භානුක අමරසිංහ 

ශ්‍රී ලංකා ටෙලිකොම් සමාගමේ නව අධ්‍යක්ෂ මණ්ඩල සාමාජිකයකු ලෙස දිලිප් සිල්වා මහතා පත් කරගත් බව එම සමාගම පවසයි. ඒ අනුව 2025 ජනවාරි 31 වැනිදා සිට ක්‍රියාත්මක වන පරිදි ඒ මහතා ශ්‍රී ලංකා ටෙලිකොම් සමාගමේ ස්වාධීන නොවන විධායක නොවන අධ්‍යක්ෂවරයකු ලෙස පත් කරගෙන තිබේ.

දිලිප් සිල්වා මහතා වර්තමානයේදී මහා භාණ්ඩාගාරයේ නියෝජ්‍ය ලේකම්වරයා ලෙස කටයුතු කරයි. ඊට පෙර ඒ මහතා මහා භාණ්ඩාගාර දෙපාර්තමේන්තු මෙහෙයුම්හි අධ්‍යක්ෂ ජනරාල්වරයා ලෙස කටයුතු කළේය. 
ශ්‍රී ලංකා ගණකාධිකරණ සේවයේ විශේෂ ශ්‍රේණියේ ජ්‍යෙෂ්ඨ නිලධාරියකු වන දිල්ප් සිල්වා මහතා සතුව ගණකාධිකරණය සම්බන්ධයෙන් අත්දැකීම් රැසක් පවතින බව සමාගම පවසයි.

දිලිප් සිල්වා මහතා මේ වනවිට රාජ්‍ය මණ්ඩල සහ ආයතන රැසකම මහා භාණ්ඩාගාර නියෝජිතයා ලෙස කටයුතු කරයි. සංවර්ධන ලොතරැයි මණ්ඩලය, ජාතික ලොතරැයි මණ්ඩලය, ජාතික විද්‍යා පදනම, ශ්‍රී ලංකා විවෘත විශ්වවිද්‍යාලය - විගණන සහ කළමනාකරණ කමිටුව ඒ අතර වෙයි.

වර්තමානයේදී ඒ මහතා මහා භාණ්ඩාගාරය නියෝජනය කරමින් රාජ්‍ය උකස් සහ ආයෝජන බැංකුවේ අධ්‍යක්ෂ මණ්ඩල සාමාජිකයකු ලෙසද කටයුතු කරයි.