2025 ජනවාරි මස 10 වන සිකුරාදා
ඩෙන්ටල් වන්, සිය සේවා ජාලය පුළුල් කරමින් අතිනවීන තාක්ෂණ පහසුකම්වලින් යුත් නවතම දන්ත ප්‍රතිකාර මධ්‍යස්ථානයක් ගල්කිස්සේ දී පසුගිය දා විවෘත කරන ලදී.
ශ්‍රී ලංකාවේ නවතම අක්ෂි සහ උගුර, කන, නාසය පිළිබඳ විශේෂඥ රෝහලක් වූ මවුන්ට් ලෝටස් රෝහල් පරිශ්‍රය තුළ අංක 106/01, ගාලුපාර, ගල්කිස්ස දරන ලිපිනයෙහි පිහිටා ඇති මෙම නව ඩෙන්ටල් වන් ශාඛාව උත්සවාකාරයෙන් විවෘත කරන ලද්දේ ප්‍රධාන ආරාධිත අමුත්තා වූ ශ්‍රී ලංකා දන්ත වෛද්‍ය සංගමයේ සභාපති වෛද්‍ය වජිර ජයසිංහ, ගෞරවනීය ආරාධිත අමුත්තා වූ ආසියා පැසිෆික් දන්ත වෛද්‍ය සම්මේලනයේ හිටපු සභාපති වෛද්‍ය සුරේෂ් ෂන්මුගනාදන් සහ ඩෙන්ටල් වන් ආයතනයේ කළමනාකාර අධ්‍යක්ෂ වෛද්‍ය අශෝක අමුණුගම විසිනි.
නවීනතම පහසුකම් සහිත උසස් තත්ත්වයේ වේදනා රහිත දන්ත ප්‍රතිකාර සේවා ලබාදෙන විශේෂිත දන්ත ප්‍රතිකාර මධ්‍යස්ථානයක් ශ්‍රී ලාංකිකයන්ට ලබාදීමේ අරමුණින් ආරම්භ කරන ලද ඩෙන්ටල් වන් ආයතනය මගින් ජාත්‍යන්තර ප්‍රමිතීන්ට අනුකූලව වඩාත් පුළුල් මුඛ සෞඛ්‍ය සේවා ලබාගැනීමේ හැකියාව පවතී.
ඩෙන්ටල් වන් හි කළමනාකාර අධ්‍යක්ෂ වෛද්‍ය අශෝක අමුණුගම මෙසේ පැවසීය. “ප්‍රවාහන පහසුකම් තරමක් අසීරු මෙවන් අවධියක, මෙම නව ශාඛාව විවෘත කිරීමත් සමඟින් අපගේ සේවා දායකයන් වෙත තවත් ළං වීමට හැකිවීම සම්බන්ධයෙන් අපි සතුටු වෙනවා. අද සිට, ගල්කිස්ස සහ ඒ අවට ප්‍රදේශවල වෙසෙන ජනතාවට උසස් තත්ත්වයේ වේදනා රහිත දන්ත ප්‍රතිකාර සේවා රැසක් ලබා ගැනීමේ හැකියාව තිබෙනවා. මීට අමතරව, මවුන්ට් ලෝටස් රෝහල් පරිශ්‍රය තුළ මෙම ඩෙන්ටල් වන් ශාඛාව පිහිටා ඇති බැවින්, අක්ෂි සහ උගුර, කන, නාසය පිළිබඳ අවශ්‍යතා සඳහා රෝහලට පැමිණෙන රෝගීන්ටද දන්ත වෛද්‍ය සේවා සඳහා අප වෙත පැමිණීමට අවස්ථාව තිබෙනවා”.
ඩෙන්ටල් වන් සියලුම ශාඛා මඟින් රෝගීන්ට පුළුල් පරාසයක මුඛ සෞඛ්‍ය සේවා සපයන අතර සාමාන්‍ය දන්ත වෛද්‍ය සේවා යටතේ රෝගීන්හට මුඛ පරීක්ෂණ, විදුරුමස් රැකවරණය, පිරවුම්, දන්ත මූල වැනි ප්‍රාථමික දන්ත වෛද්‍ය ප්‍රතිකාර සහ තවත් බොහෝ ප්‍රතිකාර ලබා ගත හැක.
595
ඩෙන්ටල් වන් නවතම ශාඛාව ගල්කිස්සේ