2025 ජනවාරි මස 12 වන ඉරිදා
(අංජුල මහික වීරරත්න)
ඇමරිකා එක්සත් ජනපද ආර්ථිකය ශක්තිමත් වීමත් සමඟම දිනෙන් දින ඉහළ යන ඩොලරයේ අගය වැඩිවීමට මුහුණ දෙමින් ශ්‍රී ලංකාවේ අපනයන ආර්ථිකය කඩිනමින් ඉහළ දැමීමේ වැඩපිළිවෙලක් සකස් කරමින් සිටින බව රජයේ ජේෂ්ඨ ප්‍රකාශකයෙක් පැවැසීය.
අග්‍රාමාත්‍ය රනිල් වික්‍රමසිංහ මහතාගේ උපදෙස් මත ශ්‍රී ලංකාවේ සිටින ඉහළම මට්ටමේ ආර්ථික විශේෂඥයින් මේ කාර්යයයේ නිරතව සිටිම විශේෂත්වයකි.
ඩොලරයට සාපේක්ෂව රුපියල අවප්‍රමාණය වීම පාලනය කිරීමට ඉන්දියාව ගත් ක්‍රමවේදය අසාර්ථකවීමත් සමඟ නව ක්‍රමවේදයකට රුපියලේ අගය පාලනය කිරීමට කටයුතු කළ යුතු බව ඉහත ආර්ථික විශේෂඥ කණ්ඩායමේ මතය වී පවතියි.
ඩොලරයේ අගය උපරිම වශයෙන් ඉහළ ගොස් නතර වන තීරණාත්මක අගයේදී රුපියල ආරක්ෂා කර ගැනීම සඳහා ගතයුතු පියවර රජයට නිර්දේශ කිරීම ආර්ථික විශේෂඥ කණ්ඩායමේ ප්‍රධාන කර්යය වී තිබේ.
ඉහළ අගයක් සහිත ඩොලර් හැකි තරම් රට තුළට ගෙන ඒම සඳහා කෙටිකාලීන, මධ්‍ය කාලීන හා දීර්ඝ කාලීන අපනයන වැඩි කර ගැනීමේ ක්‍රමවේදයද ඉහත ආර්ථික විශේෂඥ කණ්ඩායම රජයට යෝජනා කිරීමට නියමිතය.
ලංකාවේ අපනයන ආර්ථිකය ඉහළ දැමීමේ වැඩපිළිවෙළක්
sena Thursday, 27 September 2018 02:24 PM
අපනයන ආර්ථිකයකට යන්න හුගාක් කල් යනවා. අපේ ශ්‍රමිකයින්ට තියෙන විදේශ රැකියා අවස්ථා වැඩි කරගන්න පුළුවන් වැඩපිළිවෙලක් බැලුවොත් යන්තම් හරි ප්‍රශ්නෙට විසදුමක් ලැබෙයි.
Nihal Monday, 01 October 2018 06:55 PM
වැදගත් මාතෘකාවක්. මුදල් වලින් පොහොසත් ඒ වුණාට කාලයෙන් දුප්පත් බටහිර රටවල පාරිභෝගිකයන්ට අපනයනය කරන්න පුළුවන් දේවල් වලටත් අවධානය යොමුකිරීම හොදය කියල මට හිතෙනවා.