ආර්ථික සංවර්ධනයට නව නීති

(හර්ෂණ තුෂාර සිල්වා)

ආර්ථික සංවර්ධනය උදෙසා ඉදිරියේදී නව නීති සහ රෙගුලාසි කිහිපයක් ඉදිරිපත් කරන බව ද අග්‍රාමාත්‍ය රනිල් වික්‍රමසිංහ මහතා අද (20) ප්‍රකාශ කළේය.

ඒ අනුව නව මූල්‍ය නීතියක්, ආනයන අපනයන පනතක්, ව්‍යාපාර පහසු කිරීමේ පනතක්, නව ණය කළමනාකරණ පනතක් ආදී නව පනත් සහ රෙගුලාසි කිහිපයක් ම ගෙන එන බව අග්‍රාමාත්‍යවරයා පැවැසීය.

කොළඹ සිනමන් ග්‍රෑන්ඩ් හෝටලයේ පැවැති සුරැකුම්පත් කොමිෂන් සභාවල ජාත්‍යන්තර සංවිධානයේ වර්ධන සහ නැගී එන වෙළෙඳපොළ කමිටුවල සමුළුවේ ආරම්භක සැසියේ ප්‍රධාන දේශනය කරමින් අග්‍රාමාත්‍ය රනිල් වික්‍රමසිංහ මහතා එම කරුණු පැවැසීය.

එහිදි අදහස් දැක් වූ අග්‍රාමාත්‍ය රනිල් වික්‍රමසිංහ මහතා මෙසේ ද කීය.

“අප නව විනිමය පාලන පනතක් හඳුන්වා දුන්නා. මහ බැංකුව කෙරෙහි අවධානය කරමින් අපි නව මූල්‍ය පනතක් හඳුන්වා දෙන්න සූදානමින් සිටිනවා. මහ බැංකුවේ අවධානය අත්‍යාවශය කටයුතු සම්බන්ධයෙන් අවධානය යොමු කරමින් එම පනත ඉදිරිපත් කිරීමට බලාපොරොත්තු වෙනවා. ඒ වගේම අපි ණය කළමනාකරණ පනතක් හඳුන්වා දීමට සූදානම්. ඊට අමතරව මුදල් අමාත්‍යාංශය යටතේ ජාතික ණය කාර්යාංශයක් ස්ථාපිත කරනවා.

ඒ වගේම ව්‍යාපාර කිරීමේ පහසුව ස්ථාපිත කිරීම සඳහා නව පනතක් ගෙන ඒම කෙරෙහි අවධානය යොමු කර තිබෙනවා. තායිලන්තයත් එවැනි නීතියක් ගෙන ආවා. ආනයන අපනයන නීතියක් ගෙන ඒමටත් අපි සූදානමින් සිටිනවා. මේ වසරේදීත් ඉදිරි වසර දෙකේදීත් ආර්ථිකය සංවර්ධනය ආර්ථික වර්ධනය ශක්තිමත් කිරීම සඳහා අපි නෛතික රාමුව සකස් කරනවා” යැයි අග්‍රාමාත්‍ය රනිල් වික්‍රමසිංහ මහතා තවදුරටත් පැවැසීය.

අදහස් (9)

ආර්ථික සංවර්ධනයට නව නීති

Raveendra Wednesday, 20 September 2017 12:48 PM

සමහර තක්කඩි හොරුන් නිර්දේශ කර තියාගෙන කියන බොරු සමග කුමන නීති, පනත් ගෙනාවත් අප මව්බිමට නම් කිසිඳු සෙතක් නොවන බව ක්‍රියාවෙන්ම දැනටමත් හොඳින් දර්ශනය වේ.

: 17 286

Lapaya Wednesday, 20 September 2017 03:05 PM

මහබැංකුවටත් අලුත් නීතියක් දාන්න. ඉදිරියේදී මුකුත් නොවෙන්න... මොකද දැන් වැඩේ ශේප් නිසා....

: 90 183

lalith Thursday, 21 September 2017 12:08 AM

මේ සංවර්ධනෙත් වැනෙනවා විතරයි කවදාවත් බිමට කඩාගෙන වැටෙන්නේ නැහැ.

: 0 122

KUMARA (GULF) Thursday, 21 September 2017 04:19 AM

ඉතුරු වෙලා තියෙන ආර්තිකෙත් විනාස කරන්නේ නැතුව ඉන්න.

: 127 180

Rohana Thursday, 21 September 2017 05:36 AM

අගමැතිතුමනි, නව නීති නෙවි ඔබ ඇතුළු මැති ඇමතිවරුන්ට කියන්න රජයේ දේපොළ හොරකම් කරන්න එපා. රජයේ වාහන අවභාවිත කරන්න එපා. ටෙන්ඩර් වලින් ගහන්න එපා. තමන්ට ලැබෙන දීමනාව පමණක් ගන්න. පිළිගැනීම්, විවුර්ත කිරීම සදහා රජයේ මුදල් වියදම් කරන්න එපා. නියම විදියට අදායම් බදු ගෙවා අදර්සමත් වෙන්න. වසර දෙකකින් ලංකාව සුරපුරයක් !

: 237 259

RaveendraThursday, 21 September 2017 03:59 PM

රෝහණ මයා වෙත, ඔබගේ වැදගත් අදහස් ගොන්නට අප ගරු කරන්නෙමු. මෙම අදහස් කියවීමේදී අප කුඩාකල පංතිබාර ගුරුතුමිය අපට කියාදුන් ඉතා වටිනා අදහස් තවමත් අපගේ සිත්වල හොඳින් තැන්පත්ව ඇත. එය ඔබගේ දැනගැනීමට මෙසේ සඳහන් කරන්නෙමු. පුතේ, දුවේ මනසින් උසස්වූ තැනැත්තා මනුස්සයෙක් වන අතර ඔහුට හෝ ඇයට ලිවීමේ, කියවීමේ, තේරුම්ගැනීමේ හැකියාවන් හොඳින් ඇති නමුත් මනුස්ස වෙස් ගෙන සිටින තිරිසනුන් හට ලිවීමේ, කියවීමේ සහ තේරුම් ගැනීමේ හැකියාවන් කිසිසේත්ම නොමැති බව...

: 3 62

maheeFriday, 22 September 2017 08:47 PM

රෝහණ, අපි සියලු දෙනාගේම ප්‍රාර්ථනය ඕක තමයි. හැබැයි ඒක වෙන්නේ නැහැ. ඇයි? ලෝකයේ 90% ක් දේශපාලකයෝ රජයේ දේපොළ හොරකම් කරන්න හිතන, ටෙන්ඩර්වලින් ගහන්න හිතන, රජයේ වාහන අවභාවිත කරන්න හිතන, විවෘත්ත කිරීම්වලට මහජන මුදල් නාස්ති කරන්න හිතන කට්ටිය තමයි. නමුත් බොහෝ (දියුණු) රටවල දේශපාලකයෝ එහෙම කරන්නේ නෑ. ඇයි? ඔවුන් සියලු කෙලෙස් දුරලා තණ්හාව නැති කළ අය නිසාද? නෑ, ඔවුනුත් කෙලෙස් භරිත සාමාන්‍ය මිනිස්සු. නමුත් බයයි. කාටද බය? නීතියට සහ නීතියේ ආධිපත්‍යයට බයයි. නීතිය විසින් ස්ථාපිත කර තිබෙන සම්ප්‍රදායන්ට බයයි. මහජනයා ගොනාට අන්දන්න බැරි නිසා, කැපුවත් ලේ අහවල් පාටයි කියන මෝඩ තකතිරු පිරිස ඉතාම අඩු නිසා, මහා ජනතාවට බයයි. ජනමතයට බයයි. අපේ රටෙත් ඔන්න ඔය ටික කෙරුණු දාට අපේ ප්‍රාර්ථනය හරි යයි, රෝහණ.

: 0 39

athula Friday, 22 September 2017 03:42 AM

ලෝකෙම ලොකුම බොරුව තියෙන්නේ අපේ ලංකාවේ දේශපාලුවන්ගේ.

: 0 51

prakaash Saturday, 23 September 2017 09:05 AM

මේ කියන කිසිදෙයක් ඇත්ත නොවේ. රටේ ජනතාව රවටා විදේශිකයින්ට අවශ්‍ය ලෙස රට විනාශ කරන එක තමයි කරන්නේ.

: 0 48