(තිලිණි ද සිල්වා)
හිත ඇත්නම් පත කුඩාද යන සිංහල ආප්තෝදේශය මතක් වන්නේ දහසක් ගැටලු තිබුණද ඇය සමාජයට කරන්නාවූ මෙහෙය දකින නිසාවෙනි... අපරාධයට ලක්වූ ළමා හා කාන්තා වින්දිතයින් වෙනුවෙන් සාධාරණය ඉෂ්ඨ නොවූ තැන ඇය තම කාලය සහ ශ්රමය කැප කළේ ඒ නොවිසඳුණු ගැටළු වෙනුවෙන් දුක් විඳිනා සමස්ත මව්වරුන් සහ වින්දිත පාර්ශවයන් වෙනුවෙනි.
ඇය සටන් කළේ ඔවුන් ගේ දෙඇස් අග කෙවෙනි කරා ඇදුණු කඳුළු බිංදුව වෙනුවෙනි. පසුගිය වසර කිහිපය පුරා හඬ නැඟූ ඇය ගැන හොඳින්ම දන්නේ මේ මුළු වාතලය පමණක් යැයි පැවසුවහොත් වඩාත් නිවැරදිය.
සාධාරණයක් නොමැති තැන සාධාරණය පතා යම් කෙනෙකු තවදුරටත් සටන් වදින්නේ නම් ඇය යකඩ ගැහැණියක් ලෙස හැඳින්වූවාට කම් නැත.
ජාතික ළමා ආරක්ෂක අධිකාරියේ හිටපු සභාපතිනියක හා ප්රකට නීතීඥවරියක වන මරිනි ද ලිවේරාත් එක අතකින් බලන කල්හි යකඩ ගැහැණියකි.
ඇමෙරිකානු රාජ්ය ලේකම් දෙපාර්තමේන්තුව විසින් වාර්ෂිකව පිරිනමන 2019 වසරේ ජාත්යන්තර දිරිය කාන්තාවට හිමි සම්මාන ලාභී කතුන් 10 දෙනා අතරේ ලිවේරා මහත්මියද සිටින බව මෙරට ඇමෙරිකානු තානාපති කාර්යාලය නිවේදනය කිරීමත් සමඟ යුක්තිය සොයා යන ගමනේදී අගැයුමට පාත්රවීම සම්බන්ධයෙන් ඇය සමාජයට ලබා දෙන්නේ කදිම පාඩමකි.
ඇමෙරිකා ජනපති ආර්යාව වන මෙලානියා ට්රම්ප් මහත්මිය අතින් ඊයේ (08) දින වොෂින්ටන් නුවර පැවති උත්සවයකදී මරිනි ද ලිවේරා මහත්මියට හිමි සම්මානය පිරිනැමූණි. ශ්රී ලංකාවේ විවිධ ජනවාර්ගික ප්රජාවන්ට අයත් ළමුන් සහ කාන්තාවන් වෙනුවෙන් වෙහෙස නොබලා ගත් උත්සාහයන් වෙනුවෙන් කළ මෙහෙය අගයමින් ඇමෙරිකානු රාජ්ය දොපාර්තමේන්තුව විසින් ඇයට මෙම සම්මානය පිරිනමන ලදි.
ශ්රී ලංකාව පුරා අපරාධයට ලක්වූ ළමා හා කාන්තා වින්දිතයින් වෙනුවෙන් මරිනි ලිවේරා මහත්මිය සහයෝගය දක්වමින් සිටින්නේ දශක ගණනාවක පෙර සිටය. මරිනි ද ලිවේරා මහත්මිය ඇතුළු ලෝකය පුරා තෝරාගත් කාන්තාවන් 10 දෙනෙකුට ‘ජාත්යන්තර ධෛර්යසම්පන්න කාන්තාව’ යයි සම්මාන පිරිනැමුණේ මානව හිමිකම් ආරක්ෂා කිරීම , යුක්තිය, සාමය හා ලිංගික සමානාත්මතාවය වෙනුවෙන් ඔවුන් කළ මෙහෙය අගයමිනි.
නීති උපාධිධාරිනියක හා නීතිඥවරියකද වන මරිනි ද ලිවේරා මහත්මිය ජාත්යන්තර මානව හිමිකම් නීතිය, ජාත්යන්තර අපරාධ නීතිය, ව්යවස්ථාදායක නීතිය ආදී විෂයන් සම්බන්ධයෙන් එක්සත් රාජධානිය, ශ්රී ලංකාව සහ සීෂෙල්ස් රාජ්යයන් වෙත සිය වෘත්තීය නිපුණත්වය දායාද කර තිබේ. 2017 වසරේදී ජනාධිපති මෛත්රීපාල සිරිසේන මහතා විසින් ඇය ජාතික ළමා ආරක්ෂක අධිකාරියේ සභාපති ධූරයට පත් කළ අතර පසුව ඇය එම ධූරයෙන් විශ්රාම ගත්තාය.
ලිවේරා මහත්මියට අමතරව මෙම බංග්ලාදේශයේ රාසියා සුල්තානා, බුරුමයේ නව් නාව් , ජිබුටි රාජ්යයේ මව්මිනා හුසේන් දරාර්, ඊජිප්තුවේ මමා මැගී , ජොර්දානයේ කර්නල් ඛලීඩා ඛලාෆ් හනා අල් ට්වාල්, අයර්ලන්තයේ කන්යා සෙහොයුරියක වන ඕර්ලා ටේ්රසි, මොන්ටිනීග්රෝ හි ඔලිවේරා ලාකි, පේරු රාජ්යයේ ෆ්ලෝර් ඩි මාරියා වේගා සහ ටැන්සානියාවේ අන්නා අලෝස් හෙන්ගා යන කතුන්ද මෙම වසරේ ජාත්යන්තර දිරිය කාන්තාවන් දස දෙනා අතරට තේරී පත්ව සිටිති.
ඇමෙරිකානු රාජ්ය දොපාර්තමේන්තු විසින් 2007 වසරේදී ආරම්භ කළ ජාත්යන්තර දිරිය කාන්තාවට හිමි සම්මානය මේවන විට රටවල් 65 ක විවිධ කාන්තාවන් 120 කට පමණ හිමිවී තිබේ.
අභ්යන්තරව අවතැන් වූවන් වෙනුවෙන් ගත් මෙහෙවර වෙනුවෙන් 2010 වසරේදී ශ්රී ලාංකික කාන්තාවක් වන පුත්තලමේ ජන්සිලා මජීඞ් මහත්මිය සහ ශ්රී ලංකාවේ විවිධ ජනවාර්ගික හා ආගමික ප්රජාවන්ට අයත් පවුල්වල අතුරුදන් වූ අය වෙනුවෙන් වෙහෙස නොබලා ගත් උත්සාහයන් වෙනුවෙන් කළ මෙහෙය අගයමින් 2017 වසරේදී සන්ධ්යා එක්නැලිගොඩ මහත්මියට මීට පෙර මෙම සම්මානය හිමිකර ගත්හ.
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
ශ්රී ලංකාව මෙවර ළමා දිනය සමරන්නේ, රට තීරණාත්මක සන්ධිස්ථානයකට එළඹ සිටියදීයි. 9 වැනි විධායක ජනාධිපතිවරයා පත්කර ගත් ජනාධිපතිවරණය සහ පාර් ලිමේන්තුව තෝරා
2024 ජනාධිපතිවරණය සැමගේම අවධානයට ලක්වීමට හේතු ගණනාවක් තිබුණි. රට බංකොලොත් වීමෙන් පසු පැවැත්වූ ප්රථම ජනාධිපතිවරණය වීම ඉන් එක් හේතුවකි. නව ජනාධිපතිවරයක
ලෙබනනයේ ෂියා මුස්ලිම් හිස්බුල්ලා සංවිධානයේ මහ ලේකම්වරයා, එසේත් නැතිනම් නායකයා ෂෙයික් හසන් නසරැල්ලා ඝාතනය කිරීමට ඊශ්රායලය සමත් විය. 64 හැවිරිදි නසරැල
හිටපු අමාත්යවරයකු අභාවප්රාප්ත කුමාර වෙල්ගම මහතාගේ අවසන් කටයුතු අද (30) සවස මතුගම ආදාහනාගාරයේ දී සිදු කෙරේ මේ ලිපිය ඒ නිමිත්තෙනි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
සාධාරණය පතා සටන් වදින යකඩ ගැහැණිය
රසික Tuesday, 12 March 2019 02:25 AM
සන්ද්යා මොනවද අතුරුදන් වූ අයට කළේ ?