මුල් මාස අටේදී ප්‍රේෂණ ආදායමේ සියයට 19.8 ක වර්ධනයක්

ජනවාරි අගෝස්තු ප්‍රේෂණ ආදායම ඩො.මි. 6,131ක්
අගෝස්තු මාසයේදී හිමි වූ ප්‍රේෂණ ආදායම ඩොලර් මිලියන 748.6ක්

විදෙස්ගත ශ්‍රමිකයන් හරහා මේ වසරේ ජනවාරි සිට අගෝස්තු දක්වා මුල් මාස අට තුළ ගලා ආ සමස්ත ප්‍රේෂණ මුදලේ වටිනාකම එක්සත් ජනපද ඩොලර් මිලියන 6,131ක් ලෙස සටහන්ව තිබේ. ඒ අනුව මෙය පසුගිය වසරේ එම කාලසීමාවේදී හිමි වූ ඩොලර් මිලියන 5,116 ක ප්‍රේෂණ ආදායම හා සැසඳීමේදී ඩොලර් මිලියන 1,015 ක එනම් සියයට 19.8 ක වර්ධනයකි.

මහ බැංකුව නිකුත් කළ ආසන්නතම සතිපතා ආර්ථික විවරණය තුළ මෙම කරුණු ඇතුළත්ව තිබේ. ඒ අනුව මේ වසරේ අගෝස්තු මාසයේදී මෙරට වෙත ගලා ආ ප්‍රේෂණ මුදලේ වටිනාකම එක්සත් ජනපද ඩොලර් මිලියන 748.6ක් ලෙස සටහන්ව ඇත. මෙය පසුගිය වසරේ අගෝස්තුවේදී හිමි වූ ඩොලර් මිලියන 680.8 හා සැසඳීමේදී ඩොලර් මිලියන 67.8ක එනම් සියයට 9.9 ක වර්ධනයකි.

වසර තුළ මෙතෙක් ලැබුණු මෙම ප්‍රේෂණ මුදල් අතර, පසුගිය වසරේ නොවැම්බර් මාසයේදී ඇති වූ දිට්වා සුළි කුණාටුව සඳහා ලැබෙන විදෙස් ආධාරද ඇතුළත්ව තිබෙන බව මහ බැංකුව වැඩිදුරටත් පවසයි.

මුල් මාස අටේදී ප්‍රේෂණ ආදායමේ සියයට 19.8 ක වර්ධනයක්

අදහස් (0)

මුල් මාස අටේදී ප්‍රේෂණ ආදායමේ සියයට 19.8 ක වර්ධනයක්

ඔබේ අදහස් එවන්න

ව්‍යාපාරික විත්ති

Our Group Site