(රංජන් කස්තුරි)

ශ්‍රී ලංකාව ජාත්‍යන්තරය තුළ ජාතික සන්නාමයක් බවට පත් කිරීම සඳහා පූර්ණ දායකත්වය ලබාදෙන බව ශ්‍රී ලංකා අලෙවිකරණ ආයතනය සඳහන් කරයි.

ලොව බොහෝ රටවල් දියුණුව කරා ගමන් ඇතතේ ජාතික සන්නාමකරණය තුළින් බවද ඉකුත්දා කොළඹදී පැවති ප්‍රවෘත්ති සාකච්ඡාවකදී ශ්‍රී ලංකා අලෙවිකරණ ආයතනයේ සභාපති නුවන් ගමගේ මහතා පැවසීය.

දේශපාලන  පක්ෂ සිය ප්‍රතිපත්තිය ප්‍රකාශනයන් තුළ ජාතික සන්නාමකරණය සඳහා ප්‍රමුඛතාවයන් ලබාදිය යුතු බවද ඒ සඳහා අලෙවිකරණ ආයතනයනායකත්වය ලබාදීමට සූදානම් බවද සභාපතිවරයා කීය.

ජාතික සන්නාමකරණය අගයනු ලබන බ්‍රදඩ් ෆයිනෑන් දර්ශකයේ ලොව සියලු රටවල් අතරින් 68 වැනි ස්ථානයේ පසුවූ ශ්‍රී ලංකාව මේ වන විට 74 වැනි ස්ථානය දක්වා පසුබැස තිබෙන බවද එය ඉහළ නංවා ගැනීම අත්‍යාවශ්‍ය බවද නුවන ගමගේ මහතා පැවසීය.

ඩොමිනිකන් ජනරජයට , භූතානය වැනි රටවල් ජාතික සන්නාමකරණය තුළින් ඉතා කෙටි කාලයකින් මහැගි ප්‍රතිඵල අත්කරගත් බවද ඔහු කීය.

එම ප්‍රවෘත්ති සාකච්ඡාවේදී අදහස් දැක්වූ ශ්‍රී ලංකා අලෙවිකරණ ආයතනයේ ජාතික සන්නාමකරණය ව්‍යාපෘතියේ සභාපතිනි කවී රාජපක්ෂ මහත්මිය සඳහන් කළේ මේ අවස්ථාවේ රට මුහුණ දී තිබෙන ආර්ථික ප්‍රශ්න විසඳීමට සුදුසුම දිගු කාලීන විසඳුම ජාතික සන්නාමකරණය බවයි.

ශ්‍රී ලංකාව වැනි වටිනාකම් රැසක් තියන රටකට දියුණු රටක තත්වයට පත්වීමට බොහෝ ඉඩකඩ තිබෙන බවද කවී රාජපක්ෂ මහත්මිය කීවාය.