍රකාශ කිරීමට මෛත්‍රීපාල සිරිසේන මහතාගේ පාර්ශවය අනවරත උත්සාහයක නියැළුණේය. පාර්ලිමේන්තුවේ 225 දෙනාම කැමැති වුවද රනිල් වික්‍රමසිංහ මහතා අග්‍රාමාත්‍ය ධුරයට පත් නොකරන බව ජනාධිපති මෛත්‍රීපාල සිරිසේන මහතා අවධාරණයෙන් කීවේය.

මෙම සිදුවීම් තුළින් ඔහු පිටුපස අදිසි හස්තයක් ක්‍රියාත්මක වූ බව ද පෙනෙන්ට තිබේ.

පාර්ලිමේන්තුවේ වත්මන් සංයුතියට ගරු කරමින් සහ රනිල් වික්‍රමසිංහ මහතා නැවතත් අග්‍රාමාත්‍ය ධුරයට පත් කිරීමෙන් වත්මන් දේශපාලන අර්බුදයට විසඳුම් සෙවිය හැකි බව අමුතුවෙන් කියන්නට අවශ්‍ය නැත.

‘ද හින්දු’ පුවත්පත ඇසුරිනි

සැකසුම - හර්ෂණ තුෂාර සිල්වා

අදහස් (2)

ව්‍යවස්ථා අර්බුදය සෙමෙන් විසඳුමක් කරා...

vidya Sunday, 16 December 2018 06:15 AM

මේ ඔක්කොටම හරියට ඉංගිරිසිත් බෑ සිංහලත් බෑ. ව්‍යාවස්ථාව හරියට කියෝ ගන්න බැරිකම නිසානේ මේ අවුල සිදු වුනේ. ඔය සෙට් එකම අයෙත් එකතුවෙලා මගුල් කයි , උපන්දින සාදවලට හෝටල් වලදී හම්බ වෙයි. අපි තමයි අලයි පරිප්පුයි කකා බඩ නරක් කර ගන්නේ . කොච්චර ලොයර්ල හිටියද වැඩක් වුණේ නැනේ.

: 0 25

max Monday, 17 December 2018 10:26 AM

අග්‍රාමාත්‍යවරයා ලෙස මහින්ද මහතා පත් කිරීම නීති විරෝධී හෝ ව්‍යවස්ථා විරෝධී නොවේ. ඒ අරබයා කිසිඳු නඩුවක් අධිකරණයේ නොපැවතීම ඊට උදාහරණ ය. නමුත් පාර්ලිමේන්තුව විසිරවීම ගැටළු සහගතය. ඒ බව අධිකරණ තීන්දුවෙන්ද පැහැදිලි වුනි. රනිල් මහතා ගේ රටට නුසුදුසු ප්‍රතිපත්ති වෙනස් කර ගැනීමට කාලය පැමිණ ඇත.

: 0 77

ඔබේ අදහස් එවන්න

විශේෂාංග

පාතාලය මැඬීමේ යුද්ධය

2025 මාර්තු මස 04 84 1

දශක තුනකට ආසන්න කාලයක් පුරා පැවති නොනවතින ලේ වැගිරීම්වලින් පසු, 2009 මැයි මාසයේදී ශ්‍රී ලංකා හමුදාවන් කොටි ගරිල්ලන්ට එරෙහිව ඓතිහාසික මිලිටරි ජයග්‍රහණය

අනෝතත්ත විල නෙළුම නෙලාලා

2025 මාර්තු මස 04 90 0

මේ ගීතය එදා පමණක් නොව අද ද ගුවන්විදුලි, රූපවාහිනී නාළිකාවලත් දළදා මාලිගය අභියසත් සුවහසක් රසික ජනයාගේ මුවගෙහිත් කොපමණ වාර ගණනක් ගායනා වන්නට ඇතිදැයි ගණ

අයවැයේ අනාගත පණිවිඩය

2025 මාර්තු මස 04 51 0

අයවැය යනු රටක වාර්ෂිකව ආදායම් සහ වියදම් පිළිබඳව ඇස්තමේන්තු කරමින් ඉදිරිපත් කරන නීත්‍යනුකූල ලියවිල්ලකි. රජයේ අදායම් සහ වියදම් සම්බන්ධයෙන් විස්තරාත්

නුදුටු කුමරතුඟුන්ගේ අගේ

2025 මාර්තු මස 03 38 0

කුමරතුඟු‍ මුනිදස් මහ සුබැසියාණන්ගේ ඊයේට (2) යෙදුණු 81 වැනි ගුණ සමරුව නිමිත්තෙනි.

ස්වාධීන අභිවෝදක මිථ්‍යාව යථාර්ථය

2025 මාර්තු මස 03 32 0

අපරාධ නඩුකටයුතු මහජනතාව දැඩි උනන්දුවක් දක්වන තීරණාත්මක කරුණකි. නඩුකටයුතුවල ප්‍රතිඵලය කුමක් වුවත්, පුරවැසියකු අපරාධ නඩුකීමට ලක් කිරීම, අපරාධ නඩුවක වි

ජාතික ආරක්ෂාව අනතුරේද?

2025 මාර්තු මස 01 317 1

පසුගිය 19 වැනිදා අලුත් කඩේ අධිකරණ සංකීර්ණයේ මහේස්ත්‍රාත් අධිකරණ ශාලාවක් තුළ දී පාතාල නායකයෙකැයි සැලකෙන ගනේමුල්ලේ සංජීව වෙඩි තබා ඝාතනය කිරීම ඒ ආකාරයට ම

වැඩි දෙනා කියවූ පුවත්

සිරුරට ගිනි ඇවිලී ස.ප්‍රා.ලේ.මරුට

2025 පෙබරවාරි මස 17 29213 3

රනිල් මැතිසබයට?

2025 පෙබරවාරි මස 20 20044 50

ඉන්ධන පිරුම්හල් රාත්‍රී 8.00 ට වසයි

2025 මාර්තු මස 02 19926 15

රජයේ ගබඩාවට දුන් පළමු වී අස්වැන්න

2025 පෙබරවාරි මස 13 18227 52

තරුණියක් නිවසේදී හදිසියේම මිය ගිහින්

2025 පෙබරවාරි මස 26 16111 3

2025 පෙබරවාරි මස 27 126 1

ස්කෑන් ජම්බෝ පීනට්ස් “ජම්බෝ බොනැන්සා”සහ “ටැබ් බොනැන්සා”ප්‍රවර්ධන වැඩසටහන් මගින් ජයග්‍රාහකයින් 55 දෙනෙකු හට මවුන්ටන් බයිසිකල් 50 ක් සහ ටැබ් පරිඝනක 5ක්

ශ්‍රී ලාංකික රසවතුන්ගේ විශ්වාසය දිනූ “ස්කෑන් ජම්බෝ පීනට්ස්”සිය පාරිභෝගික භවතුන් වෙත හරසර දක්වමින් 8 වැනි වරටත් සංවිධානය කළ “ස්කෑන් ජම්බෝ බොනැන්සා”ස

2025 පෙබරවාරි මස 19 443 0

රෙදි සේදුම් යන්ත්‍ර අතර පෙරළියක් ඇති කරමින් Samsung Sri Lanka, වෙතින් Bespoke Ai Laundry ලෙස කිලෝ ග්රෑම් 12ක ධාරිතාව සහිත ඉදිරිපසින් විවෘත කළ හැකි නවතම රෙදි සෝදන යන්ත්‍ර පෙළක

නව කිලෝ ග්රෑම් 12 ධා රිතා වය සහිත විශා ල සේදුම් ප්‍රමා ණයන් සඳහා සුදුසු වන, පාරිභෝගිකයන්ට දිනපතා ම රෙදි සේදුම් කා ර්යය පහසුකරමින්, කා ලය ඉතිරි කිරීමට ස

2025 පෙබරවාරි මස 07 528 1

Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක්

ශ්‍රී ලංකාවේ අංක එකේ පාරිභෝගික ඉලෙක්ට්‍රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්‍රී ලංකාවට හදුන්වාදෙන ලදි.