ලංකා වැවිලිකරුවන්ගේ සංගමයේ වාර්ෂික මහා සභා රැස්වීම 19 වැනිදා

මුලසුන දෙසුම මහබැංකු අධිපති ආචාර්ය නන්දලාල් වීරසිංහගෙන්

ශ්‍රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා, ලංකා වැවිලිකරුවන්ගේ සංගමයේ 172 වැනි වාර්ෂික මහා සභා රැස්වීමේ ප්‍රධාන ආරාධිතයා ලෙස සහභාගි වීමට නියමිතය.

වාර්ෂික මහා සභා රැස්වීම සැප්තැම්බර් 19 වැනි සෙනසුරාදා පැවැත්වේ. ප්‍රාදේශීය වැවිලි සමාගම් ක්ෂේත්‍රයේ ප්‍රමුඛයන් සහ අනෙකුත් ප්‍රධාන පාර්ශවකරුවන් ඊට එක්වීමට නියමිතය. වැවිලි ක්ෂේත්‍රයේ වත්මන් තත්වය සමාලෝචනය කිරීම සහ ඉදිරි වර්ධනය සඳහා අවශ්‍ය ප්‍රමුඛතා හඳුනා ගැනීම මෙවර සමුළුවේ ප්‍රධාන අරමුණකි.

ශ්‍රී ලංකාවේ වැවිලි කර්මාන්තය ආයෝජන පුළුල් කිරීම, ඵලදායිතාව ඉහළ නැංවීම සහ දිගුකාලීන ප්‍රතිපත්තිමය ස්ථාවරත්වයක් ඇති කර ගැනීම පිළිබඳ අවධානය යොමු කරමින් සිටින අවස්ථාවක ආචාර්ය වීරසිංහ මහතාගේ දේශනය පැවැත්වීම විශේෂ වැදගත්කමක් ගනී.

තේ වගාව, ශ්‍රී ලංකාවේ කෘෂිකාර්මික අපනයනවල ප්‍රධාන පදනමක් ලෙස තවදුරටත් පවතී. ඒ සමඟම ප්‍රාදේශීය වැවිලි සමාගම් ඉහළ වටිනාකමක් ඇති බෝග වෙත සිය වගා පදනම විවිධාංගීකරණය කරමින් සිටී.

ක්ෂේත්‍රයේ දිගුකාලීන ඵලදායිතාව ශක්තිමත් කිරීම සඳහා නැවත වගා කිරීම සඳහා ද ආයෝජන කෙරේ. සැකසුම් ධාරිතාව වැඩි කිරීම සහ නව තාක්ෂණය හඳුන්වාදීම එහි කොටසකි.

ගෝලීය වෙළඳපොළේ වෙනස් වන අවශ්‍යතා සැලකිල්ලට ගනිමින් පාරිසරික සහතිකරණය සඳහා ද වැඩි අවධානයක් යොමු වී තිබේ. සූර්ය බලශක්තිය ඇතුළු පුනර්ජනනීය බලශක්ති ව්‍යාපෘති සඳහා ආයෝජනය කිරීම ද මේ වනවිට වැවිලි සමාගම්වල ප්‍රධාන ප්‍රවණතාවක් බවට පත්ව ඇත.

ලංකා වැවිලිකරුවන්ගේ සංගමයේ වාර්ෂික මහා සභා රැස්වීම 19 වැනිදා

අදහස් (0)

ලංකා වැවිලිකරුවන්ගේ සංගමයේ වාර්ෂික මහා සභා රැස්වීම 19 වැනිදා

ඔබේ අදහස් එවන්න

ව්‍යාපාරික විත්ති

Our Group Site