NDB බැංකුව අන්තර්ජාතික වශයෙන් පිළිගත් ISO 20000:2018 සහතික තුනක් හිමිකර ගත් ශ‍්‍රී ලංකාවේ ප‍්‍රථම වාණිජ බැංකුව බවට පත්වෙමින් සුවිශේෂී සන්ධිස්ථානයක් සනිටුහන් කොට ඇතැයි එම බැංකුව සදහන් කරයි. තොරතුරු ආරක්ෂාව සඳහා ISO 27001:2022, ව්‍යාපාර අඛණ්ඩතා කළමනාකරණය සඳහා ISO 22301:2019, සහ වඩාත් මෑතක දී තොරතුරු තාක්ෂණ සේවා කළමනාකරණය සඳහා ISO 20000:2018 ලෙස මෙසේ ISO සහතික ත‍්‍රිත්වය හිමිකරගෙන ඇත.

ISO 20000:2018 සහතිකය හිමිකර ගැනීම මඟින්, ගනුදෙනුකරුවන්ගේ සහ පාර්ශවකරුවන්ගේ වැඩි දියුණු වන අවශ්‍යතා සපුරාලන අතර මෙහෙයුම් කටයුතුවල ඇති විශිෂ්ටත්වය සහ සුරක්ෂිත, අභියෝගාත්මක අවස්ථා වලට ඔරොත්තු දීමේ හැකියාව සහ උසස් තත්වයේ තොරතුරු තාක්ෂණ සේවා සැපයීම සඳහා බැංකුවේ ඇති කැපවීම අවධාරණය කරයි.

NDB බැංකුවේ ගමන් මඟ තුළ ශ‍්‍රී ලාංකේය බැංකු ක්ෂේත‍්‍රයේ ප‍්‍රථම ස්ථාන කිහිපයක් සනිටුහන් කර තිබේ. බැංකුව සිය තොරතුරු ආරක්ෂණ කළමනාකරණය සඳහා 2022 දී යාවත්කාලීන කළ නවතම ISO 27001 සහතිකය හිමිකරගත් බැංකුකරණ ක්ෂේත‍්‍රයේ ප‍්‍රථමයා වූ අතර ව්‍යාපාර අඛණ්ඩතා කළමනාකරණය සඳහා ISO 22301:2019 සහතිකය හිමිකරගත් ප‍්‍රථමයාද වේ. නියාමන අවශ්‍යතාවලට අමතරව ලබාගෙන ඇති මෙය සහතික අනුකූලතාව සහ මෙහෙයුම් කටයුතු වල ශක්තිමත් බව වැඩි දියුණු කිරීම සඳහා ශ‍්‍රී ලංකා මහ බැංකුව විසින් නිකුත් කර ඇති (CBSL) නිර්දේශවලට අනුකූලව, නවෝත්පාදනය, ආරක්ෂාව සහ ඔරොත්තු දීමේ හැකියාව සඳහා ක්‍රියාත්මක වීමේ NDB බැංකුවේ කැපවීම පෙන්නුම් කරයි.

මෙම විශිෂ්ට ජයග‍්‍රහණය පිළිබඳව අදහස් දක්වමින් NDB බැංකුවේ ප‍්‍රධාන තොරතුරු නිලධාරී සහ තොරතුරු තාක්ෂණ අංශයේ උප සභාපති ඉන්දික ගුණවර්ධන මහතා මෙසේ ප‍්‍රකාශ කළේය. ‘‘අප හිමිකරගත් මෙම ISO සහතිකය ජාත්‍යන්තර ප‍්‍රමිතීන්ට අනුකූල වීම සඳහා පමණක් නොව, තාක්ෂණික නවෝත්පාදන, මෙහෙයුම් කටයුතුවලදී ඔරොත්තු දීමේ හැකියාව සහ පාරිභෝගික විශ්වාසය පවත්වා ගැනීම සඳහා අපගේ නොපසුබට කැපවීම ඉස්මතු කරනවා. සේවාවන් වැඩි දියුණු කිරීම සඳහා නවතම තාක්ෂණය භාවිත කිරීමට සහ ක්ෂේත‍්‍රය තුළ නව මායිම් සලකුණු කිරීම වෙනුවෙන් NDB බැංකුව නිබඳවම කැපවී සිටිනවා.

මෙම සුවිශේෂී සංධිස්ථානය බැංකුව විසින් සනිටුහන් කරන්නේ ජයග‍්‍රහණ වලින් පිරුණු වසරක් ලෙසයි. 2024 වර්ෂය තුළ ISACA විසින් සංවිධානය කරන ලද 2024 කීර්තිමත් ඩිජිටල් සම්මාන උළෙලේදී දේශීය බැංකු අංශය යටතේ ‘Technology Resilient Company of the Year 2024’ ලෙස NDB බැංකුව පිළිගැනීමට ලක්විය. උසස් තාක්ෂණික යටිතල පහසුකම් සහ නවෝත්පාදන වලට අමතරව, NDB බැංකුව NBQSA සම්මාන 2024 හි දී ඩිජිටල් නවෝත්පාදන සහ සේවා විශිෂ්ටත්වය තුළ එහි නායකත්වය හිමිකර ගනිමින් සම්මානයට පාත‍්‍ර විය.