2025 ජනවාරි මස 11 වන සෙනසුරාදා
නාලක සංජීව දහනායක
සිංගප්පූරු නිදහස් වෙළඳ ගිවිසුම හා නව වෙළඳ ප‍්‍රතිපත්ති පනත් පිළිබඳව ජනාධිපතිවරයා සමඟ සාකච්ඡා කිරීමට ඒකාබද්ධ විපක්‍ෂය සූදානමින් සිටින බව පාර්ලිමේන්තු මන්ත‍්‍රී ආචාර්ය බන්දුල ගුණවර්ධන මහතා අද (24) පැවසීය.
එහිදී මෙම පනත්වල සඳහන් රටට හා ජාතියට අහිතකර වගන්ති පිළිබඳව ජනාධිපතිවරයා දැනුවත් කිරීමට හැකියාව ලැබෙන බවද ඔහු කීය.
එහිදී මන්ත‍්‍රීවරයා මෙසේ ද කීය.
රජය සිංගප්පූරුව සමඟ අත්සන් කළ නිදහස් වෙළඳ ගිවිසුම සම්බන්ධයෙන් ඒකාබද්ධ විපක්‍ෂය විසින් හෙළිකළ කරුණු හේතුවෙන් මෙම ගිවිසුමට අත්සන් තැබූ අමාත්‍ය මලික් සමරවික‍්‍රම මහතා දැඩි තැතිගැනීමකට ලක්ව සිටිනවා. දේශීය ව්‍යාපාරිකයෙක් ලෙස අපි ඔහුට ගරු කරනවා. ඒ වගේම අපි රටට ආදරෙයි. ඒ නිසා රටට අහිතකර මෙම නිදහස් වෙළඳ ගිවිසුම ක‍්‍රියාත්මක කිරීමට අපි දැඩිසේ විරුද්ධයි. කිසියම් බලවේගයක් විසින් ඇමතිවරයා නෙමඟ යවන බවක් පෙනෙන්නට තිබෙනවා.
ඒකාබද්ධ විපක්‍ෂයේ ආර්ථික පර්යේෂණ ඒකකය පුංචි බොරැල්ල, වජිරාස‍්‍රමයේ දී අද (24) පැවැත්වූ මාධ්‍ය හමුවකට එක් වෙමින් මන්ත‍්‍රීවරයා මේ බව සඳහන් කළේය.
සිංගප්පුරු වෙළෙඳ ගිවිසුම ගැන ජනපති සමඟ සාකච්ඡාවක්