2025 ජනවාරි මස 11 වන සෙනසුරාදා
( ජුඩ් සමන්ත)
සාර්ථක ලෙස තමන් පැණි දොඩම් වගා කර ඵලදාව ලබා ගත්තත් ඒ සදහා යහපත් මිළක් නොමැති බව නවගත්තේගම ප්‍රදේශයේ ගොවීන් සදහන් කරයි.
නවගත්තේගම - මහඅන්දර වැව ප්‍රදේශයේ අක්කර 500 කට වැඩි ප්‍රමාණයක පැණි දොඩම් වගා කර ඇති අතර අක්කරයකට පැණි දොඩම් පැල 500 ක් පමණ සිටුවා වසර දෙකකින් අනතුරුව වසර 10 ක කාලයක් දක්වා අස්වැන්න ලබා ගත හැකි බවත් ගොවීන් සදහන් කරයි.
තමන් විසින් වගා කරන පැණි දොඩම් සදහා කිසිදු රසායණික පොහොරක් හෝ කෘමි නාශක යෙදීමක් සිදු නොකරන බවද ඔවුන් පවසයි.
එමෙන්ම නියං සමයේ වුවත් හොද පළදාවක් පැණි දොඩම් වගාවෙන් ලබා ගත හැකි බවද ඔවුන් සදහන් කරති. එමෙන්ම වන අලින්ගෙන් හෝ වෙනත් සතුන්ගෙන් පැණි දොඩම් වගාවන්ට බලපෑමක් නොමැති නිසා ගොවීන් බොහෝමයක් පැණි දොඩම් වගාවට යොමු වී ඇති බවද නවගත්තේගම ගොවීන් පෙන්වා දෙයි. නමුත් තමන් විසින් වගා කර වෙළද පලට ගෙන යන පැණි දොඩම් වලට මිළක් නොමැති වීම ගැටළුවක් බවද ඔවුන් සදහන් කරයි.
මේ වන විට විදේශ රටවල් වලින් ගෙන්වන විවිධ දොඩම් වර්ග වෙළදපලේ අලෙවිය සදහා තිබීම තම අස්වැන්න අලෙවි කිරීමට නොහැකි වීමට හේතුව වී ඇති බවද ගොවීන් පෙන්වා දෙයි. පවතින තත්ත්වයට විසඳුමක් ලෙස රජය හෝ පුද්ගලික අංශ මැදිහත් වී තමන් විසින් වගාකරන පැණි දොඩම් මිළදී ගැනීමට කටයුතු කරන්නේ නම් වගා කටයුතු තව තවත් වැඩි කළ හැකි බවද ගොවීහු පවසති.
නවගත්තේගම පැණි දොඩම් වගාවට නරක කාලයක්
rohan Tuesday, 20 March 2018 09:34 AM
දේශීය නිෂ්පාදනයට ප්‍රමුකත්වය දෙන්න ඕනේ ඒ උනත් අපේ රට්ටේ මිනිස්සු පිටරට දේවල්වලට පුදුම ලැදි කමක් තියෙන්නේ මේ ගොවියට අත දීම සහ මේ වගාවන් නගාසිටවිම රජයක වගකීමක්.
nuwan Tuesday, 20 March 2018 09:53 AM
සිංගප්පුරුව ගැන කියා කියා ආර්ථිකය ශක්තිමත් කරනවා, ගොවියාගේ අටු කොටු පුරවනවා කියන අය කෝ?
Perakum Tuesday, 20 March 2018 10:51 AM
නිමක් නැතුව ඉන්න අපේ කෘෂිකර්ම බලධාරීන්ට ඇයි මේවා නොපෙනෙන්නේ? පිට රටින් ගේන කොට කාගෙ කාගෙත් සාක්කු පිරෙන නිසාද?
ධනුෂ්ක Tuesday, 20 March 2018 04:41 PM
මමත් මේ ගමට අල්පු ගමේ. මේ කතාව අැත්ත. මමත් අක්කර දෙකක දොඩම් හදාලා තියනවා. හැබැයි ගෙඩියක් රුපියල් පහකටවත් දෙන්න බෑ. එ් ගානට දුන්නත් කොළඹ එ් ගෙඩියක ගාන රුපියල් විස්සක්. මට අවුරුදු 27යි මම ගත්ත උපාධියත් පැත්තකට දාලා. මහා පරිමාන වශයෙන් වගා පැත්තට යොමු වෙන්න හදනකොට. කෝ එ්කට හයියක්. අපේ ලංකාවේ මිනිස්සු මේ රටේ ධනය පිට රැටියන්ට දීලා වස විස ගෙන්නලා කන බොනකොට අපිට නැගිටින්නත් බෑ. රටට නැගිටින්ත් බෑ. අැත්ත වශයෙන්ම මේ දොඩම් වලට වස විස මොකවත් දාන්නේ නෑ. මොකද පලිබෝධක ඉතාම අවමයි.