ශ්‍රී ලංකාවේ කිරි කර්මාන්තයේ ප්‍රමුඛතම සමාගමක් වන ලංකා මිල්ක් ෆුඩ්ස් සමාගමේ ලක්ස්ප්‍රේ සන්නාමයට පසුගියදා වසර 60 ක් සම්පූර්ණ විය. ලංකා මිල්ක් ෆුඩ්ස් යනු උසස්  තත්වය හා පෝෂණය සම්බන්ධයෙන් මෙරට කිරි කර්මාන්තයට ආදර්ශ රැසක් සැපයූ සමාගමකි. එහි ලක්ස්ප්‍රේ සන්නාමය මෙරට පරම්පරා ගණනාවකට සැබෑම කිරි රසය පෝෂණය හඳුන්වා දුන් සන්නාමයක් විය. එදා පටන් අද දක්වාම ලක්ස්ප්‍රේ එම උසස් තත්වය, රසය හා පෝෂණය එලෙසින්ම රඳවා ගැනීමට සමත් වී තිබේ. 

ලක්ස්ප්‍රේ යනු හුදෙක් සන්නාමයක් පමණක් නොව, දීර්ඝ කාලයක් පුරා ජනතාවට සැබෑම පෝෂණය සපයමින් ඔවුන්ගේ යහපැවැත්ම තහවුරු කිරීමට කැප වුණු මෙහෙවරක සංකේතයකි. සියයට 100 ක්ම නැවුම් එළකිරිවලින් නිෂ්පාදනය කරනු ලබන ලක්ස්ප්‍රේ කිරිපිටිවල රසය, නැවුම් බව හා පෝෂණය ආරක්ෂා කිරීම සඳහා එයට කිසිදු ආකාරයක රසකාරක හෝ කල්තබා ගැනීමේ ද්‍රව්‍ය එක්කරනු නොලැබේ. එය ඔවුන්ට නිරෝගී ජීවිතයකට අත්‍යවශ්‍ය වන ප්‍රෝටීන්, විටමින් සහ ඛනිජ ලවණ සපයන විශ්වාසනීය මූලාශ්‍රයකි. 

සෑම විටම උසස් ප්‍රමිතිය ආරක්ෂා කරගැනීම නිසා ලක්ස්ප්‍රේ මේ වන විට සම්මාන, ඇගයුම් හා සහතිකකරණ රැසක් හිමිකර ගැනීමට සමත් වී තිබේ. ලක්ස්ප්‍රේ යනු  ISO  9001:2000 සහතිකය හිමි කරගත් මුල්ම ශ්‍රී ලාංකික සන්නාම අතරින් එකකි. ජාත්‍යන්තර ප්‍රමිතීන්ට අනුකූලව කටයුතු කිරීම හේතුවෙන් ලක්ස්ප්‍රේ වෙත එම සහතිකකරණය හිමි විය. එමෙන්ම ශ්‍රී ලංකා අලෙවිකරණ ආයතනයේ සම්මාන උළෙලකදී ලංකා මිල්ක් ෆුඩ්ස් සමාගම වෙත රන් සම්මානයක් හිමි විය. ඒ තම සෞඛ්‍යය පිළිබඳව වැඩි අවධානයක් යොමුකරන පාරිභෝගිකයන් වෙනුවෙන් උප සන්නාමයක් යටතේ හඳුන්වා දෙන ලද නිෂ්පාදනයක් වෙනුවෙනි. මේ ආකාරයට සුපිරි සන්නාමයක තත්වය හිමිකර ගනිමින් ජාත්‍යන්තර කීර්තියක් දිනාගැනීමටද ලක්ස්ප්‍රේ සමත් වී තිබේ.