2025 ජනවාරි මස 11 වන සෙනසුරාදා
(තිළිණි ද සිල්වා)
ශ්‍රී ලංකාව හා ඉන්දියාව අතර සෞඛ්‍ය මාර්ගෝපදේශ වලට අනුව යලි ගුවන් ගමන් ඇරඹීමට සැලැසුම් කර ඇතැයි සංචාරක අමාත්‍ය ප්‍රසන්න රණතුංග මහතා අද (10) පැවසීය.
මේ සම්බන්ධයෙන් මෙරට ඉන්දියානු මහ කොමසාරිස් කාර්යාලය මගින් විදේශ කටයුතු අමාත්‍යංශයට හා සංචාරක අමාත්‍යංශයට අදාල යෝජනාව ඉදිරිපත් කර ඇති අතර ඒ අනුව දෙරට අතර ගුවන් ගමන් සංචාරක බුබුළක් ලෙස ක්‍රියාත්මක කිරීමට අවධානය යොමුව ඇතැයි ද සංචාරක අමාත්‍යවරයා වැඩිදුරටත් කියා සිටියේය.
මෙරට සෞඛ්‍ය අංශ හා ඉන්දියානු ස්වදේශ කටයුතු අමාත්‍යංශය ඉදිරිපත් කර ඇති සෞඛ්‍ය මාර්ගෝපදේශ අනුව එය ක්‍රියාත්මක කිරීම කෙරෙහි දෙරටේම අවධානය යොමුව ඇතැයි හෙතෙම වැඩිදුරටත් කීයා සිටියේය.
ඉන්දියානු ස්වදේශ කටයුතු අමාත්‍යංශය මේ වන විට එරටට පැමිණිය හැකි හා එරටින් පිටව යා හැකි ගුවන් මගීන් සම්බන්ධයෙන් මාර්ගෝපදේශ නිකුත් කර ඇති අතර ඒ සම්බන්ධයෙන් එකඟතාව පල කරන්නේ නම් මෙම ව්‍යාපෘතිය ආරම්භ කළ හැකි බව ඉන්දීය මහ කොමසාරිස්වරයා රජයට යෝජනා කර ඇතැයි සංචාරක අමාත්‍යවරයා පැවසීය.
ඒ අනුව මෙම යෝජනාව සම්බන්ධයෙන් මෙරට සෞඛ්‍ය බලධාරීන් හා කොව්ඩ් 19 පාලනය කිරීමේ කමිටුව සමගද කඩිනමින් සාකච්ඡා කිරීමට අපේක්ෂා කරන බවද ඇමතිවරයා සඳහන් කළේය.
ශ්‍රී ලංකාව-ඉන්දියාව අතර යළි ගුවන් ගමන් අරඹන්න යයි